“Yelagatu guuggiya sahoy qoppennan doommidaba—qassi hegawu waanna gaasotuppe issoy sooshal miidiya.”—Dottoriya Vivek Murta, Amarkkaa asaa payyatettaa halaafiya, Niwu York Taymis, Tamme 17, 2024.

 Yelidaageeti sooshal miidiya qohuwappe bantta naata waati naagana danddayiyonaa? Geeshsha Maxaafay maaddiya zoriya yootees.

 Geeshsha Maxaafay yootiyo ha maarata akeeka.

 “Cinccai akeekidi tanggees.”—Leemiso 14:15.

 Sooshal miidee ne naˈaa qohana danddayiyo gishshawu, I sooshal miidiya goˈettanaadan eeno gaana koshshees gaada qoppoppa. Ne naˈi sooshal miidiya goˈettanaadan eeno gaanaappe kase, I woy A hegaa goˈettanawu bazzido wodiya naagana, ubbatoo loˈˈo asatuura laggetananne iitabaappe haakkana danddayiya wozannaama naˈa gididaakkonne shaakka era.

•   Gujjada eranawu, “Ta Naˈay Sooshal Miidiya Goˈettanaadan Eeno Goo?” qassi, “Panttatettaa Layttan Deˈiya Intte Naˈay Sooshal Miidiya Qohenna Ogiyan Goˈettanaadan Loohissiyogaa” giya huuphe yohota nabbaba.

 “Intte lo77o wodiyaa coo xaissoppite.”—Efisoona 5:16.

 Intte naˈay sooshal miidiya goˈettanaadan eeno giikko, hegaa goˈettiyo maaraa kessite, qassi hegee A qohuwappe waati naagiyakko qonccissite. Intte naˈay sooshal miidiya goˈettiyo hanotan zawaa wottana koshshiyogaa qonccissiya A eeshshan laamettidabi deˈiyakkonne loytti kaallite.

•   Zawaa wottiyogee koshshiyoy aybissakko intte naˈay akeekanaadan maaddanawu, Soshiyal Networkiyaa Goˈettiyo Ogiyan Akeekancha Gida giya biiduwa goˈetta.

 Geeshsha Maxaafay nuuni ‘waayissiya wodiyan’ deˈiyogaa yootees. (2 Ximootiyoosa 3:1-5) Shin nuuni genccanawu maaddiya daro zoriyakka yootees. Yelagatu guuggiya payyatettaara gayttidaagan yelidaageetanne eta naata maaddiya Geeshsha Maxaafaappe giigida 20​ppe dariyabati ha huuphe yohuwan deˈoosona.