Taarikiyaa 1

1. Lo”obati ubbay auppe yiidonaa? Hegau issi leemiso yootana danddayay?

2. Xoossay koyro ay medhdhidee?

3. Koyro kiitanchchay dumma gididoy aybissee?

4. Biittay doomettan ay milatiyaakko qonccissa. (Misiliyaa xeella.)

5. Xoossay saˈaa asaassi, mehiyaassinne doˈaassi waatidi giigissiyoogaa doommidee?

Gujo oyshata:

1. Ermmaasa 10:12 nabbaba.

   Xoossay medhdhidobatun qonccida a eeshshati augeetee? (Isiyaasa 40:26; Roome 11:⁠33)

2. Qolasiyaasa 1:​15-​17 nabbaba.

   Meretaa medhdhiyoogaara gayttidaagan, Yesuusi ay oottidee? Hegee nuuni a aybidan xeellana mala oottii? (Qolasiyaasa 1:​15-​17)

3. Doomettaabaa 1:​1-​10 nabbaba.

   1. Saˈay auppe yiidee? (Doomettaabaa 1:⁠1)

   2. Koyro gallassan merettidabati aybee? (Doomettaabaa 1:​3-5)

   3. Naa”antto gallassan merettidabata qonccissa. (Doomettaabaa 1:​7, 8)

Taarikiyaa 2

1. Saˈay nuussi deˈiyoosa gidanaadan Xoossay waatidi giigissidee?

2. Xoossay medhdhido dumma dumma mehiyaanne doˈaa qommota qonccissa. (Misiliyaa xeella.)

3. Edene ataakiltte sohoy dumma gididoy aybissee?

4. Xoossay kumetta saˈay ay milatanaadan koyidee?

Gujo oyshata:

1. Doomettaabaa 1:​11-​25 nabbaba.

   1. Heezzantto gallassan Xoossay ay medhdhidee? (Doomettaabaa 1:​12)

   2. Oyddantto gallassan merettidabati aybee? (Doomettaabaa 1:​16)

   3. Meretau ichchashanttonne usuppuntto gallassatun Xoossay ay qommo mehetanne doˈata medhdhidee? (Doomettaabaa 1:​20, 21, 25)

2. Doomettaabaa 2:​8, 9 nabbaba.

   Xoossay ataakiltte sohuwan wottido naa”u dumma qommo mittati augeetee? Eti malaata gididoy aybaassee?

Taarikiyaa 3

1. Taarikiyaa 3n deˈiya misilee Taarikiyaa 2n deˈiyaagaappe aybin dummatii?

2. Koyro bitaniyaa ooni medhdhidee? Bitaniyaa sunttay oonee?

3. Addaamee oottanaadan Xoossay assi immido oosoy aybee?

4. Addaamee xiskkuwan kayranaadan, Xoossay oottidoy aybissee?

5. Addaameenne Hewaana ay keena wodiyau deˈana danddayiyoonaa? Eti oottana mala Yihooway koyido oosoy aybee?

Gujo oyshata:

1. Mazamure 83:18 nabbaba.

   Xoossaa sunttay oonee? Saˈaa bolli assi deˈiya dumma maatay aybee? (Ermmaasa 16:21; Daaneela 4:​17)

2. Doomettaabaa 1:​26-​31 nabbaba.

   1. Usuppuntta gallassan Xoossay ba medhdhiyo oosuwaayyo wurssetta ootti medhdhidoy aybee? He meretay mehetuppe aybin dummatii? (Doomettaabaa 1:​26)

   2. Yihooway asaassi, mehiyaassinne doˈaassi ay giigissidee? (Doomettaabaa 1:​30)

3. Doomettaabaa 2:​7-​25 nabbaba.

   1. Mehetanne doˈata sunttana mala Addaamessi imettida oosoy gujjiyobi aybee? (Doomettaabaa 2:​19)

   2. Ekkiyoogaanne geliyoogaa, shaahettiyoogaanne machchiyo yeddiyoogaa Yihooway waati xeelliyaakko akeekanau, Doomettaabaa 2:​24y nuna waatidi maaddii? (Matiyoosa 19:​4-6, 9)

Taarikiyaa 4

1. Misiliyan, Addaameenne Hewaana waaniiddi deˈiyoonaa?

2. Yihooway eta aybissi qaxxayidee?

3. Issi shooshshay Hewaanissi ay yootidee?

4. SHooshshay Hewaano haasayissanaadan oottiday oonee?

5. Addaameenne Hewaana bantta deˈiyo Gannatiyaappe kiyidoy aybissee?

Gujo oyshata:

1. Doomettaabaa 2:​16, 17⁠nne 3:​1-​13, 24 nabbaba.

   1. SHooshshay Hewaano oychchido oyshan, Yihoowa bolli baynnabaa wottidoy ayba ogiyaanee? (Doomettaabaa 3:​1-5; 1 Yohaannisa 5:⁠3)

   2. Nuuni naagettanaadan Hewaana leemiso gididoy aybiinee? (Piliphphisiyuusa 4:8; Yaaqooba 1:​14, 15; 1 Yohaannisa 2:​16)

   3. Addaameenne Hewaana bantta bala oosuwaa ammanennan ixxidoy ayba ogiyaanee? (Doomettaabaa 3:​12, 13)

   4. Yihooway Edene ataakiltte sohuwaappe arshsho baggan kiruubeta wottidoy aybissee? (Doomettaabaa 3:​24)

2. Ajjuutaa 12:9 nabbaba.

   Xoossaa aysuwaappe asaa deshissanau halchchido ba halchchuwaa Seexaanay ay keena polidee? (1 Yohaannisa 5:​19)

Taarikiyaa 5

1. Gannatiyaappe kiyin, deˈoy Addaamessinne Hewaanissi waanidee?

2. Addaameenne Hewaana waaniyoogaa doommidonaa? Aybissi?

3. Addaamenne Hewaani naati ceeggiyoynne hayqqiyoy aybissee?

4. Addaameenne Hewaana Yihoowassi azazettidabaa gidiyaakko, deˈoy etassinne eta naatussi ay mala gidanaagaashin attidee?

5. Hewaana azazettabeennaagee, i bolli waatidi waayiyaa ehiidee?

6. Addaamenne Hewaani koyro naa”u naatu sunttay oonee?

7. Misiliyan deˈiya hara naati oonee?

Gujo oyshata:

1. Doomettaabaa 3:​16-​23⁠nne 4:​1, 2 nabbaba.

   1. Saˈay qanggettidoogee Addaame deˈuwaa waatidi qohidee? (Doomettaabaa 3:​17-​19; Roome 8:​20, 22)

   2. “Deˈuwan Deˈiyaaro” yaagiya birshshettay deˈiyo, Hewaano geetettiya sunttay bessiya suntta gididoy aybissee? (Doomettaabaa 3:​20)

   3. Addaameenne Hewaana nagaraa ootti simminkka, Yihooway etassi qoppiyoogaa aybin bessidee? (Doomettaabaa 3:​7, 21)

2. Ajjuutaa 21:​3, 4 nabbaba.

   Sinttappe xayanaadan neeni naagiyo ‘ceegabati’ augeetee?

