MINNADA HAGGAAZA
Haggaazuwan Kaseegaappe Qara Gidiyoogaa—Maxeetiyaa Immanawu Asaa Haasayissanabaa Giigettite
HEGEE KEEHI KOSHSHIYOY AYBISSEE?: Xannaꞌiyo xuufiyan deꞌiya, asaa haasayissanawu maaddiya qofay qanttan xaafettidaba. Intte he qofaa hara ogiyan odana koshshees. Hegaappe dummatiya ogiyan odana danddayeeta, woy qassi intte heeran deꞌiya asawu haniya hara qofaa giigettana danddayeeta. Maxeetiyaa nabbaboogaappe, asaa haasayissanawu maaddiya qofaa xannaꞌoogaappenne biiduwaa beꞌoogaappe guyyiyan, asaa haasayissanabaa giigettanawu kaallidi deꞌiya qofaa goꞌettana danddayeeta.
WAATANA DANDDAYIYOO?
‘Haasayissanawu maaddiya qofaa goꞌettanawu koyiyaanaa?’ giidi inttena oychite.
EE
-
Koyro haasayanabaa giigettite. Saroti simmidi, intte aybissi biidaakko qanttan yootite. (Leemisuwaa: “Taani yiidoy . . . ”)
-
Oyshaappe xiqisiyawu, qassi xiqisiyaappe xuufiyaa immiyoogawu kanttiyo wode gaanabaa qoppite. (Leemisuwaa: Xiqisiyaa erissanawu, “Ha xiqisee he oyshaa loytti zaarees” gaana danddayaasa.)
CHII
-
Inttena ufayssidanne intte heeran deꞌiya asawu haniya qofaa maxeetiyaappe doorite
-
Keettaaway qoppanaadan oottiya, zaaranawu metenna oyshaa doorite. (Leemisuwaa: Maxeetetun sinttaa 2n deꞌiya oyshata.)
-
Nabbabana xiqisiyaa doorite. (Beegottite! maxeetee Geeshsha Maxaafaabaa darin erenna asawu, ubba qassi haymaanootiyaa dosenna asawu giigiyaabaa gidiyo gishshawu, hegaa immiyo wode, xiqisiyaa nabbabennan aggana danddayeeta.)
-
Keettaaway he huuphe yohuwaa nabbabiyoogan waani goꞌettanaakko qonccissanawu issi woy naaꞌꞌu qofaa qashuwaa qoppite
NAAꞌꞌU HANOTANKKA
-
Zaaretti oychiyo wode zaarana oyshaa giigissite
-
Hara galla gaanabaa hassayanawu xaafi oyqqite
