Nuuni nagaranchcha gidiyo gishshawu, iita amuwaa xoonanawu ubbatoo baaxetana koshshees. Nuuni amottiyo ubbabaa oottikko, Yihoowan nashettokko. Leemisuwawu, issooti issooti Xoossaa siiqiyoogaappe aaruwan qumaa, maayuwaanne keettaa siiqoosona. Harati, Xoossay kessido maaraara maayettenna ogiyan mattumaa gayttoosona. (Roo 1:26, 27) Amaridaageeti qassi, bantta laggetun sabettanawu koyiyo gishshawu, iitabaa oottanaadan laggeti eta denttettoosona.—Kes 23:2.

Nuuni iita amuwaa waati xoonana danddayiyoo? Yihoowa ufayssanawu nuuyyo danddayettida ubbabaa oottana bessees. (Maa 4:4) Qassi, nuuni iita amuwaa xoonanawu maaddana malaa Yihoowakko woossana koshshees. Ayssi giikko, I nuussi loꞌꞌobay aybakko eriyo gishshawu, nu amottiyo loꞌꞌobaa kunttana danddayees.—Maz 145:16.

SIJAARAY NENA QOHENNAADAN NAAGETTA, GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Issi issi asay sijaaraa uyiyoy aybissee?

• Sijaaraa uyiyoogee nena waati qohana danddayii?

• Sijaaraanne elektiroonike sijaaraa uyiyoogee bala gidiyoy aybissee?—2Qor 7:1

• Sijaaraa uyanaadan issi uri nena shoobbin ixxiis gaanawu woy kase uyiyaaba gidikko, he amaliyaa agganawu waatana danddayay?