‘Wurssetta gallassay’ wuranawu matido wode nuuni genccana koshshiya metoy yaa daranaagaa eroos. (2Xim 3:1; Maa 24:8 nwtsty xannaꞌanawu maaddiyaabaa) Daafabay gakkiyo wode Yihoowa asay deꞌuwaa ashshiya kaaletuwaa koshshiyo wodiyan ubbatoo demmees. Nuuni he wode attana danddayiyoy ha wodiyan ayyaanaabaaninne asatettaaban nuuyyo imettiya kaaletuwaa kaalliyoogaana.—Luq 16:10.

• Ayyaanaaban giigettite: Loꞌꞌo meeziyaa dichchite. Dumma dumma ogiyan haggaaziyoogaa tamaarite. Intte gubaaꞌiyan deꞌiya haratuppe guutta wodiyawu shaahettikko dagammoppite. (Isi 30:15) Yihoowappenne Yesuusappe mule shaahettekketa.—od-AM 176 ¶15-17

• Asatettaaban giigettite: Ekkidi baana borssan qumaa, haattaa, xaliyaanne amarida wodiyawu takkiyo sohuwan koshshiya harabaa ubba keettaa asay giigissidi wottana koshshees.—Lee 22:3; g17.5-AM 4, 6

MERETAY GATTIYO DAAFABAWU GIIGETTADII? GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Daafabay gakkiyo wodiyawu ayyaanaaban waani giigettana danddayiyoo?

• Nuuni kaallidi deꞌiyaabata oottana koshshiyoy aybissee?

  • Cimatuura loytti haasayana

  • Qoppennabay gakkiyo wode ekkidi biyoobaa giigissana

  • Gakkana danddayiya daafabaanne he wode oottana danddayiyoobaa haasayana

• Harati daafaban qohettiyo wode nuuni eta maaddana danddayiyo heezzu ogeti aybee?

NENA HAGAADAN OYCHCHA, ‘Giigettiyoogaa xeelliyaagan ubbasaa gakkiya KOVID-19ppe taani ay tamaarana danddayiyaanaa?’