Taarikiyaa 6

1. Qayeelinne Aabeeli ayba ooso oottiyoonaa?

2. Qaayeelinne Aabeeli Yihoowassi ayba imotaa ehiidoonaa?

3. Yihooway Aabeela imotan ayssi ufayttidee? Qaayeela imotan ayssi ufayttibeennee?

4. Qaayeeli ay mala asee? Iitabaa qoppiyoogaappe a Yihooway waatidi zaaranau koyidee?

5. Qaayeeli ba ishaara dembban deˈiiddi ay oottidee?

6. Qaayeeli ba ishaa wori simmidi waanidaakko qonccissa.

Gujo oyshata:

1. Doomettaabaa 4:​2-​26 nabbaba.

   1. Qaayeeli deˈiyo iita hanotaa Yihooway woygidi qonccissidee? (Doomettaabaa 4:⁠7)

   2. Qaayeeli ba wozanaa koshshaa waatidi bessidee? (Doomettaabaa 4:⁠9)

   3. Asaa suutta gussiyoogaa Yihooway aybidan xeellii? (Doomettaabaa 4:​10; Isiyaasa 26:⁠21)

2. Koyro Yohaannisa 3:​11, 12 nabbaba.

   1. Qaayeeli hanqquwan suullidoy aybissee? Hegee ha wodiyan nuna seeranau waanidi maaddii? (Doomettaabaa 4:​4, 5; Leemiso 14:30; 28:⁠22)

   2. Nu soo asay ubbay Yihoowa ixxikkonne, nuuni minnidi eqqana danddayiyoogaa Geeshsha Maxaafay waatidi bessii? (Mazamure 27:10; Maatiyoosa 10:​21, 22)

3. Yohaannisa 11:25 nabbaba.

   Geeshshatettaa gishshau giidi hayqqiya ubbau Yihooway ay qaalaa gelidee? (Yohaannisa 5:​24)

Taarikiyaa 7

1. Heenooki dumma asa gididoy aybiinee?

2. Heenooka wode deˈiya asay daro iitabaa oottidoy aybissee?

3. Asay ayba iitabaa oottidee? (Misiliyaa xeella.)

4. Heenooki xala gidana koshshidoy aybissee?

5. He wode asay ay keena wodiyaa deˈii? SHin Heenooki aappun laytta deˈidee?

6. Heenooki hayqqi simmin aybi hanidee?

Gujo oyshata:

1. Doomettaabaa 5:​21-​24, 27 nabbaba.

   1. Henookassi Yihoowaara ay mala dabbotay deˈii? (Doomettaabaa 5:​24)

   2. Geeshsha Maxaafay yootiyoogaadan, hanno gakkanau deˈida asa ubbaappe adussa layttaa deˈiday oonee? (Doomettaabaa 5:​27)

2. 2.Doomettaabaa 6:5 nabbaba.

   Heenooka hayquwaappe simmin saˈaa bolli deˈoy ay keena iitidee? Hegee nu wodiyaa waani milatii? (2 Ximootiyoosa 3:​13)

3. Ibraawe 11:5 nabbaba.

   ‘Xoossaa ufayssida’ Heenooka eeshshay augee? Wurssettay ayba gididee? (Doomettaabaa 5:​22)

4. Yihudaa 14, 15 nabbaba.

   Matattida Armageedoona olaappe asay attana mala etau yootiyoogan, ha wodiyan deˈiya Kiristtaaneti Heenookaagaa mala xalatettaa waatidi bessana danddayiyoonaa? (2 Ximootiyoosa 4:2; Ibraawe 13:⁠6)

Taarikiyaa 8

1. Xoossaa kiitanchchatuppe amaridaageeti Seexaanaayyo azazettido wode hanidabay aybee?

2. Amarida kiitanchchati saluwan oottiyo oosuwaa aggidi saˈaa wodhdhidoy aybissee?

3. Kiitanchchati saˈaa wodhdhidi, banttau asa ashuwaa maayidoogee bala gididoy aybissee?

4. .Kiitanchchatu naati dumma gididoy aybiinee?

5. Neeni misiliyan beˈiyoogaadan, kiitanchchatu naati wogga wolqqaama asa gididi ay oottidonaa?

6. Heenooka wodiyaappe simmin, saˈan deˈida lo”o bitanee oonee? Xoossay a ayssi dosidee?

Gujo oyshata:

1. Doomettaabaa 6:​1-8 nabbaba.

   Nu hanotan Xoossaassi aybi siyettana danddayiyaakko, Doomettaabaa 6:6y waatidi bessii? (Mazamure 78:​40, 41; Leemiso 27:⁠11)

2. Yihudaa 6 nabbaba.

   Nohe wode ‘bantta deˈiyoosaa aggida’ kiitanchchatu hanotay, ha wodiyan nuuni ay hassayanaadan oottii? (1 Qoronttoosa 3:​5-9; 2 PHeexiroosa 2:​4, 9, 10)

Taarikiyaa 9

1. Nohe soo asay aappunee? A heezzu attuma naatu sunttay oonee oonee?

2. Nohee oottanaadan Xoossay yootido oosetti erennabi aybee? Aybissee?

3. Nohee markkabiyaabaa ba shoorotussi yootin, eti ayba zaaruwaa immidonaa?

4. Xoossay Nohessi mehetanne doˈata waatanaadan yootidee?

5. Xoossay markkabiyaa penggiyaa gorddi simmin, Noheenne a soo asay waanana bessii?

Gujo oyshata

1. Doomettaabaa 6:​9-​22 nabbaba.

   1. Nohee Xoossaassi goynniyoogan erettida asa gidanaadan oottidabi aybee? (Doomettaabaa 6:​9, 22)

   2. Hanttaaraban Yihoowayyo aybi siyettii? Heggee allaxxiyoobata dooriyoogan nuna waati maaddii? (Doomettaabaa 6:​11, 12; Mazamure 11:⁠5)

