Ha alamiyaa wurssettay matiyo wode, asay kawuwaa bolli denddiyoogee, shabbirssaynne olay daranaagaa eroos. (Ajj 6:4) Yaatin sinttappe gakkana metuwawu waani giigettana danddayiyoo?

• Ayyaanaaban giigetta: Neeni Yihoowaaninne A dirijjitiyan ammanettanaadan, qassi polotikaaban oossinne exatennan deꞌanaadan maaddiya Geeshsha Maxaafay yootiyo maarata yuushsha qoppa. (Lee 12:5; jr-E 125-126 ¶23-24) Ha wodiyan, gubaaꞌiyan deꞌiyaageetuura mino laggetettaa medhdhana koshshees.—1PHe 4:7, 8

• Payyatettawunne Deꞌuwawu koshshiyaabata giigissa: Sooppe kiyana danddayettennaba gidikko, son takkanawu halchcha; qassi koshshiyaabata gidiyaagaa keenaa giigissa. Neeni sooppe kiyana koshshikko, waatanaakko halchchuwaa kessa. Borssan keehi koshshiyaabata yeggidaakkonne loytta xeella; qassi miishshanne naagettanawu maaddiya harabatakka oyqqa. Cimatuura gayttana danddayiyo ogiyaa qoppa; qassi eti nenaara waani gayttana danddayiyaakko etawu yoota.—Isi 32:2; g-AM 17.5 3-7

Makkalay denddiyo wodiyan, ayyaanaaban kaseegaappe mino gida. (Pili 1:10) Keehi koshshennaba gidikko, issisaappe harasaa booppa. (Maa 10:16) Qumaanne koshshiya harabata immiyoogan harata maadda.—Roo 12:13.

MERETAY GATTIYO DAAFABAWU GIIGETTADII? GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Daafabay gakkiyo wode Yihooway nuna waati maaddana danddayii?

• Nuuni giigettanawu oottana koshshiyaabati aybee?

• Daafaban qohettidaageeta nuuni waati maaddana danddayiyoo?