Daroti maatay deꞌiyogeetun ammanettokkona. Eti ammanettenna gaasoy qoncce. Ayssi giikko, maatay deꞌiyo daroti bantta maataa bessenna ogiyan goꞌettoosona. (Mik 7:3) SHin gubaaꞌe cimati banttawu deꞌiya maataa Yihoowa asaa maaddanawu goꞌettanaadan loohidoogee keehi ufayssiyaba.—Ast 10:3; Maa 20:25, 26.

Gubaaꞌe cimati alamiyan maatay deꞌiyogeetuppe keehi dummatoosona; eti gubaaꞌe cima gididi oottiyoy Yihoowanne A asaa keehi siiqiyo gishshataassa. (Yoh 21:16; 1PHe 5:1-3) Yesuusi kaalettin, he henttanchchati aassiyageeti ubbay Yihoowa keetta asadan banttana xeellanaadaaninne akko shiiqanaadan keehi maaddoosona. Eti Yihoowa dorssata ayyaanaaban minttettoosona; qassi eesuwan akkamettanaadan oottiyaabay merettiyo wode woy daafaban qohettiyoode sohuwara eta maaddoosona. Hegaa mala maadoy neessi koshshikko, ne gubaaꞌe cimaa haasayissanawu mammottoppa.—Yaaq 5:14.

WUDIYAWU WOZANAPPE QOPPIYA HENTTANCHCHATA GIYA BIIDUWA BEꞌITE; YAATIDI KAALLIDI DEꞌIYA OYSHATA ZAARITE:

• Cimati oottidobay Maariyano waati maaddidee?

  Ne zaaruwa

• Cimati oottidobay Eelaasa waati maaddidee?

  Ne zaaruwa

• Ha biidoy neeni cimatu oosuwa waata xeellanaadan oottidee?

  Ne zaaruwa