   3. Nuuni Yihoowa dirijjitiyaa kaaletuwaa ekkiyoogan, Noha waanidi milatana danddayiyoo? (Doomettaabaa 6:​22; 1 Yohaannisa 5:⁠3)

2. Doomettaabaa 7:​1-9 nabbaba.

   Polotettaa pacay deˈiyo Noha Yihooway geeshshadan xeellidoogee nuna ha wodiyan waatidi minttettii? (Doomettaabaa 7:1; Leemiso 10:16; Isiyaasa 26:⁠7)

Taarikiyaa 10

1. Iray bukkiyoogaa doommin, markkabe giddo ooninne gelana danddayibeennay aybissee?

2. Yihooway iraa bukissidoy aappun gallassaasseenne aappun qammaassee? Haattay ay keenaa xoqqidee?

3. Haattay saˈaa kammiyoogaa doommin markkabee waanidee?

4. Wogga wolqqaama asati Bashsha Haattaappe attidonaa? Eta aawatishin waanidonaa?

5. Ichchashu aginappe guyyiyan markkabee waanidee?

6. Nohee quuruwaa markkabiyaappe kessi yeddidoy aybissee?

7. Nohee haattay saˈaappe wodhdhi wuridoogaa waatidi eridee?

8. Noheenne a soo asay markkabe giddon issi layttappe dariya wodiyaa takki simmin, Xoossay Nohessi woygidee?

Gujo oyshata:

1. Doomettaabaa 7:​10-​24 nabbaba.

   1. Saˈan paxa deˈiya, bashsha haattay xayissidoogeeti ay keenee? (Doomettaabaa 7:​23)

   2. Bashsha Haattay saˈan ay keena wodiyaa gam”idee? (Doomettaabaa 7:​24)

2. Doomettaabaa 8:​1-​17 nabbaba.

   Xoossay saaˈaayyo koyro halchchido halchchoy laamettibeennaagaa Doomettaabaa 8:​17y waatidi bessii? (Doomettaabaa 1:​22)

3. Koyro PHeexiroosa 3:​19, 20 nabbaba.

   1. Makkalanchcha kiitanchchati saluwaa guyye simmido wode, waanidi qaxxayettidonaa? (Yihudaa 6)

   2. Nohenne a soo asaa taarikee, Yihooway ba asaa ashshana danddayiyoogau nuussi deˈiya ammanuwaa waatidi minttii? (2 PHeexiroosa 2:⁠9)

Taarikiyaa 11

1. Misiliyan beettiyaagaadan, markkabiyaappe kiyidi Nohee koyro oottidobi aybee?

2. Bashsha Haattaappe simmin, Xoossay Nohanne a soo asaa ay azazidee?

3. Xoossay ay qaala gelidee?

4. Nuuni zuullaa beˈiyo wode, i nuna ay hassayissana bessii?

Gujo oyshata:

1. Doomettaabaa 8:​18-​22 nabbaba.

   1. Nuuni ha wodiyan Yihoowassi ‘singgin sawiyaabaa’ waatidi immana danddayiyoo? (Doomettaabaa 8:​21; Ibraawe 13:​15, 16)

   2. Yihooway asa wozanay ay qoppiyoogaa beˈidee? Yaatikko nuuni ayba ogiyan naagettana koshshii? (Doomettaabaa 8:​21; Maatiyoosa 15:​18, 19)

2. Doomettaabaa 9:​9-​17 nabbaba.

   1. Yihooway saˈan deˈiya mereta ubbaara ay maachcha maacettidee? (Doomettaabaa 9:​10, 11)

   2. Zuullaa maachchay ay keena wodiyaassi takkii? (Doomettaabaa 9:​16)

Taarikiyaa 12

1. Naamiruudi oonee? A hanotan Xoossaassi aybi siyettidee?

2. Misiliyan, asay ayssi xuubiyaa medhdhii?

3. He keexettiyaaban Yihooway ufayttibeennay aybissee?

4. Xoossay waatidi asay keexxiyoogaa agganaadan oottidee?

5. He katamay ayba geetetti xeegettii? Hegaa birshshettay aybee?

6. Xoossay eta qaalaa dumma dumma ootti simmin asay waanidee?

Gujo oyshata:

1. Doomettaabaa 10:​1, 8-​10 nabbaba.

   Naamiruudi ay mala eeshshaa bessidee? Hegee nuna waatidi seerii? (Leemiso 3:​31)

2. Doomettaabaa 11:​1-9 nabbaba.

   Pooqiyaa keexxanau denttettida gaasoy aybee? He pooqee polettennan attidoy aybissee? (Doomettaabaa 11:4; Leemiso 16:18; Yohaannisa 5:​44)

Taarikiyaa 13

1. Beni Uura kataman ay mala asay deˈidee?

2. Misiliyan deˈiya bitanee oonee? I aude yelettidee? I awan deˈidee?

3. Abrahaamee ay oottanaadan Xoossay assi yootidee?

4. Abrahaamee Xoossaa dabbo geetettidoy aybissee?

5. Abrahaamee Uurappe biyo wode aara biiday oonee?

6. Abrahaamee Kanaane biitti gakkido wode, Xoossay assi ay yootidee?

7. Abrahaame layttay 99 gidiyo wode, Xoossay assi ay qaala gelidee?

Gujo oyshata:

1. Doomettaabaa 11:​27-​32 nabbaba.

   1. Abrahaamenne Looxe dabbotettay aybee? (Doomettaabaa 11:⁠27)

   2. Ba soo asaa Kanaane efiiday Taara geetettikkonne, eti baanaadan denttettiday Abrahaama gidiyoogaa aybin eriyoo? I hegaadan oottidoy aybissee? (Doomettaabaa 11:31; Oosuwaa 7:​2-4)

2. Doomettaabaa 12:​1-7 nabbaba.

   Abrahaamee Kanaane biitti gakki simmin, Yihooway Abrahaameera maacettido maachchaa waatidi aassidee? (Doomettaabaa 12:⁠7)

