Ammanettana bessiya asati ammanettennaageeta gidiyo wode, asay eta bolli keehi azzanees. . . . daroti ammanettiyogaa aggiiddi deꞌoosona.

•   Polotikaa asati eti kaalettiyo asaa goꞌꞌaappe aaruwan bantta goꞌꞌaa kaseyiyo gishshawu

•   Sooshal miidetun kiyiyabati suurenne likke gidenna gishshawu

•   Saynttistteti asawu keehi loꞌꞌo gididabaa oottenna gishshawu

•   Haymaanootiya kaalettiyageeti Xoossawu exatiyogaa aggidi polotikaa kaafiyo gishshawu

 Asay oonan ammanettana bessiyakko naagettiyogee keehi koshshiyaba. Geeshsha Maxaafay hagaadan giidi zorees:

•   “Asi ashshanau danddayenna gishshau, asaa halaqatun ammanettoppite.”—Mazamure 146:3.

  Geeshsha Maxaafay neeni Yesuus Kiristtoosan ammanettana danddayiyogaa yootees. I daro xeetu layttaappe kase deꞌida loꞌꞌo asa xalla gidenna. Xoossay Yesuusi ‘Kawo gididi haaranaadan sunttiis; qassi A Kawotettaayyo wurssettay deꞌenna.’ (Luqaasa 1:32, 33) Yesuusi ha wodiyan saluwan Xoossaa Kawotettaa Kawo gididi haariiddi deꞌees.—Maatiyosa 6:10.

•   Neeni Yesuusan ammanettana danddayiyo aybissakko gujjada eranawu, “Xoossaa Kawotettaa Kawoy Oonee?” qassi “Xoossaa Kawotettay Ay Oottanee?” giya huuphe yohota nabbaba.