Addettiyageeti asatettaaninne qofan nuna qohana danddayoosona. Eti nu goynuwa eqettiyo wode nuuni yashshan maashikko, ayyaanaaban shuggana danddayoos. Yaatin, addettiyageetuppe waana naagettana danddayay?

Yihoowa ashkkaratuppe daroti Yihoowan ammanettiyogan, addettiyageetu qohuwa genccidosona. (Maz 18:17) Leemisuwawu, addettiya iita bitanee Hamaani halchchidobaa Asttira kawuwawu yootiyogan qoncciya kessaasu. (Ast 7:1-6) A yaatanaappe kase, xoomiyogan Yihoowan ammanettiyogaa bessaasu. (Ast 4:14-16) A oottidobaa Yihooway anjjiis; qassi ba asaanne O ashshiis.

Yelagatoo, issi uri inttena addettikko, Yihooway maaddanaadan woossite, qassi inttena yelidaageetuyyo woy gita asawu hegaa yootite. Asttiro maaddidoogaadan Yihooway inttenakka maaddanaagaa ammanettana danddayeeta. Addettiyageetu qohuwa genccanawu harabaa ay oottana danddayeetii?

YELAGATU DEꞌUWA—ADDETTIYAGEETU QOHUWA WAATA GENCCANA DANDDAYIYAANAA? GIYA BIIDUWA BEꞌITE; YAATIDI KAALLIDI DEꞌIYA OYSHATA ZAARITE:

• CHarlappenne Fernippe yelagati ay tamaarana danddayiyoonaa?

  Ne zaaruwa

• Yelidaageeti bantta naati addettiyageetu qohuwa genccanaadan maaddanawu CHarlinne Ferna yootidobaappe ay tamaarana danddayiyoonaa?

  Ne zaaruwa