Muuse Higgee ba machchiyo yeddana koyiya uri iyyo paramaa woraqataa immana bessiyoogaa yootees. Hegee asay dirbbidi ba aqo deꞌuwaa laalennaadan maaddiis. SHin Yesuusa wode, haymaanootiyaa kaalettiyaageeti asi koyikko ba aqo laggiyaappe shaahetti agganaadan oottidosona. Azinay aybakka gidin gaasoyidi maccaasaa yeddana danddayees. (nwtsty Mar 10:4, 11 xannaꞌanawu maaddiyaabaa) Aqo deꞌoy Yihooway giigissidoba gidiyo gishshawu, hegee loytti qoppana bessiyaaba gidiyoogaa Yesuusi mintti yootiis. (Mar 10:2-12) Xoossaa halchchoy, azinaynne machchiyaa shaahettennan, “issi asa” gididi deꞌanaadaana. Hagaa mala qofay qonccido Maatiyoosa maxaafay, paraman shaahettana danddayiyo, Geeshsha Maxaafaa maaraa yootees; hegeekka etappe issoy ‘shaaramuxiyoogaa’ xallaana.—Maa 19:9.

Ha wodiyan, daro asay aqo deꞌuwaa Yesuusaagaadan gidennan Parisaawetuugaadan xeellees. Alamiyaa asay issi metoy merettikko aqo deꞌuwaa laali bayees. SHin Kiristtaaneti ekkiyo wode woy geliyo wode maacettido maachchaa keehi bonchchoosona; qassi bantta metuwaa Geeshsha Maxaafaa maaraa kaallidi giigissanawu baaxetoosona. Siiqoynne Bonchchoy So Asaa Issippetettawu Koshshiyaaba giyo biiduwaa beꞌite; yaatidi, kaallidi deꞌiya oyshata zaarite:

• Leemiso 15:1 intte aqo deꞌuwan waati oosuwan peeshshana danddayeetii, qassi hegee koshshiyoy aybissee?

• Metoy merettennaadan Leemiso 19:11 waati oosuwan peeshshana danddayeetii?

• Intte aqo deꞌoy laalettana hanikko, ‘Paraman shaahettoo?’ giidi qoppiyoogaappe woygiya oyshata qoppana danddayeetii?

• Maatiyoosa 7:12 oosuwan peeshshiyoogan loꞌꞌo azina woy machcho waani gidana danddayeetii?