3. Doomettaabaa 17:​1-8, 15-​17 nabbaba.

   1. Abraama layttay 99 gidiyo wode, a sunttay woygetti laamettidee? Aybissi? (Doomettaabaa 17:⁠5)

   2. Yihooway Saariyyo sinttappe ayba anjjo immanau qaalaa gelidee? (Doomettaabaa 17:​15, 16)

4. Doomettaabaa 18:​9-​19 nabbaba.

   1. Doomettaabaa 18:19n, aawatuyyo ayba aawatetti imettidee? (Zaarettido Wogaa 6:​6, 7; Efisoona 6:⁠4)

   2. Yihoowappe nuuni aybanne gidin qottana danddayennaagaa bessiya, Saaro gakkidabay aybee? (Doomettaabaa 18:​12, 15; Mazamure 44:⁠21)

Taarikiyaa 14

1. Xoossay Abrahaamessi ayba qaala gelidee? Ba gelido qaalaa Xoossay waatidi naagidee?

2. Misiliyaa bolli beˈiyoogaadan, Xoossay Abrahaame ammanuwaa waatidi paaccidee?

3. Xoossaa azazuwaayyo gaasuwaa erana xayikkonne, Abrahaamee ay oottidee?

4. Abrahaamee ba naˈaa gooraˈanau mashshaa kessiyo wode hanidabi aybee?

5. Abrahaamee Xoossaa ay keena minttidi ammanii?

6. Abrahaamee yarshshanaadan Xoossay assi ay immidee? Waatidi immidee?

Gujo oyshata:

1. Doomettaabaa 21:​1-7 nabbaba.

   Abrahaamee ba naˈaa hosppuntta gallasan qaxxaridoy aybissee? (Doomettaabaa 17:​10-​12; 21:⁠4)

2. Doomettaabaa 22:​1-​18 nabbaba.

   Yisaaqi ba aawaa Abrahaamessi azazettiyoogaa waatidi bessidee? Hegee sinttappe polettana deˈiya, appekka aadhdhidi koshshiya aybaa malaatidee? (Doomettaabaa 22:​7-9; 1 Qoronttoosa 5:7; Piliphphisiyuusa 2:​8, 9)

Taarikiyaa 15

1. Abrahaameenne Looxee ayssi shaahettidonaa?

2. Looxee Sadooman deˈanau ayssi dooridee?

3. Sadooma biittaa asay ay mala asee?

4. Naa”u kiitanchchati Looxessi woygiya kiitaa ehiidonaa?

5. Looxe machchiyaa maxine tuussa gididoy aybissee?

6. Looxe machchiyo gakkidabaappe ayba timirtte demmiyoo?

Gujo oyshata:

1. Doomettaabaa 13:​5-​13 nabbaba.

   Asaara ooshshana danddayiyaabi merettiyo wode siga medhdhanau, Abrahaameppe ay timirtte demmiyoo? (Doomettaabaa 13:​8, 9; Roome 12:10; Piliphphisiyuusa 2:​3, 4)

2. Doomettaabaa 18:​20-​33 nabbaba.

   Yihooway Abrahaameera haasayido haasayay, Yihoowaynne Yesuusi xilluwan pirddiyoogau nu ammanuwaa waati minttii? (Doomettaabaa 18:​25, 26; Maatiyoosa 25:​31-​33)

3. Doomettaabaa 19:​1-​29 nabbaba.

   1. Attuma asay issoy issuwaaranne maccaasay issoy issuwaara asho gaytotetta poliyoogaa Xoossay aybidan xeelliyaakko, Geeshsha Maxaafay waati bessii? (Doomettaabaa 19:​5, 13; Wogaabaa 20:⁠13)

   2. Looxeenne Abrahaamee, Xoossaa kaaletuwau immido zaaruwaappe ayba dummatettaa beˈiyoo? Nuuni hegaappe ay tamaariyoo? (Doomettaabaa 19:​15, 16, 19, 20; 22:⁠3)

4. Luqaasa 17:​28-​32 nabbaba.

   Aqossi koshshiyabata Looxe maccaasiyaa aybidan xeelladee? Hegee nunakka seeriya zore gididoy ayba ogiyaanee? (Luqaasa 12:15; 17:​31, 32; Maatiyoosa 6:​19-​21, 25)

5. Naa”antto PHeexiroosa 2:​6-8 nabbaba.

   Nuuni Looxa milatidi nu yuushuwan deˈiya, Xoosaappe gaxattida asaa waatidi xeellana bessii? (Hizqqeela 9:4; 1 Yohaannisa 2:​15-​17)

Taarikiyaa 16

1. Misiliyan deˈiya maccaasiyaanne bitanee oonee?

2. Abrahaamee ba naˈaassi machcho demmanau waatidee? Hegaadan ayssi oottidee?

3. Abrahaame ashkkaraa woosay zaaruwaa demmidoy ayba ogiyaanee?

4. Ribiqa Yisaaqa gelanau koyiyaakkonne oyshettido wode woygada zaaradee?

5. Yisaaqi zaarettidi ufayttanaadan oottiday aybee?

Gujo oyshata:

1. Doomettaabaa 24:​1-​67 nabbaba.

   1. Ribiqa haatta ollaa matan Abrahaama ashkkaraara gayttiyo wode, a bessido lo”o eeshshati augeetee? (Doomettaabaa 24:​17-​20; Leemiso 31:​17, 31)

   2. Abrahaamee Yisaaqassi giigissidobay, Kiristtaaneti ha wodiyan kaallana bessiya ayba lo”o leemiso oyqqidee? (Doomettaabaa 24:​37, 38; 1 Qoronttoosa 7:​39; 2 Qoronttoosa 6:​14)

   3. Yisaaqaagaadan nuunikka nu wozanan qoppiyo wodiyaa demmanau koshshiyoy aybissee? (Doomettaabaa 24:63; Mazamure 77:12; Piliphphisiyuusa 4:⁠8)

Taarikiyaa 17

1. Eesaawinne Yaaqoobi oonee? Eti aybin dummatiyoonaa?

2. Eta aawaa aawaa Abrahaamee hayqqiyo wode, Eesaawassinne Yaaqoobassi layttay aappunee?

3. Eesaawi ba aawaanne ba aayyiyo keehi azzanttiyaabaa ay oottidee?

4. Eesaawi ba ishaa Yaaqooba bolli keehippe yiillotidoy aybissee?

5. Yisaaqi ba naˈaa Yaaqooba woygidi zoridee?

Gujo oyshata:

1. Doomettaabaa 25:​5-​11, 20-​34 nabbaba.

   1. Yihooway Ribiqi naata naa”aa xeelliyagan ayba hiraaga yootidee? (Doomettaabaa 25:⁠23)

   2. Bayratetta maataa xeelliyaagan, Eesawanne Yaaqooba xeelay dummatiyoy aybiinee? (Doomettaabaa 25:​31-​34)

2. Doomettaabaa 26:​34, 35; 27:​1-​46; qassi 28:​1-5 nabbaba.

   1. Eesaawi ayyaanabaa nashshennaagaa aybin bessidee? (Doomettaabaa 26:​34, 35; 27:⁠46)

   2. Yaaqoobi Xoossaa anjjuwaa demmanau ay oottana mala Yisaaqi assi yootidee? (Doomettaabaa 28:​1-4)

3. Ibraawe 12:​16, 17 nabbaba.

   Eesaawa leemisoy geeshshabata kariyaageetu wurssettay ayba gidiyoogaa bessii?

