Yesuusi nuuni ubbatoo, ubba qassi paaceenne yedetay gakkiyo wode kaallana bessiya leemiso. (1PHe 2:21-23) Yesuusa asay cayidaba gidikkokka, I awudenne, ubba keehi waayettiyo wodiyankka halo kiyibeenna. (Mar 15:29-32) I genccanaadan maaddiday aybee? I Yihooway koyiyoobaa oottanawu murttiis. (Yoh 6:38) Hegaa bollikka, “wodeppe au de7iya ufaissaa” loytti qoppiis.—Ibr 12:2.

Nu ammanuwaa gaasuwan asay nuna naaqqiyo wode waaniyoo? Tumu Kiristtaaneti, ‘iitabaa oottida urawu iitabaa ootti zaarennaagee’ erettidaagaa. (Roo 12:14, 17) Nuuni Yesuusaagaadan metuwaa gencciyo wode, Xoossaa ufayssiyaabaa oottidoogaa eriyo gishshawu ufayttoos.—Maa 5:10-12; 1PHe 4:12-14.

YIHOOWA SUNTTAY KEEHI GITABA GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Michchiyaa Gertruda barkka qashettido wode ba wodiyaa waata loytta goꞌettadee?

• Ishaa Martiininne A machchiyaa Gertruda dumma dumma gidida daro qasho keettan qashettidi genccidobay aybee?

• Eti genccanaadan maaddiday aybee?