Asay beꞌiyoobaaninne siyiyooban ufayttiyo gishshawu biidoy eta wozanaa denttettana danddayees. Hegee asay loytti siyanaadaaninne siyiyoobaa dosanaadan maaddees. Tamaarissanawu beettiyaabaa goꞌettiyoogan Yihooway gita leemiso.—Oos 10:9-16; Ajj 1:1.

Xoossawu Suntti Deꞌii?, Geeshsha Maxaafaa Xaafissiday Oonee?, qassi Geeshsha Maxaafay Tuma Gidiyoogaa Waati Erana Danddayiyoo? giyo biidoti Mishiraachuwaa giyo brooshuriyan timirtte 2⁠nne 3 xannaꞌissiyo wode goꞌettiyoogeeta. Geeshsha Maxaafaa Xannaꞌana Koshshiyoy Aybissee?, Geeshsha Maxaafaa Waati Xannaꞌiyoo?, qassi Kawotettaa Addaraashan Oosettiyaabay Aybee? giyo biidoti asay nunaara xannaꞌanaadan woy gubaaꞌe shiiquwaa yaanaadan minttettoosona. Adussa biidotuppe amaridaageetakka xannaꞌissiyo wode tamaarissanawu goꞌettana danddayoos.—km 5/13 3.

• Issi ura bessanawu koyiyo biiduwaa kasetada dawunlode ootta

• I biiduwaa beꞌi simmidi zaariyo issi woy naaꞌꞌu oyshaa giigissa

• Biiduwaa aara issippe beꞌa

• Waanna qofaa tobbite

• Nu trakttetuppe issuwaa kessada wurssetta sinttan Geeshsha Maxaafaa Xannaꞌana Koshshiyoy Aybissee? giyo biiduwaa beꞌanaadan yootiya qofaa bessa

• Geeshsha Maxaafay Tuma Gidiyoogaa Waati Erana Danddayiyoo? giyo, timirtte 3 loytti qonccissiya biiduwaa bessada Mishiraachuwaa giyo brooshuriyaa imma