Yihoowaara mino dabbotaa medhdhana danddayiyay kandduwan geeshsha gididaageetu xalla. (1PHe 1:14-16) Xinaateti iita meezeta muleera aggiyoogee so asaara, payyatettaaranne miishshaara gayttidaagan eta maaddana danddayees.

Yihooway kessido kandduwaa maarata, I hegeeta kessido gaasuwaanne eta kaalliyoogaa goꞌꞌaa xinaatetussi loytta qonccissa. Ne xinaateti qoppiyo ogiyaa laammanaadan neeni maaddikko, eti Yihooway koyiyoobaa oottana danddayoosona. (Efi 4:22-24) Eti adussa wodiyawu oottiiddi takkido iitabaa Yihooway maaddin aggana danddayiyoogaa ammanettanaadan maadda. (Pili 4:13) Ne xinaateti nagaraa amuwan paacettiyo wode, Yihooway maaddana mala mintti woossanaadan tamaarissa. Eti haakkana bessiyo paacciya hanotaa akeekanaadan eta maadda. Iita meezeta aggidi loꞌꞌobaa oottanaadan eta minttetta. Yihooway maaddin ne xinaateti laamettiyoogaa neeni beꞌiyoogan keehi ufayttana.

GEESHSHA MAXAAFAA INTTE XANNAꞌISSIYOOGEETA MAADDITE—IITA MEEZETA AGGANAADAN, GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Jeedin ammanettiyoogaa cimatinne Niita waati bessidonaa?

• Niita Jeedo waata loytta maaddadee?

• Jeeda Yihoowa maaduwaa koyiyoogaa waata bessadee?