Yihooway ba ashkkaratu woosaa zaaridoogaa qonccissiya daro taariketi Geeshsha Maxaafan deꞌoosona. Xoossaa ashkkarati, Yihooway eta woosaa siyidi eta maaddidoogaa akeekido wode, eta ammanoy keehi minnidoogee qoncce. Yaatiyo gishshawu, nuussi koshshiya ubbabaa qonccissi woossi simmidi, Yihooway nu woosaa waati zaariyaakko akeekana koshshees. Yihooway nu woosaa nu qoppibeenna ogiyan zaarana woy nu oychchidoogaappe aarobaa immana danddayiyoogaa hassayana bessees. (2Qor 12:7-9; Efi 3:20) Yihooway nu woosaa waati zaarii?

• Nuna gakkiya metuwaa genccanawu nuuni asatettaaban, qofan woy ayyaanaaban mino gidanaadan maaddees.—Pili 4:13

• Loꞌꞌobaa kuuyanawu maaddiya aadhdhida eratettaa immees.—Yaaq 1:5

• Issibaa oottanawu nuuyyo koshshaanne wolqqaa immees.—Pili 2:13, NW

• Nuuni unꞌꞌettiyo wode woppu gaanaadan maaddees.—Pili 4:6, 7

• Haratu baggaara nuussi koshshiyaabaa kuntteesinne minttettees.—1Yoh 3:17, 18

• Nuuni etawu woossido ishanttanne michchontta maaddees.—Oos 12:5, 11

YIHOOWAY ‘WOOSAA SIYIYAAGAA’ GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Sahuwaa gaasuwan nuuni oottanawu koyiyo ubbabaa oottana danddayennaba gidikko, Ishaa SHimiza gakkidabay nuna waati maaddana danddayii?

• Nuuni Ishaa SHimizu leemisuwaa waati kaallana danddayiyoo?