Daro asay 2024n alamiyan deꞌiya metoti qaarettiyo ogee baynnabadan qoppees. Shin, loꞌꞌobaa hidootanaadan oottiyabaa demmana danddayoos. Awuppe?

 Geeshsha Maxaafay ha wodiyan nuuyyo hidooti baynnabadan qoppanaadan oottiya metota Xoossay xayssanaagaa yootees. Xoossay mata wode, “[nu] aifiyaappe afutta ubbaa quccana. Hagaappe sinttanau haiqoinne kayyoi woi waasoinne sahoi de7enna.”—Ajjuutaa 21:4.

•   Geeshsha Maxaafay yootiyo sinttappe hananabata gujjada eranawu, “Sinttappe Loꞌꞌo Wodee Yaanaagaa Ammanettana Danddayiyoo?” giya huuphe yohuwa nabbaba.

 Geeshsha Maxaafay neeni iitabaa qoppiyogaa agganaadaaninne loꞌꞌobaa qoppanaadan maaddana danddayiya sinttappe hanana ufayssiyabaa yootees. (Roome 15:13) Qassi, Geeshsha Maxaafay yootiyo maaddiya zoree ha wodiyan deꞌiya hiyyeesatettaa, naaquwanne sahuwa mala metota neeni genccanaadan maaddana danddayees.

•   Geeshsha Maxaafay yootiyo hidootay hiyyeesatettan diccida issi bitanee sarotettaanne ufayssaa demmanaadan waati maaddidaakko akeeka. Juwan Pablo Zermena: Yihooway Taayyo Ufayssiya Deꞌuwaa Immiis giya biiduwa beꞌa.

•   Neeni nena mooranchchadan xeelliyo, azzaniyo, unꞌꞌettiyonne neeni siiqiyogeeti hayqqin kayyottiyo wode genccanaadan Geeshsha Maxaafay nena waati maaddana danddayiyakko akeeka. “Geeshsha Maxaafaappe Minttettiya Qofaa Demmana Danddayiyaanaa?” giya huuphe yohuwa nabbaba.

•   “Iitanne haratussi qoppenna asa” gaada babaa qonccissida kase wotaaddara gidida maccaasiyo Geeshsha Maxaafaappe tamaarido hidootay waati maaddidaakko akeeka. Zayiya Oyqqiyogaa Aggaas giya biiduwa beꞌa.

 Neeyyonne ne soo asawu 2024y loꞌꞌo laytta gidanaadan ootta. Geeshsha Maxaafay nena waati maaddana danddayiyakko gujjada tamaara. Miishsha qanxxennan nena tamaarissiya uraara Geeshsha Maxaafaa xannaꞌa. Xoossay neeyyo ha wodiyan ‘sarotettaa’ qassi ‘sinttappe ufayssiya hidootaa’ waati immana danddayiyakko era.—Ermmaasa 29:11.