Layttan layttan, Yihoowa Markkatinne miilooniyan qoodettiya shoobettida imattati, Yesuusi azazidoogaadan A hayquwaa Hassayiyo Baalaa bonchchanawu kumetta saꞌan shiiqoosona. (Luqaasa 22:19) Ha baalay Yesuusi asaa ashshanawu ba deꞌuwaa aatti immido wode oottidobay nuussi ay keena koshshiyaabakkonne akeekanaadan maaddees. Qassi, A yarshshoy ha wodiyaaninne sinttappe nuna waati maaddiyaakko akeekanaadankka maaddees.—Yohaannisa 3:16.

 Hassayiyo Baalaa bonchchanawu neeni ha laytti shiiqin aggin, Yesuusa wozuwaappe waana goꞌettana danddayay? Nuuni keehi koshshiya naaꞌꞌubata oottana bessiyoogaa Yesuusi tamaarissiis:

1.  1. Xoossaabaanne Yesuusabaa tamaara. Yesuusi saluwan deꞌiya ba Aawaa woossiiddi hagaadan giis: “Asai nena issi Xoossaa gididaagaa erana malanne, qassi neeni kiittido Yesuus Kiristtoosa erana mala, hagee merinaa de7o.”—Yohaannisa 17:3.

2.  2. Tamaaridobaa oosuwan peeshsha. Yesuusi nuuni I tamaarissidobaa oosuwan peeshshana koshshiyoogaa qunxxissidi yootiis. Leemisuwawu, I Maatiyoosa shemppo 5-7n tamaarissido timirttiyaa kuuyiiddi, ubbay A ‘qaalaa siyidi azazettanaadan’ yootiis. (Luqaasa 6:46-48) Qassi, hara wode I hagaadan giis: “Intte hegaa eridi oottiyaabaa gidikko anjjettidaageeta.”—Yohaannisa 13:17.

 Xoossaabaanne Yesuusabaa loyttada eranawu koyay? Neeni tamaaridobaa oosuwan waata peeshshanaakko eranawu maaddiya zoriya koyay? Kaallidi deꞌiyaabati nena maaddana danddayoosona.

 Nuuni miishsha qanxxissennan Geeshsha Maxaafaa xannaꞌissiyoogee daroti Geeshsha Maxaafaa pilgganaadaaninne I yootiyoobaa oosuwan peeshshanaadan maaddiis.

•   Ha xannaꞌissiyo prograamiyaabaa gujjada eranawu, Nena Tamaarissiya Uraara Geeshsha Maxaafaa Xannaꞌa giya sinttaa xeella.

•   Yihoowa Markkatuura Geeshsha Maxaafaa waati xannaꞌiyaakko eranawu, Geeshsha Maxaafaa Xannaꞌanawu Hashshu Saro Yaadasa! giya biiduwaa beꞌa.

 Nuuni Yihoowa Markkati saaminttan naaꞌꞌutoo SHiiquwaa Addaraashaa geetettiya sohuwan goynnanawu shiiqoos. He shiiqotun Geeshsha Maxaafaabaa tobboosinne I tamaarissiyoobaa waati oosuwan peeshshana danddayiyaakko tamaaroos.

 Ha shiiqota oonikka shiiqana danddayees; neeni Yihoowa Markka gidana xayikkokka shiiqana danddayaasa. Intte heeraa hanotaadan, neeni haratuura issippe shiiqana, woy biiduwan dawaliyoogan shiiqana danddayaasa.

•   He shiiqotun aybi haniyaakko eranawu, SHiiquwaa Addaraashan Oosettiyaabay Aybee? giya biiduwaa beꞌa.

•   Ne heeran nu shiiqiyoosaa eranawu, Yihoowa Markkatu Gubaaꞌe SHiiquwaa giya sinttaa xeella.

 Ha nu websaytiyan deꞌiya huuphe yohotinne biidoti, Yesuusi tamaarissidobatanne A wozo yarshshoy ay keena koshshiyaabakko neeni loytta eranaadan maaddoosona.

 Leemisuwawu, issi ura hayqoy daro miiloone asaa waati maaddiyaakko eranawu, “Yesuusi Waati Ashshii?” qassi, “Yesuusi Waayettidoynne Hayqqidoy Aybissee?” giya huuphe yohota nabbaba, woy Yesuusi Hayqqidoy Aybissee? giya biiduwaa beꞌa.