HEGEE KEEHI KOSHSHIYOY AYBISSEE? Yihooway ekkiyo ogiyan awu goynnanawu asay Yihoowa maaraa tamaarananne hegaara maayettidi deꞌana bessees. (Isi 2:3, 4) “Xoossaa Siiquwan” giyo, nuuni Geeshsha Maxaafaa tamaareta xannaꞌissiyo naaꞌꞌantto maxaafay, eti Geeshsha Maxaafaa maaraa galla galla waati oosuwan peeshshana danddayiyaakko akeekanaadan maaddees. (Ibr 5:14) Loꞌꞌo qofay denttettin eti bantta deꞌuwan laamettanaadan, nuuni eta wozanaa denttettiya ogiyan tamaarissana bessees.—Roo 6:17.

WAATANA DANDDAYIYOO?

• Tamaariyawu koshshiyaabaa akeekidi loytti giigettite. Tamaariyoobaa xeelliyaagan tamaariyawu siyettiyaabaa akeekanawu maaddiya gujo oyshaa giigissite.— Lee 20:5; be 259

• Geeshsha Maxaafaa maaraa oosuwan peeshshiyoogee maaddiyoogaa tamaaree akeekanaadan maaddanawu maxaafan deꞌiya saaxineta goꞌettite

• Tamaaree asi ba kahan kuuyiyoobaa loytti akeekanaadan maaddite; shin issibaa a gishshaa kuuyoppite.—Gal 6:5

• Tamaaree oosuwan peeshshanawu intte maaddana koshshiyo Geeshsha Maxaafaa maarati awugeetakko akeekite. Yihoowa siiqidi ba deꞌuwan issi issibaa laammanaadan kehatettan maaddite.—Lee 27:11; Yoh 14:31