HEGEE KEEHI KOSHSHIYOY AYBISSEE? Gubaaꞌe shiiquwan ubbatoo ‘Yihoowayyo yexxoosinne a sabboos.’ (Maz 149:1) Xoossaa sheniyaa waati oottanaakko shiiquwan tamaaroos. (Maz 143:10) Eranawu koyiyaageetinne Geeshsha Maxaafaa xinaateti gubaaꞌe shiiquwaa yiyo wode sohuwaara ayyaanaaban diccoosona.

WAATANA DANDDAYIYOO?

• Gubaaꞌe shiiquwaa yaanaadan sohuwaara shoobbite. Xannaꞌissiyoogaa doommosaara shiiquwawu shoobbite.—Ajj 22:17

• Eranawu koyiya urawu, shiiquwaabaanne shiiquwan tamaaranabaa yootite. Hegaara gayttidaagan kaallidi deꞌiyaabay maaddana: gubaaꞌe shiiquwawu shoobbiyo woraqataa, Kawotettaa Addaraashan Oosettiyaabay Aybee? giyo biiduwaa, qassi Yihoowa SHeniyaa giyo brooshuriyan timirtte 5 nne 7

• Maaddite. Eranawu koyiya ura neeni ekkada baana woy shiiquwawu bessiyaagaadan maayanaadan maaddana koshshiishsha? A matan uttada xuufeta bessa. Haratuura a eretissa