Iita waayee keehi matido gishshawu, nuuni eesuwan sabbakana koshshees. (Lee 24:11, 12, 20) Erissiyo karddiyaa goꞌettidi asay Xoossaa Qaalaanne nu weyb saytiyaa eranaadan maaddana danddayoos. He karddiyan Geeshsha Maxaafaa Xannaꞌana Koshshiyoy Aybissee? giyo biiduwaa beꞌanawu maaddiya kooddee, qassi gujjidi eranawunne Geeshsha Maxaafaa xannaꞌanawu oychanaadan minttettiya shoobee deꞌees. Issi issi asay xuufiyaa ekkanawu koyennaba gidikkokka, nu weyb saytiyaa xomoosanawu koyees. He karddiyaa asawu immite. SHin he karddiyaa ekkanawu koyenna asawu immoppite.

Haggaazuwawu kiyennankka hagaadan giidi issi uraa haasayissiyoogaa doommana danddayeeta: “Taani neeyyo issibaa immana koyays. Ha karddee dumma dumma allaalliyaa xeelliyaagan daro qofaa qonccissiya, qassi daro biidoy deꞌiyo issi weyb saytiyaa erissees.” (Yoh 4:7) He erissiyo karddee guutta gidiyo gishshawu, injjetiya hanota ubban asawu immanawu amaridaagaa ubbatoo oyqqana danddayeeta.