Neeni issi laggiyaappe naagiyo eeshshati aybee? Ammanettiyaagaa, qoppiyaagaanne kehiyaagaa gidana danddayees. Ha ubba eeshshati Yihoowawu deꞌoosona. (Kes 34:6; Oos 14:17) Neeni akko woossiyo wode I siyees. Neessi maadoy koshshiyo wode ubban I nena maaddees. (Maz 18:19, 35) I ne mooruwaa atto gees. (1Yoh 1:9) Yihooway ooppenne aadhdhiya loꞌꞌo Dabbo!

Neeni Yihoowa dabbo waana gidana danddayay? A Qaalaa nabbabiyoogan abaa tamaara. Neeyyo siyettiyaabaa ayyo yoota. (Maz 62:8; 142:2) Yihooway xoqqu ootti xeelliyoobata hegeetikka, A Naꞌaa, A Kawotettaanne I qaalaa gelidobata nashshiyoogaa bessa. Abaa haratuyyo yoota. (Zaa 32:3) Neeni Yihoowaara dabbotido dabbota minttada deꞌikko, I neeyyo merinawu Dabbo gidana.—Maz 73:25, 26, 28.

YELAGATOO—‘YIHOOWAY KEHA GIDIYOOGAA XEELLI BEꞌITE’ GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Ne huuphiyaa sheedhdhada xammaqettanawu waana giigettana danddayay?

• Gubaaꞌiyan deꞌiya harati neeni Yihoowawu haggaazanaadan waati maaddidonaa?

• Haggaaziyoogee neeni Yihoowaara dabbotido dabbotaa waati minttii?

• Neeni Yihoowawu oottana danddayiyo oosoti aybee?

• Yihoowa xeelliyaagan neeni nashshiyoobay aybee?