Daawiti Yihoowan ammanettido gishshawu Gooliyaada xooniis. (1Sam 17:45) Yihooway ba wolqqaa goꞌettidi ba ashkkarata ubbaa maaddanawu koyees. (2Odi 16:9) Nuuyyo deꞌiya eran woy meeziyan gidennan Yihoowa maaduwan waani ammanettana danddayiyoo? Hegawu maaddiya ha heezzu ogeta beꞌa:

• Ubbatoo woossa. Nuuni moori simmidi atto gaanaadan woossiyoogaa xalla gidennan, iitabaa oottanawu paacettiyo wodekka wolqqaa demmanawu woossana koshshees. (Maa 6:12, 13) Nuuni issibaa kuuyanaappe kasetidi Yihoowa kaaletuwaanne aadhdhida eratettaa demmanawu woossana koshsheesippe attin, kuuyiichchi simmidi I anjjanaadan woossana koshshenna.—Yaaq 1:5

• Ubbatoo Geeshsha Maxaafaa nabbabanne xannaꞌa. Galla galla Geeshsha Maxaafaa nabbaba. (Maz 1:2) Geeshsha Maxaafaa taariketa yuushsha qoppa; qassi tamaaridobaa oosuwan peeshsha. (Yaaq 1:23-25) Haggaazuwawu giigettiyo wode, nu xuufeta pilggappe attin neeyyo deꞌiya eran ammanettoppa. Gubaaꞌe shiiqotuyyo giigettiyoogan shiiqotuppe loytta goꞌetta

• Yihoowa dirijjitiyaara hasheta. Yihoowa dirijjitee mata wode kessido kaaletota ubbatoo sohuwaara kaalla. (Qoo 9:17) Cimati zoriyoodenne kaaletuwaa yootiyo wode loytta ezgga.—Ibr 13:17

NUUNI YEDETAA YAYYIYO AYBA GAASOYNNE BAAWA, GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Ishanttanne michchontta gakkida yashshiya hanotay aybee?

• He yashshiya hanotaa genccanaadan eta aybi maaddidee?