Yihoowa Markkatussi dumma maatay deꞌees. Nuuni xammaqettida Kiristtaaneta gidiyo gishshawu, Ubbaa Haariya Godaa Yihoowaara dabbotaa minttidi deꞌana danddayoos. I ba Naꞌaa baggaara nuna baakko shiishshiis. (Yoh 6:44) I nu woosaa siyees.—Maz 34:15.

Xoossaara dabbotido alꞌꞌo dabbotaa waati naagana danddayiyoo? Issibay, Israaꞌeelati oottidoogaadan nuuni iitabaa oottana koshshenna. Eti Yihoowawu goynnanawu qaalaa gelidi daro takkennan, worqqaa mara malatissidi eeqqaa medhdhidi ayyo goynnidosona. (Kes 32:7, 8; 1Qor 10:7, 11, 14) Nuna hagaadan oychchana danddayoos: ‘Taani iitabaa oottanawu paacettiyo wode waatanee? Taani oottiyoobay Yihoowaara dabbotido dabbotaa xoqqu oottada xeelliyoogaa bessii?’ Nuuni saluwan deꞌiya nu Aawaa wozanappe siiqiyoogee I ixxiyoobata baqatanaadan nuna maaddana.—Maz 97:10.

YIHOOWAARA DABBOTIDO DABBOTAY MOORETTENNAADAN MINTTA NAAGA (Qol 3:5), GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Yaaretiyoogee woy miishshaa amottiyoogee aybee?

• Nuuni yaaretiyoogaanne eeqawu goynniyoogaa ixxana bessiyoy aybissee?

• Wodiraa laammiyoogeenne eeqawu goynniyoogee waani gayttii?

• Yihoowa dirijjitiyan aawatettay deꞌiyoogeeti bantta machchotussi koshshiyaaban qoppiyoogaa shaakki erana koshshiyoy aybissee?