Yesuusi saꞌan deꞌiyo wode, “Ne aawaanne ne aayyiyo bonchcha” giya azazuwaa mintti yootiis. (Kes 20:12; Maa 15:4) Yesuusi ba aawawunne aayeessi yelagatettan ubbatoo ‘azazettiyo’ gishshawu, aybanne yayyennan haasayidoogee qoncce. (Luq 2:51) I hayqqoogaappe guyyiyan a aayyiyo xeelliya ura kasetidi giigissiis.—Yoh 19:26, 27.

Nu wodiyankka, yelaga Kiristtaaneti banttana yelidaageetussi azazettiyoogaaninne eta bonchuwan haasayissiyoogan eta bonchiyoogaa bessoosona. Nuna yelidaageeta bonchanaadan azazido azazuwawu wottido zawi baawa. Nuna yelidaageeti cimikkokka, nuuni etawu azazettananne eta aadhdhida eran goꞌettana koshshees. (Lee 23:22) Nuna yelidaageeti cimiyo wode eta qofissiyaabaaninne miishshan maaddiyoogeekka eta bonchiyoogaa bessees. (1Xim 5:8) Nuuni yelaga gidin, cimakka gidin, nuna yelidaageetuura ubbatoo maara haasayiyoogee eta bonchchanawu keehi maaddees.

TA AAWAARANNE AAYEERA WAATA HAASAYANA DANDDAYIYAANAA? GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Nena yelidaageetuura haasayanawu neeni metootana danddayiyoy aybissee?

• Nena yelidaageetuura haasayiyo wode eta waata bonchchana danddayay?

• Nena yelidaageetuura haasayanawu baaxetiyoogee bessiyaaba gididoy aybissee? (Lee 15:22)