HEGEE KEEHI KOSHSHIYOY AYBISSEE? Hara daro miishshaagaadan, soshiyal networkee maaddana woy qohana danddayees. Issi issi Kiristtaaneti soshiyal networkiyaa goꞌettennan agganawu dooroosona. Harati qassi A goꞌettiyoy bantta soo asaaranne laggetuura gayttana xallaassa. Gidikkokka, Dabloosi nuuni soshiyal networkiyaa eratetti baynna ogiyan goꞌettin nu sunttaynne Yihoowaara deꞌiya dabbotay moorettanaadan koyees. Yesuusaagaadan Xoossaa Qaalan deꞌiya maarata kaallidi, qohana danddayiyaabata shaakki eriyoogan eqettana danddayoos.—Luq 4:4, 8, 12.

EQETTANA BESSIYO PIRETA:

• Soshiyal networkiyaa daro saatiyawu goꞌettiyoogaa. Keehi daro saatiyawu soshiyal networkiyaa woy soshiyal miidiyaa goꞌettiyoogee ayyaanaabaa oottiya alꞌꞌo wodee coo xayanaadan oottana danddayees

  Geeshsha Maxaafaa maaraa: Efi 5:15, 16; Pili 1:10

• Bessennabaa beꞌiyoogaa. Iita misileta xeelliyoogee pornograafiyaa beꞌiyoogee amale gidanaadaaninne pokkobaa oottanaadan denttettana danddayees. Kaddidaageeti xaafidobaa Interneentiyan nabbabiyoogee issi uraa ammanuwaa moorana danddayees

  Geeshsha Maxaafaa maaraa: Maa 5:28; Pili 4:8

• Bessenna pootuwaa woy xaafidobaa wottiyoogaa. Wozanay cimmiyaaba gidiyo gishshawu, issi uri bessennabaa xaafana woy bessenna pootuwaa wottana danddayees. SHin yaatiyoogee he uraa sunttay moorettanaadan qassi I ayyaanaaban qohettanaadan oottana danddayees

  Geeshsha Maxaafaa maaraa: Roo 14:13; Efi 4:29

SOSHIYAL NETWORKIYAA GOꞌETTIYO OGIYAN AKEEKANCHA GIDA GIYO BIIDUWAA BEꞌIDI, KAALLIDI DEꞌIYAABAAPPE WAANI HAAKKANAAKKO TOBBITE