Xoossaa Kawotettaa woqqa wodiyawu naagadii?  Wayssiyaabay deꞌishinkka genccada naagadii? (Roo 8:25) Amarida kiristtaaneta ixoy, tooshee, qashoy, ubba qassi hayquwaa yashshaykka gakkiis. Hara corati qassi yeddenna harggiyaa woykko ceegatettaa malatiyaabaara baaxetiiddi deꞌoosona.

Ay metoy deꞌishinkka yeemuwan naaganaadan nuna aybi maaddanee? Hachchi hachchi Geeshsha Maxaafaa nabbabiyoogaaninne wotti dentti qoppiyoogan nu ammanuwaa minttana bessees. Nu xeelaa nu hidoota bolli wottana bessees. (2Qor 4:16-18; Ibr 12:2) Yihooway ba Geeshsha ayyaanaa wolqqaa nuussi immanaadan akko zaari zaaridi woossana bessees. (Luq 11:10, 13; Ibr 5:7) Nu siiqo aaway nuuni “danddayaaninne ufayssan polo genccanaadan” nuna maaddana danddayees.”—Qol 1:11.

NUUNI “GENCCAN WOXXANA BESSEES”—WOYTUWAA DEMMIYOOGAN AMMANETTITE YAAGIYA BIIDUWAA BEꞌITE, YAATIDI KAALLIYA OYSHATA ZAARITE:

• Qoppennan deꞌishin nuna gakkana danddayiyaabati aybee? (Era 9:11)

• Paacee gakkiyo wode woosay nuna waati maaddana danddayii?

• Yihoowa haggaazuwan beniigaadan oottana danddayennaba gidikko haꞌꞌi oottana danddayiyooban ayssi xeella wottokko?

• Woytuwaa demmiyoogan ammanettana mala inttena maaddiyaabi aybee?