Taarikiyaa 18

1. Misiliyan deˈiya yelaga naˈiyaa oonee? Yaaqoobi issi ay oottidee?

2. Yaaqoobi Raaheelo ekkanaayyo ay oottanau eeno giidee?

3. Yaaqoobi Raaheelo machchiyo wodee gakkin, Laabaani ay oottidee?

4. Yaaqoobi Raaheelo baassi machcho ootti ekkanau ay oottanau eeno giidee?

Gujo oyshata:

1. Doomettaabaa 29:​1-​30 nabbaba.

   1. Laabaani a cimmido wodekka, Yaaqoobi bonchchettiya asa gidiyoogaa aybin bessidee? Nuuni hegaappe ay tamaarana danddayiyoo? (Doomettaabaa 25:27; 29:​26-​28; Maatiyoosa 5:​37)

   2. Wozanappe gidida siiquwaanne guutta wode xallau siyettiya siiquwaa giddon deˈiya dummatettaa, Yaaqooba leemisoy waatidi bessii? (Doomettaabaa 29:​18, 20, 30; Siiquwaa Sabaa 8:⁠6)

   3. Yaaqooba soo asata gididi, wurssettan ayyo naata yelida oyddu maccaasati oonee oonee? (Doomettaabaa 29:​23, 24, 28, 29)

Taarikiyaa 19

1. Yaaqoobi ba koyro machchee Liyippe yelido usuppun attuma naatu sunttay oonee oonee?

2. Liyi ashkkariyaa Zilppa Yaaqoobassi yelido naa”u attuma naati oonee oonee?

3. Raaheeli ashshkkariyaa Baala Yaaqoobassi yelido naa”u attuma naatu sunttay oonee oonee?

4. Raaheela yelido naa”u attuma naati oonee oonee? SHin naa”antto naˈaa a yeliyo wode aybee haniday?

5. Misilee bessiyoogaadan, Yaaqooba attuma naati aappunee? Etappe yiiday aybee?

Gujo oyshata:

1. Doomettaabaa 29:​32-​35; 30:​1-​26; qassi 35:​6-​19 nabbaba.

   Yaaqooba 12u attuma naatu hanotan qonccidaagaadan, beni wode darotoo Ibraawe attuma naati sunttettiyoy ayba ogiyaanee?

2. Doomettaabaa 37:35 nabbaba.

   Geeshsha Maxaafan Diini xalaalaa sunttay deˈikkonne, Yaaqoobassi deˈiya macca naˈi issinni xalla gidennaagaa aybin eriyoo? (Doomettaabaa 37:​34, 35)

Taarikiyaa 20

1. Abrahaameenne Yisaaqi bantta naati, Kanaane biitta asaa gelenna mala woykko etappe ekkenna mala koyidoy aybissee?

2. Yaaqoobi ba naˈiyaa Kanaane biitta geelaˈo naatuura laggetiyoogan ufayttidee?

3. Misiliyan Diino xeelliya bitanee oonee? I ayba iitabaa oottidee?

4. Diini ishantti Simooninne Leewi hanidabaa siyidi ay oottidonaa?

5. Simooninne Leewi oottidoban Yaaqoobi maayidee?

6. He soo asaa meto ubbay denddidoy aybiinee?

Gujo oyshata:

1. Doomettaabaa 34:​1-​31 nabbaba.

   1. Kanaane macca naatuura Diina gayttidoy issi wode xallee? Qonccissaa. (Doomettaabaa 34:⁠1)

   2. Ba geelaˈotettaa xayidoogau Diina ba huuphen oyshettiyoy aybissee? (Galaatiyaa 6:⁠7)

   3. Yelaga naati ha wodiyan banttassi naagettana mala leemiso gidida Diinibaa wozanan wottidoogaa aybin bessana danddayiyoonaa? (Leemiso 13:20; 1 Qoronttoosa 15:33; 1 Yohaannisa 5:​19)

Taarikiyaa 21

1. Yooseefa ishantti a ayssi qanaatidonaa? Yaatidi ay oottidonaa?

2. Yooseefa ishantti a waatanau koyidonaa? SHin Roobeeli woygidee?

3. Isimaaˈeela zal”anchchati yiyo wode aybi hanidee?

4. Yooseefa ishantti, Yooseefa hayqqidabadan bantta aaway qoppana mala ay oottidonaa?

Gujo oyshata:

1. Doomettaabaa 37:​1-​35 nabbaba.

   1. Gubaaˈe giddon oosettida iita ooso erissiyoogan issi Kiristtaanee waanidi Yooseefa milatana danddayii? (Doomettaabaa 37:2; Wogaabaa 5:1; 1 Qoronttoosa 1:​11)

   2. Yooseefa bolli iitabaa maqqanaadan a ishantta oottidabi aybee? (Doomettaabaa 37:​11, 18; Leemiso 27:4; Yaaqooba 3:​14-​16)

   3. Yaaqoobi oottido azzanana bessiya ogetuppe issoy augee? (Doomettaabaa 37:⁠35)

Taarikiyaa 22

1. Yooseefa Gibxxe efiyo wode ayyo layttay aappunee? I yaa gakkiyo wode a waatidonaa?

2. Yooseefi qasho keetti gelido gaasoy aybee?

3. Qasho keettan Yooseefassi ayba awaatettay imettidee?

4. Paaroonassi eessaa tigiyaagaassinne oyttaa uukkiyaagaassi Yooseefi qasho keettan ay oottidee?

5. Eessaa tigiyaagee qasho keettaappe kiyoogaappe guyyiyan hanidabi aybee?

Gujo oyshata:

