JW Library neeni Geeshsha Maxaafaanne hara xuufeta, biidotaanne cenggurssan giigida harabaa ne silkkiyan, taabletiyan woy kompputeriyan miishsha qanxxennan dawunlode oottanaadan maaddiya prograamiyaa.

HEGAA WAATI DEMMANA DANDDAYETTII? Intternneetiyan prograameta caananawu maaddiyaabaappe JW Library caana. He prograamiyaa dumma dumma miishshatun goꞌettana danddayettees. Interneettiyan ha prograamiyaappe neeni goꞌettiyo miishshawu haniyaagaa dooya. Ne son Intternneetee deꞌana xayikko, Kawotettaa Addaraashan, laybireeriyan woy hooteeliyan demmana danddayaasa. Neeni xuufiyaa issitoo dawunlode oottada a goꞌettanawu Interneettiyaa dooyana koshshenna. Darotoo oorattabay JW Libraryan kiyiyo gishshawu, ooratta kiyidabaa caananawu issi issitoo Interneettiyaa goꞌettana koshshees.

GOꞌETTANA KOSHSHIYO GAASUWAA: JW Library goꞌettiyo wode buzo xinaatiyawunne gubaaꞌiyaa shiiquwaa wode kaallanawu keehi injjetees. Haggaazuwawu, ubba qassi haggaazanawu kiyennan markkatanawukka hegee keehi maaddees.