“Ha Higgiyaa Maxaafai ne doonaappe shaahettoppo; an xaafettidabaa ubbaa minttada naaganau, gallassinne qammi a qoppa. Yaatikko, neeyyo ubbabaikka injjetananne giigana.”

Yaasa 1:8

“Eti Xoossaa Higgiyaa Maxaafaappe nabbabidi, qassi nabbabettidaagee woigiyaakko, asai erana mala, birshshidi qonccissidosona.”

Nahimiyaa 8:8

“Iitatu zoriyan beennaagee, . . . anjjettidaagaa. SHin GODAA higgiyan i ufaittees; a higgiyaa gallassinne qammi qoppees. . . . I oottiyo ubbai au hanees.”

Mazamure 1:1-3

“Piliphphoosi woxxidi, hananabaa yootiya Isiyaasa maxaafaa mureessai nabbabishin siyidi a, ‘Neeni nabbabiyoogaa akeekai?’ yaagiis. Mureessai, ‘Tau odidi akeekissiya asi bainnan waanidi akeekettii?’ yaagiis.”

Oosuwaa 8:30, 31

 “Beettenna a hanotai hegeekka a merinaa wolqqainne a Xoossatettai issippe Xoossai ha sa7aa medhdhoosappe doommidi, etau qonccidi beettiis; eti hegaa Xoossai medhdhidobaappe be7anau danddayiyo gishshau, etau gaasoyiyoobi baawa.”

Roome 1:20

“Ne dichchai asa ubbau qonccana mala, hegaa mintta qoppa. Hagaa ubba wode ootta.”

1 Ximootiyoosa 4:15

“Issoi issuwaara waani siiqettanaakkonne qassi lo77o oosuwaa waati oottanaakko, issoi issuwau qoppoos. . . . Issippe shiiqiyoogaa aggokko.”

Ibraawe 10:24, 25

“Intteppe ooninne baayyo aadhdhida eratettai xayikko, borennan ubbau kehatettan immiya Xoossaa woosso. I ayyo immana.”

Yaaqooba 1:5