1. Doomettaabaa 39:​1-​23 nabbaba.

   He wode asa machcheera zin”iyoogaa teqqiya xaafettida higgiyaa Xoossay immibeennaba gidikkonne, Yooseefi PHooxiifaara machcheeppe baqatanaadan oottiday aybee? (Doomettaabaa 2:​24; 20:3; 39:⁠9)

2. Doomettaabaa 40:​1-​23 nabbaba.

   1. Eessaa tigiya bitaniyaa aymuwaanne Yihooway Yooseefassi yootido hegaa birshshettaa qanttan yoota. (Doomettaabaa 40:​9-​13)

   2. Oyttaa uukkiyaagee ayba aymo aymottidee? Hegau birshshettay aybee? (Doomettaabaa 40:​16-​19)

   3. Ammanettida wozanaama ashkkaray ha wodiyan Yooseefa xeelaa kaallidoy ayba ogiyaanee? (Doomettaabaa 40:8; Mazamure 36:9; Yohaannisa 17:17; Oosuwaa 17:​2, 3)

   4. Yeleta gallassaa bonchchiyoogaa Kiristtaaneeti xeellana bessiyo ogiyaa Doomettaabaa 40:20y waatidi bessii? (Eranchchaa 7:1; Marqqoosa 6:​21-​28)

Taarikiyaa 23

1. Issi qammi Paarooni waanidee?

2. Eessaa tigiyaagee wurssettan Yooseefa ayssi hassayidee?

3. Misiliyan deˈiyaagaadan, Paarooni aymottido naa”u aymoti aybee?

4. Yooseefi aymotu birshshettaa woygidee?

5. Yooseefi Paaroonappe kaallidi Gibxxen daro erettida asa waani gididee?

6. Yooseefa ishantti ayssi Gibxxe yiidonaa? Eti ayssi a eribookkonaa?

7. Yooseefi hassayido aymoy augee? Hegee i ay erana mala maaddidee?

Gujo oyshata:

1. Doomettaabaa 41:​1-​57 nabbaba.

   1. Yooseefi asay Yihoowa bonchchana mala waati oottidee? Kiristtaaneti ha wodiyan a leemisuwaa ayba ogiyan kaallana danddayiyoonaa? (Doomettaabaa 41:​16, 25, 28; Maatiyoosa 5:​16; 1 PHeexiroosa 2:​12)

   2. Gibxxe biittan yiida kalo layttaynne a kaallida namisa layttay, ha wodiyan Yihoowa asaynne Dere Ammanuwaa kaalliya asay ayyaana ogiyan deˈiyo keehi dummatiya hanotaa waatidi qonccissii? (Doomettaabaa 41:​29, 30; Amoxa 8:​11, 12)

2. Doomettaabaa 42:​1-8⁠nne 50:⁠20 nabbaba.

   Yihoowassi goynniyaageeti heeraa wogaadan issi ura woy ayyo deˈiya maataa bonchchiyoogaappe denddidaagan a sinttan ziggikko hegee balee? (Doomettaabaa 42:⁠6)

Taarikiyaa 24

1. Yooseefi ba ishantta biittaa wochchi xeelliyaageeta gididabadan mootidoy aybissee?

2. Yaaqoobi ba wurssetta naˈay Biniyaami Gibxxe baanaadan eeno giidoy aybissee?

3. Yooseefa bira wanccay Biniyaama ogoro giddon waanidi deˈana danddayidee?

4. Yihuday Biniyaama birshshissanau bana waatana mala aatti immidee?

5. Yooseefa ishantti waanidi laamettidonaa?

Gujo oyshata:

1. Doomettaabaa 42:​9-​38 nabbaba.

   Ha wodiyan Yihoowa dirijjitiyan aawatettay deˈiyoogeetussi Doomettaabaa 42:18n Yooseefi giidobay lo”o hassayisso gididoy aybiinee? (Nahimiyaa 5:​15; 2 Qoronttoosa 7:⁠1, 2)

2. Doomettaabaa 43:​1-​34 nabbaba.

   1. Roobeeli bayra naˈa gidikkonne, ba ishanttu gishshaa haasayiyaagee Yihudaa gididoogee aybin qonccidee? (Doomettaabaa 43:​3, 8, 9; 44:​14, 18; 1 Hanidabaa Odiya 5:⁠2)

   2. Yooseefi ba ishantta paaccidoogee qonccidoy aybiinee? Aybissi? (Doomettaabaa 43:​33, 34)

3. Doomettaabaa 44:​1-​34 nabbaba.

   1. Ba oonatettaa ba ishanttuppe genttanau, Yooseefi etakko ayba mala asadan shiiqidee? (Doomettaabaa 44:​5, 15; Wogaabaa 19:⁠26)

   2. Yooseefa ishantti kase bantta ishaa qanaatiyo ayyaanay ha”i bantta wozanaappe xayidoogaa aybin bessidonaa? (Doomettaabaa 44:​13, 33, 34)

Taarikiyaa 25

1. Yooseefi ba oonatettaa ba ishanttussi qonccissido wode aybi hanidee?

2. Yooseefi ba ishanttussi kehatettan ay qonccissidee?

3. Yooseefa ishantti yiidoogaa siyido wode Paarooni woygidee?

4. Gibxxe biitti biido wode Yaaqooba soo asaa qooday aappunee?

5. Yaaqooba soo asaa sunttay ayba geetettidee? Aybissi?

Gujo oyshata:

1. Doomettaabaa 45:​1-​28 nabbaba.

   Geeshsha Maxaafan Yooseefabaa yootiya taarikee, ba asata qohanau giigidabaa Yihooway lo”bau laammana danddayiyoogaa waati bessii? (Doomettaabaa 45:​5-8; Isiyaasa 8:​10; Piliphphisiyuusa 1:​12-​14)

2. Doomettaabaa 46:​1-​27 nabbaba.

   Yaaqoobi Gibxxe biitti biishin Yihooway a waatidi minttettidee? (Doomettaabaa 46:​1-4)

Taarikiyaa 26

1. Iyyoobi oonee?

2. .Seexaanay ay oottana malidee? SHin i qoppidoogaadan hanidee?

