“Nenoo Efiraataa, Beetaliheeme katamau, . . . Israa7eela asaa haariyaagee taayyo neeppe kiyana.”

Mikiyaasa 5:2

“Yesuusi Yihudaa biittan Beetaliheeme giyo kataman Heeroodisi kawotidi de7iyo wode yelettiis; hegaappe guyyiyan, xoolinttiyaa paidiya asati arshsho baggappe Yerusalaame [yiidosona].”

Maatiyoosa 2:1

“Ta maayuwaa shaakki ekkoosona; ta adussa maayuwan saamaa yeggoosona.”

Mazamure 22:18

“Wotaaddarati masqqaliyaa bolli misimaariyan xishidi, Yesuusa kaqqidoogaappe guyyiyan, a maayuwaa ekkidi, oiddu kessi shaakkidosona; . . . Adussa maayoi hashiyaappe doommidi, duge gakkanaassi yeda maayettiyaabaappe attin, qanxxettidi sikettibeenna. Wotaaddarati issoi issuwaa, ‘Oona gakkanaakko, saamaa yegganaappe attin, maayuwaa peerokko’ yaagidosona.”

Yohaannisa 19:23, 24

“GODAI a mintti naagiyo gishshau, a meqettaappe issoinne meqqenna.”

Mazamure 34:20

“Yesuusakko yiido wode i haiqqiichchidoogaa be7idi, a suiliyaa menttibookkona.”

Yohaannisa 19:33

“I nu mooruwaa gishshau, cadettidi masunxxiis.”

Isiyaasa 53:5

“Wotaaddaratuppe issoi a miyyiyaa tooran caddiis; caddin sohuwaarakka suuttainne haattai goggi bayiis.”

Yohaannisa 19:34

“Eti ta damoozaa hasttamu xaqara biraa taayyo immidosona.”

Zakkaariyaasa 11:12, 13

“Tammanne naa77u erissiyo ashkkaratuppe issoi Yihudaa Asqqorootu giyoogee qeese halaqatukko biis. Biidi, ‘Taani intteyyo Yesuusa oittikko, tau ai immuuteetii?’ yaagin eti ayyo hasttamu biraa qoppidi immidosona.”

Maatiyoosa 26:14, 15; 27:5