Salotinne saˈay awappe yiidonaa? Awa ayfee, aginay, xoolintteti qassi saˈan deˈiya hara darobati waanidi deˈana danddayidonaa? Eta medhdhidaagee Xoossaa gidiyoogaa yootidi, Geeshsha Maxaafay hegau tumu zaaruwaa immees. Yaatiyo gishshau, nu maxaafay, meretaabaa yootiya Geeshsha Maxaafaa taariketun doommees.

Xoossay koyro medhdhidoogeeti, baagaadan ayyaana bollay deˈiyo meretata gidiyoogaa tamaarana. Eti kiitanchchata. SHin saˈay meretidoy nu mala asaassa. Yaatiyo gishshau, Xoossay Addaama giyo bitaniyaanne Hewaano geetettiya maccaasiyo medhdhidi, loˈˈiya ataakiltte sohuwan wottiis. SHin eti Xoossaayyo azazettibookkonanne deˈuwan deˈiyo maataakka digettidosona.

Addaamee merettoosappe biidi Bashsha Haattaa gakkanaashin, muleera 1,656 layttay aadhdhiis. He wodiyan daro iita asatinne iita kiitanchchati deˈidosona. Saluwan ayfiyan beettenna iita ayyaana meretati deˈidosona; hegeetikka Seexaanaanne iita kiitanchchata. Saˈan Qaayeeli, daro hara iita asatinne asaagaappe dariya wolqqay deˈiyo amarida attumaasatikka deˈidosona. SHin loˈˈo asatikka saˈan deˈidosona; hegeetikka Aabeela, Heenookanne Noha. SHaahuwaa ISSUWAN ha ubba asatubaanne hanettidabatubaa nabbabana.