3. Seexaanay ay oottiyoogaa Yihooway co”u giidi xeellidee? Aybissi?

4. Iyyoobi ‘Xoossaa qanggidi hayqqana’ mala a machchiyaa assi yootidoy aybissee? (Misiliyaa xeella.)

5. Naa”antto misiliyan neeni beˈiyoogaadan, Yihooway Iyyooba waatidi anjjidee? Aybissi?

6. Iyyoobadan nuunikka Yihoowassi ammanettidaageeta gidikko, ay anjjuwaa demmanee?

Gujo oyshata:

1. Iyyooba 1:​1-​22 nabbaba.

   Kiristtaaneti ha wodiyan waanidi Iyyooba milatana danddayiyoonaa? (Iyyooba 1:1; Piliphphisiyuusa 2:​15; 2 PHeexiroosa 3:​14)

2. Iyyooba 2:​1-​13 nabbaba.

   Seexaanay ehiido yedetaa Iyyoobinne a machchiyaa ayba naa”u dummatiya ogiyan zaaridonaa? (Iyyooba 2:​9, 10; Leemiso 19:3; Mikiyaasa 7:7; Milkkiyaasa 3:​14)

3. Iyyooba 42:​10-​17 nabbaba.

   1. Ammanettidi deˈido gishshau, Iyyoobi demmido woytuwaaninne Yesuusi demmido woytuwaa giddon ayba misetettay deˈii? (Iyyooba 42:12; Piliphphisiyuusa 2:​9-​11)

   2. Xoossaayyo ammanettidaagaa gididi deˈidoogan, Iyyoobi demmido anjjuwaappe mintettiyaabaa ay demmiyoo? (Iyyooba 42:​10, 12; Ibraawe 6:​10; Yaaqooba 1:​2-4, 12; 5:​11)

Taarikiyaa 27

1. Misiliyan, lissuwaa oyqqida bitanee oonee? I shociyo bitanee shin oonee?

2. Yooseefi hayqqi simmin Israaˈeeleti waanidonaa?

3. Gibxxeti Israaˈeeletussi yayyidoy aybissee?

4. Israaˈeele maccaasay yeliyo wode eta maaretissiya maccaasata Paarooni woygidi azazidee?

Gujo oyshata:

1. Kessaabaa 1:​6-​22 nabbaba.

   1. Yihooway Abrahaamassi gelido ba qaalaa waatidi polidee? (Kessaabaa 1:7; Doomettaabaa 12:2; Oosuwaa 7:​17)

   2. Ibraawe gidida maaretissiya maccaasati, deˈuwaa bonchchiyoogaa aybin bessidonaa? (Kessaabaa 1:​17; Doomettaabaa 9:⁠6)

   3. Yihoowayyo ammanettidaageeta gididoogan, maaretissiya maccaasati waanidi anjjettidonaa? (Kessaabaa 1:​20, 21; Leemiso 19:⁠17)

   4. Seexaanay asay naagiyo Abrahaame Zariyaa xeelliya, Yihoowa halchchoy polettennaadan oottanau waati malidee? (Kessaabaa 1:​22; Maatiyoosa 2:​16)

Taarikiyaa 28

1. Misiliyan deˈiya gacino naˈay oonee? I o biradhdhiyaa oyqqidee?

2. Muusa asay worenna mala a aayyiyaa ay oottadee?

3. Misiliyan deˈiya guutta naˈiyaa oonee? A ay oottadee?

4. Paaroona naˈiyaa naˈaa demmido wode, Miiriyaama ayba qofaa shiishshadee?

5. Kawuwaa naˈiyaa Muuse aayeeyyo woygadee?

Gujo oyshaa:

1. Kessaabaa 2:​1-​10 nabbaba.

   Muusee guutta naˈatettan deˈishin a aayyiyaa a tamaarissanaunne loohissanau ayba injje demmadee? Hegee yelidaageetussi ha wodiyan ayba leemiso oyqqidee? (Kessaabaa 2:​9, 10; Zaarettido Wogaa 6:​6-9; Leemiso 22:6; Efisoona 6:4; 2 Ximootiyoosa 3:​15)

Taarikiyaa 29

1. Muusee awan diccidee? SHin i bana yelidaageetubaa eridobay aybee?

2. Muusee layttay baassi 40 gidiyo wode ay oottidee?

3. Israaˈeele bitane issoy haraa wadhdhiyaagaa Muusee woygidee? SHin bitanee woygidi zaaridee?

4. Muusee Gibxxeppe baqatidoy aybissee?

5. Muusee baqatidi au biidee? Yan i oonaara gayttidee?

6. Muusee Gibxxeppe baqati simmidi, kaalliya 40u layttatun ay oottidee?

Gujo oyshata:

1. Kessaabaa 2:​11-​25 nabbaba.

   Daro layttau Gibxxetu eratettaa tamaaridabaa gidikkonne, Muusee Yihoowassinne a asaassi ammanettidaagaa gidiyoogaa aybin bessidee? (Kessaabaa 2:​11, 12; Ibraawe 11:⁠24)

2. Oosuwaa 7:​22-​29 nabbaba.

   Muusee Israaˈeeleta Gibxxe aylletettaappe ba huuphen kessana koyidoogaappe ayba timirtte demmiyoo? (Oosuwaa 7:​23-​25; 1 PHeexiroosa 5:​6, 10)

Taarikiyaa 30

1. Misiliyan deˈiya deree ayba geetettii?

2. Muusee ba dorssaa ekkidi deriyaa kiyido wode be⁠ˈido oorattabaa qonccissa.

3. Eexxiya buuraa giddoppe issi cenggurssay woygidee? Hegee o cenggurssee?

4. Ba asaa Gibxxeppe kaaletti kessanaagee Muusa gidiyoogaa Xoossay ayyo yootin, Muusee woygidi zaaridee?

5. A kiittidaagee oonakkonne asay Muusa oychchiyaabaa gidikko, i zaaranabaa Xoossay Muusessi woygidi yootidee?

6. Muusee bana kiittiday Xoossaa gidiyoogaa aybin bessana danddayii?

Gujo oyshata:

1. Kessaabaa 3:​1-​22 nabbaba.

   Nuussi imettida Xoossa ooso nuuni polana danddayennabadan siyettikkokka, Yihooway nuna maaddanaagaa, Muusa gakkidabaappe ay minttettiyaabaa demmiyoo? (Kessaabaa 3:​11, 13; 2 Qoronttoosa 3:​5, 6)

