4026 K.K. simmin

“SHooshshai” Yihooway haarana bessiyaakkonne, qassi i suure haariyaakkonne oyshaa denttiis. Yihooway wurssettan shooshshaa, Seexaanaa huuphiyaa qoxxiya issi “zerettaa” denttanawu qaalaa geliis. (Doomettaabaa 3:1-5, 15) SHin amarida wodiyawu shooshshaa kaaletuwan asay bana barkka haaranaadan Yihooway paqqadiis.

1943 K.K.

Yihooway denttanawu qaalaa gelido ‘zerettay’ Abrahaama zerettatuppe issuwaa gidanaagaa ayyo yootiis.— Doomettaabaa 22:18.

1070 K.K. simmin

Yihooway Kawuwaa Daawitayyoonne guyyeppe a naˈaa Solomonayyo, qaalaa gelido ‘naˈay’ eta zariyaappe yelettanaagaa yootiis.—2 Sameela 7:12, 16; 1 Kawotu 9:3-5; Isiyaasa 9:6, 7.

29 M.L.

Yihooway qaalaa gelido, Daawita kawotettaa laattiya ‘zerettay’ Yesuusa gidiyoogaa yootiis.—Galaatiyaa 3:16; Luqaasa 1:31-33; 3:21, 22.

 33 M.L.

SHooshshay, Seexaanay Yesuusi hayqqanaadan oottiyoogan qaalaa gelido “zerettaa” amarida wodiyawu qohiis. Yihooway Yesuusa saluwaa deˈuwawu denttidi, a yarshshuwaa ekkiis; hegee nagaraa atto giissiyaabanne Addaame zerettaassi merinaa deˈuwaa demissiyaaba gidiis.—Doomettaabaa 3:15; Oosuwaa 2:32-36; 1 Qoronttoosa 15:21, 22.

1914 M.L. heera

Yesuusi shooshshaa, Seexaanaa saˈawu olidi, guutta wodiyawu hegan takkanaadan oottiis.—Ajjuutaa 12:7-9, 12.

Sinttappe

Yesuusi 1,000 layttawu Seexaanaa qachidi, hegaappe simmin xayssana; hegee a huuphiyaa qoxxiyoogaa mala. Yihooway saˈaassinne asaa naatussi koyro halchidobay polettana, a sunttay geeyana, qassi a haaroy suure gidiyoogee erettana.—Ajjuutaa 20:1-3, 10; 21:3, 4.