Ha waayissiya wurssetta wodiyan nuna gakkiya metota genccanawu nuussi koshshiya ubbabaa Xoossaa Qaalaappe demmoos. (2Xim 3:1, 16, 17) Gidikkokka, issi hanotawu koshshiya Geeshsha Maxaafay yootiyo maarata demmanawu nuussi issi issitoo maadoy koshshana danddayees. Leemisuwawu, neeni naata dichchanawu maaddiya zoriyaa koyiya uree? Neeni ne ammanoy paacettiiddi deꞌiyo yelagee? Neeni ne aqo laggee hayqqin kayyottida uree? Yaanikko, hegeetussi woy hegaa mala hara daro hanotatussi maaddiya Geeshsha Maxaafay yootiyo maarata jw.org saytiyaappe demmana danddayaasa.—Lee 2:3-6.

jw.org saytiyan koyro sinttan, GEESHSHA MAXAAFAA TIMIRTTETA giyaagaa doora. (Misiliyaa 1 xeella.) Hegan deꞌiyaageetuppe neeni koyidoogaa doora. Woy LAYBRERIYAA > KAALLI KAALLI KIYIYA HUUPHE YOHOTA giyaagaappe neeni koyidoogaa doora. (Misiliyaa 2 xeella.) Hegaa malabata JW Library^® giddonkka demmana danddayaasa. a Ha naaꞌꞌu sohotuppe issuwan deꞌiya huuphe yohota koyada nabbabiyoogan ufayttana danddayaasa. Hara ogee qassi, issi huuphe yohuwaa koyanawu jw.org saytiyan deꞌiya koya giya saaxiniyaa goꞌettiyoogaa.

Kaallidi deꞌiya huuphe yohota, koya giya saaxiniyan xaafa; qassi neeni nabbabana koyiyo huuphe yohuwan malaataa wotta.

• Naata dichchiyoogaa

• Unꞌꞌettiya yelagata

• Aqo laggee hayqqiyoogaa