•   “Amarkkan deˈiya gasttatuppe baggaa gidiyageeti boorasiyogaa yootidosona, qassi yelagatuura gayttidaagan hanotay ubba hegaappekka iita.”—Ubbasaa Gakkida Boorasiyanne Haratuppe Shaahettiyogaa: Issippetettaynne Deretettaa Duussay Maaddiyogaa Xeelliyagan Amarkkaa Asaa Payyatettaa Halaafiya Qofaa, 2023.

•   “[Alamiya Payyatettaa Dirijjitee] boraasee payyatettaa keehi qohiyogaara gayttidabaa pilgganaadan, asay haratuura loytti dabbotana mala minttettanaadan, qassi hiyyeesa woy dure gidin, ubba biittan deˈiya asay boorasiya agganawu maaddiya loˈˈo ogiya demmanaadan pilggiya amarida asata sunttidoogaa erissiis.”—Alamiya Payyatettaa Dirijjitiya, Hidaare 15, 2023.

 Geeshsha Maxaafay nuuni haratuura loˈˈo dabbotettaa medhdhanawu maaddiyabaa zorees.

 Nena haratuppe shaakkiyabata daro saatiyawu oottoppa. Hegeetuppe issoy sooshal miidiya daro saatiyawu goˈettiyogaa. Yaatiyogaappe, haratuura issippe gayttada wodiya aattiyogan tumu laggeta demma.

•   Geeshsha Maxaafaa maaraa: “Laggee mule wodekka siiqees; ishaikka metuwaa wode maaddanaassi yelettees.”—Leemiso 17:17.

 Harata maaddiyo ogiya koya. Kehiyogee haratuura dabbotaa minttanawu maaddiyogaa xalla gidennan, nuuni ufayttanaadankka oottees.

•   Geeshsha Maxaafaa maaraa: “Ekkiyaagaappe immiyaagee [ufayttees, NW.]”—Oosuwaa 20:35.

 Laggetettaa waati minttana danddayiyakko Geeshsha Maxaafay yootiyo maaddiya qofaa gujjada eranawu nu web saytiya xomoosa.