Xoossawu yayyiya aawatinne aayoti bantta naati ammanettidi Yihoowawu oottiyaageeta gidanaadan amottoosona. Yelidaageeti bantta naata guutta naatettaappe doommidi Geeshsha Maxaafaa timirttiyaa tamaarissiyoogan naata hegawu maaddana danddayoosona. (Zaa 6:7; Lee 22:6) Hegee intte intte goꞌꞌaa agganaadan oottiyaabee? Ee oottiyaaba! SHin demmiyo ayfiyaa qoppiyo wode, hegaadan baaxetiyoogee bessiyaaba.—3Yoh 4.

Aawatinne aayoti Yooseefappenne Mayraamippe darobaa tamaarana danddayoosona. Eti “laittan laittan, Paasikaa gallassaa bonchchiyo wode, Yerusalaame boosona,” hegee daafurssiyaabanne daro miishshaa wurssiyaaba. (Luq 2:41) Eti bantta soo asawu ayyaanaaban koshshiyaabaa sinttayidosona. Hegaadan, ha wodiyan aawatinne aayoti demmido injje ubban, haasayiyoobaaninne oottiyooban bantta naata suure ogiyaa kaalettana danddayoosona.—Maz 127:3-5.

BANTTAWU DANDDAYETTIDA UBBABAA OOTTIDOSONA GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Jooninne A keettaayiyaa SHaarona bantta naata dichchiyo wode Kawotettaabaa sinttayiyoogaa waati bessidonaa?

• Aawatinne aayoti naata huuphiyan huuphiyan dumma dumma ogiyan tamaarissana, kaalettananne seerana koshshiyoy aybissee?

• Aawatinne aayoti naati ammanuwaa paaciyaa eqettanawu giigettanaadan waati maaddana danddayiyoonaa?

• Intte naati ayyaanaaban diccanaadan maaddanawu Yihoowa dirijjitee giigissidobaa ay goꞌettidetii?