Muusee Yihoowappe aawatetta koyro ekkido wode, I hegaa loytta oottana danddayikke giidi qoppiis. (Kes 4:10, 13) Neeyyo hegaadan siyetti erii? Neeni Geeshsha Maxaafaa Yihoowa Markkatuura xannaꞌaydda deꞌay? Neeni sooppe soo baada mule sabbakana danddayikke gaada qoppa eray? Woy neeni timirtte keettan sabbakanawu yayyiya yelaga gidana danddayaasa. Woy qassi silkkiyan woy dabaaban markkattanawu neeni yayyana danddayaasa. Yihooway ba geeshsha ayyaanaa immanaadan woossa. (1PHe 4:11) Neeyyo imettiya ay aawatettaakka polanaadan I nena maaddanaagaa ammanetta.—Kes 4:11, 12.

XALA GIDA—AASSIYAAGAWU , GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Michchiyo Aꞌoyamo gakkida paacee aybee?

• A minonne xala gidanaadan maaddiday aybee?— Erm 20:7-9

• Yihoowa haggaazuwan loytta oottanawu baaxetidoogan A waana goꞌettadee?

• Haggaazuwan gakkiya ayba paaciyaa neeni xoonanaadan Yihooway maaddana danddayii?