Ayyaanaabaa halchchoy nuuni Yihoowawu kaseppe aaruwan haggaazanawunne A ufayssanawu minnidi oottiyo ubbabaa xaaxi waaxees. Hegee nuuni kayma Kiristtaane gidanaadan maaddees; qassi nu wodiyanne wolqqaa hegawu peeshshiyogee bessiyaba. (1Xim 4:15) Nu halchchuwa ubbatoo yiggana koshshiyoy aybissee? Hanotati laamettiyo gishshataassa. Kase nu kessido halchchoy polanawu metiyaaba, woy geella poliichchidoogaa gidiyo gishshawu hara halchchuwa kessana danddayoos.

Ooratta haggaazo layttay doommanaappe kasetiya wodee, nu halchchidobata yiggiyo injje wode. Intte soo asaa goynuwa wode buzonne so asaa xekkan intte kessana danddayiyo halchchota xeelliyagan tobbana danddayeeta.

Hagaappe kaallidi deꞌiyabata xeelliyagan aybaa halchchana danddayeetii, qassi he halchchuwa polanawu ay oottana danddayeetii?