SHAAHUWAA 2
Bashsha Haattaappe Biidi Gibxxe Aylletettaappe Kiyido Wode Gakkanaashin
Bashsha Haattaappe attidaageeti hosppun asa xalaala gidikonne, guuttaa takkidi asaa qooday daro shaˈa gidiis. Hegaappe simmin, Bashsha Haattaappe 352u layttaa takkidi Abrahaamee yelettiis. Abrahaamessi Yisaaqa giyo naˈaa immidi, Xoossay ba gelido qaalaa waatidi naagidaakko tamaarana. Hegaappe, Yisaaqa naatu naaˈˈaappe Xoossay Yaaqooba dooriis.
Yaaqoobassi 12u attuma naatinne amarida macca naati deˈiyo cora soo asay deˈees. Yaaqooba 10u attuma naati bantta kaalo ishaa Yooseefa ixxidi Gibxxe biitti aylletettau bayzzidosona. Guyyeppe, Yooseefi Gibxxe biittaa haariya gita asa gidiis. Wolqqaama koshay gakkido wode, Yooseefi ba ishatu qofay laamettidaakko eranau eta paacciis. Wurssettan, Yaaqooba soo asa kumettay woykko Israaˈeeleti Gibxxe biidosona. Hegee hanidoy Abrahaamee Yeletti simmin 290u layttay aadhdhiina.
Kaalliya 215u layttau Israaˈeeleti Gibxxe biittan deˈidosona. Yooseefi hayqqi simmin, eti yan aylle gididosona. Takkidi, Muusee yelettiisinne Xoossay an goˈettidi Israaˈeeleta Gibxxe aylletettaappe kessiis. SHaahuwaa NAAˈAY oyqqidoy muleera 857n laytta taarikiyaa.