PHawuloosi ayyaanay denttettin Tiituussi kiittido dabddaabbiyan Tiita gujjin, yelaga attuma asay ‘loꞌꞌo ooso ubban leemiso gidanawu’ baaxetana mala xaafiis. (Tii 2:6, 7) I guyyeppe he shemppuwan, ‘loꞌꞌobaa oottanawu amottana’ mala Yesuusi Yihoowa asaa geeshshanaagaa qonccissiis. (Tii 2:14) He loꞌꞌo oosotuppe issoy Xoossaa Kawotettaabaa sabbakiyoogaanne tamaarissiyoogaa. Neeni yelaga gidikko, kaafiya aqinye woy ubba wode aqinye gidada oottanawu ne yelagatetta wolqqan oottana danddayay?—Lee 20:29.

Neeni aqinye gidada haggaazanawu koyikko, aqinye gidanawu ne deꞌuwan oottana bessiyaabata giigissa. (Luq 14:28-30) Leemisuwawu, neeni ubba wode haggaazuwaa haggaazaydda neeyyo koshshiyaabaa waata kunttuutee? Neeppe koyettiya saatiyaa waata kunttuutee? Nena maaddanaadan Yihoowa woossa. (Maz 37:5) Neeni halchchidobaa nena yelidaageetuuranne loꞌꞌo ayfiyaa demmida aqinyetuura haasaya. Yaatiyoogan, loddan loddan ne halchidobaa polaasa. Neeni minnada ayyo haggaaziyoogaa Yihooway anjjanaagaa ammanetta!

YIHOOWA BONCHCHIYA YELAGATA, GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Aqinye gididi haggaazanawu issoti issoti ayba metota xoonidonaa, qassi hegaadan eti waati oottidonaa?

• Yelidaageeti bantta naati ubba wode aqinye gidanaadan waati maaddana danddayiyoonaa?

• Sabbakanawu halchchuwaa kessiyoogee keehi koshshiyoy aybissee?

• Gubaaꞌiyan deꞌiyaageeti aqinyeta waatidi minttettananne maaddana danddayiyoonaa?

• Aqinye gididi haggaaziyaageeti ayba anjjota demmiyoonaa?