Geeshsha Maxaafaa xannaꞌissiyo ooratta broshuriyaanne maxaafaa demmidoogan keehi ufayttida! Keehi daro asaa erissiyo ashkkara oottanawu baaxetiyoogaa Yihooway anjjana mala woossoos. (Maa 28:18-20; 1Qor 3:6-9) Ha ooratta miishshata waati goꞌettanee?

Merinawu Ufayttada Deꞌa! giyo xuufee Geeshsha Maxaafaa ooratta ogiyan xannaꞌissanawu maaddiyaaba gidiyo gishshawu, xannaꞌissanawu giigettiyo wodenne, xannaꞌissiyo wode kaallidi deꞌiya maarata kaalla. a

• Xannaꞌana qofaa nabbabitenne oyshatun tobbite

• “Nabbaba” giya xiqiseta nabbabite; qassi xannaꞌiyaagee xiqisiyaa qofaa waati oosuwan peeshshanaakko akeekanaadan maadda

• Biidota bessada, hegawu giigida oyshatun tobbite

• Xannaꞌiyo wode ubban, issi timirttiyaa wurssanawu baaxeta

Haggaazuwan, izaawu xannaꞌanawu koyiyaakkonne eranawu broshuriyaa koyro imma. (“ Merinawu Ufayttada Deꞌa! Giya Broshuriya Koyro Haasayissiyo Wode Waatidi Immana Danddayiyoo?” giya saaxiniyaa xeella.) Broshuriyaa xannaꞌidi wurssi simmidi izaawu gujjidi xannaꞌanawu koyiyaaba gidikko maxaafaa immada timirtte 04ppe doommite. Neeni issi uraa Ay Tamaarissii, woy Xoossaa Siiquwan Deꞌa, giya maxaafaa xannaꞌissiyaaba gidikko, hegaa aggada Merinawu Ufayttada Deꞌa! giya maxaafaa doomissa; qassi awugaappe doommanaakko kuuyana danddayaasa.

GEESHSHA MAXAAFAA XANNAꞌANAWU HASHSHU SARO YAADASA! GIYA BIIDUWAA BEꞌITE, YAATIDI KAALLIDI DEꞌIYA OYSHATA ZAARITE:

• Xinaateti ooratta maxaafaappe ay tamaaranee?

• Xannaꞌiyoogaa biron doommiyaageeta ha biiduwaa bessana koshshiyoy aybissee?

• Xinaatee ubbatoo ay halchchanaadan minttettana koshshii, qassi he halchchuwaa polanaadan waati maaddana bessii?—“ Issi Issi Timirttiyaappe Tamaaranabatanne Halchchota” giya saaxiniyaa xeella