“GODAI ba asan ufaittees.” (Maz 149:4) Nuuni nagaranchcha gidikkonne, I nu loꞌꞌo eeshshaanne nuuni sinttappe oottanabaa xeellees. SHin nuussi deꞌiya loꞌꞌo eeshshata akeekanawu issi issitoo metootana danddayoos. Harati nuna oyqqiyo hanotaappe denddidaagan pattenna asadan nuna xeellana danddayoos. Woy nuuni kase oottido mooruwaa qoppidi Yihooway nuna tumuppe siiqiyoogaa sirana danddayoos. Hagaa malabay nuussi siyettiyo wode nuna aybi maaddana danddayii?

Asay xeellanawu danddayennabaa Yihooway xeelliyoogaa hassayite. (1Sam 16:7) Hegaa giyoogee nuuni nubaa xeellanawu danddayennabaakka Yihooway xeellees giyoogaa. Yihooway nuna xeelliyo ogiyaa akeekanaadan Geeshsha Maxaafay nuna maaddiyoogee ufayssiyaaba. Yihooway baassi goynniyaageeta keehi siiqiyoogaa qonccissiya Geeshsha Maxaafaa xiqisetanne taariketa nuuni nabbabiyo wode hegaa akeekana danddayoos.

NE WOZANAY YIHOOWA SINTTAN WOPPU GAANAADAN OOTTA GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Wottanchchaabaanne A aawaabaa yootiya leemisuwaappe Yihooway nuna xeelliyo ogiyaabaa ay tamaariyoo?

  Ne zaaruwaa

• Gita nagaraa oottida uri Yihoowaara zaarettidi dabbotaa minttanawu koshshiyaabaa oottikko, ba wozanaa Yihoowa sinttan waati woppu oottana danddayii?—1Yoh 3:19, 20

  Ne zaaruwaa

• Daawitabaanne Yoosaafixabaa yootiya taarikiyaa nabbabidi wotti dentti qoppidoogan he ishay waani goꞌettidee?

  Ne zaaruwaa