Isiine 2022n, kumetta saꞌan zayyiyan asay asaa daganttiya hanotan woriis:

•   “Makkalay darennanne ubba asay ola miishshaa coo goꞌettennaadan teqqiya higgee deꞌiyo Jaappaanen, polotikan keehi erettida asa [Jaappaane kase Kiike Moconaa Shinzo Aba] woridoogee he biittaaninne kumetta saꞌan deꞌiya asaa keehi daganttiis.”—Isiine 10, 2022, Ze Jaappaan Taymis.

•   “Koppenhagene kataman zayyiya gixxida issi bitanee keetta giddon deꞌiya aaho giyan heezzu asata woridoogee Denmarkke biittaa asaa keehi daganttiis.”—Isiine 4, 2022, Royters.

•   “Tohossa Afirkkaa: Zayyiya gixxida asati Soweto kataman issi tukke keettan 15 asaa tokkosidi woridosona.”—Isiine 10, 2022, Ze Garddiyan.

•   “Amarkkan Isiine 4 baalaa bonchchiyo saaminttaa wurssettan zayyiyan 220 asay hayqqiis.”—Isiine 5, 2022, CBS Oduwa.

 Hegaa mala danobay xayana giidi hidootana danddayiyoo? Geeshsha Maxaafay woygii?

 Geeshsha Maxaafay nuuni deꞌiyoy, asay kehennaagaanne meqetti baynna iitabaa oottiyagaa gidido, ‘wurssetta gallassaana’ gidiyogaa yootees. (2 Ximootiyoosa 3:1, 3) Hegaa mala danobay asay yashshan deꞌanaadan oottiis. (Luqaasa 21:11) Shin, Geeshsha Maxaafay mata wode danobay xayanaagaa, qassi “asai sarotettai de7iyo sohuwan, naagettiya keettaaninne woppu giida shemppo sohotun” deꞌanaagaa yootees. (Isiyaasa 32:18) Danobay waani xayanee?

 Iitatanne ola miishshata Xoossay xayssana.

•   “SHin iitati biittaappe xoqollettana.”—Leemiso 2:22.

•   “[Xoossay] sa7aa gaxaa gakkanaassi de7iya olaa teqqees; wonddafiyaa menttees; tooraa kinchchees; gonddalliyaakka taman xuuggees.”—Mazamure 46:9.

 Xoossay asay sarotettan deꞌanaadan tamaarissiyogan danobaa xayssana.

•   “Ta geeshsha deriyan ooninne qohettenna, woikko bayenna; aissi giikko, abbai haattan kumiyoogaadan, sa7ai GODAA eriyoogan kumana.”—Isiyaasa 11:9.

•   Ubba ha wodiyankka, Xoossay kumetta saꞌan deꞌiya asay danobaa oottennaadaaninne ola miishshaa gidida “bantta bisuwaa marasha, bantta tooraakka baaca kessanau” qoxxanaadan tamaarissiiddi deꞌees.—Mikiyaasa 4:3.

 Yashshay baynna alamiya xeelliyagan Geeshsha Maxaafay yootiyo hidootaabaa gujjada eranawu, “Yashshaappe Laꞌa Kiyiyogee Danddayettiyabee?” giya huuphe yohuwa nabbaba.

 Danobay muleera xayiyo wodiya xeelliyagan gujjada eranawu, “Wurssettan Saꞌan Sarotettay Kumana!” giya huuphe yohuwa nabbaba.