2. Kessaabaa 4:​1-​20 nabbaba.

   1. Midiyaaman deˈido 40u layttatun Muuse qofay waanidi laamettidee? Gubaaˈiyan oottiyo maataa demmana koyiyaageeti hagaappe ayba timirtte demmiyoonaa? (Kessaabaa 2:​11, 12; 4:​10, 13; Mikiyaasa 6:8; 1 Ximootiyoosa 3:​1, 6, 10)

   2. Yihooway ba dirijjitiyaa baggaara nuna seeriyaabaa gidikkonne, Muuse leemisoy nuuni aybin ammanettanaadan oottii? (Kessaabaa 4:​12-​14; Mazamure 103:14; Ibraawe 12:​4-​11)

Taarikiyaa 31

1. Muuseenne Aarooni bessido malaatati Israaˈeeleti waananaadan oottidonaa?

2. Muuseenne Aarooni Paaroonassi ay yootidonaa? Paarooni woygi zaaridee?

3. Misiliyan beettiyaagaadan, Aarooni ba gatimaa saˈan olin, hanidabay aybee?

4. Yihooway Paaroonassi ayba timirtte immidee? Paarooni woygi zaaridee?

5. Tammantta boshaappe simmin aybi hanidee?

Gujo oyshata:

1. Kessaabaa 4:​27-​31⁠nne 5:​1-​23 nabbaba.

   Paarooni ‘Taani Yihoowa erikke’ yaagiyo wode woyganau koyidee? (Kessaabaa 5:2; 1 Sameela 2:​12; Roome 1:​21)

2. Kessaabaa 6:​1-​13, 26-​30 nabbaba.

   1. Yihooway Abrahaamayyo, Yisaaqayyonne Yaaqoobayyo bana qonccissibeennay ayba ogiyaanee? (Kessaabaa 3:​13, 14; 6:3; Doomettaabaa 12:⁠8)

   2. Muusee baassi imettida oosuwaa oottana danddayennabadan qoppidabaa gidikkonne, Yihooway an go⁠ˈettidoogaa eriyoogee nuussi aybi siyettanaadan oottii? (Kessaabaa 6:​12, 30; Luqaasa 21:​13-​15)

3. Kessaabaa 7:​1-​13 nabbaba.

   1. Muuseenne Aarooni Yihoowa pirddaabaa Paaroonassi xalatettan yootido wode, Xoossaa ashkkarati ha wodiyan kaallana bessiya ayba leemiso gidiyaabaa oottidonaa? (Kessaabaa 7:​2, 3, 6; Oosuwaa 4:​29-​31)

   2. Yihooway Gibxxe xoossatuppe aadhdhiyoogaa aybin bessidee? (Kessaabaa 7:​12; 1 Hanidabaa Odiya 29:⁠12)

Taarikiyaa 32

1. Hagan deˈiya misiletun goˈettada, Yihooway Gibxxen yeddido koyro heezzu boshata qonccissa.

2. Koyro heezzu boshatuuninne etappe hara boshatu giddon deˈiya dummatettay aybee?

3. Oyddantto, ichchashanttonne usuppuntto boshati aybee?

4. Laappuntto, hosppunttonne uddufuntto boshata qonccissa.

5. Tammantta boshaappe kase Yihooway Israaˈeeleti ay oottana mala yootidee?

6. Tammantta boshay aybee? Appe guyyiyan aybi hanidee?

Gujo oyshata:

1. Kessaabaa 7:⁠19–8:​23 nabbaba.

   1. Gibxxe shareechchoti Yihooway yeddido koyro naa”u boshata milatissidi oottana danddayikkonne, heezzantto boshaappe guyyiyan eti wolqqan ammanidi ekkidobay aybee? (Kessaabaa 8:​18, 19; Maatiyoosa 12:​24-​28)

   2. Yihooway ba asaa naagana danddayiyoogaa oyddantto boshay waatidi bessidee? ‘Daro waayiyau’ matattiiddi deˈiyo ha wodiyan hegaa eriyoogee, Xoossaa asaassi aybi siyettanaadan oottii? (Kessaabaa 8:​22, 23; Ajjuutaa 7:​13, 14; 2 Hanidabaa Odiya 16:⁠9)

2. Kessaabaa 8:​24; 9:​3, 6, 10, 11, 14, 16, 23-​25; qassi 10:​13-​15, 21-​23 nabbaba.

   1. Tammu boshati eta geema oosuwaa qoncciya kessido, asaa naatu naa”u citati augeetee? Hegee, nuuni he citata ha wodiyan xeelliyo ogiyaa waatidi bochchii? (Kessaabaa 8:​10, 18, 19; 9:​14)

   2. Kessaabaa 9:16y Seexaanay hanno gakkanaashin deˈana mala Yihooway oottidoy aybissakko nuuni akeekanaadan maaddiyoy aybiinee? (Roome 9:​21, 22)

3. Kessaabaa 12:​21-​32 nabbaba.

   Paasikay daro asay attana mala oottidoy aybiinee? Paasikay aybaa malaatii? (Kessaabaa 12:​21-​23; Yohaannisa 1:​29; Roome 5:​18, 19, 21; 1 Qoronttoosa 5:⁠7)

Taarikiyaa 33

1. Maccaasaanne naata gujjennan Gibxxeppe kiyida attumaasay aappunee? Etaara kiyida hara asati oonee?

2. Israaˈeeleti boogaappe guyyiyan Paaroonassi aybi siyettidee? I ay oottidee?

3. Yihooway Gibxxeti ba asaa qohenna mala ay oottidee?

4. Muusee ba gatimaa Zoˈo Abbaa bolli miccin aybi hanidee? Israaˈeeleti ay oottidonaa?

5. Gibxxeti Israaˈeeleta kaallidi dirbban abbaa giddo gelido wode aybi hanidee?

6. Israaˈeeleti attido gishshau, ufayttiyoogaanne Yihoowa galatiyoogaa aybin bessidonaa?

Gujo oyshata:

1. Kessaabaa 12:​33-​36 nabbaba.

   Ba asay daro layttaassi Gibxxen aylletettan deˈidoogaa gishshaa, Yihooway etassi ay oottidee? (Kessaabaa 3:​21, 22; 12:​35, 36)

2. Kessaabaa 14:​1-​31 nabbaba.

   Muusee haasayido Kessaabaa 14:​13n xaafettidabay, Yihoowa ashkkarati Armmageedoona olaa naagiiddi deˈiyo ha wodiyan eta ayba ogiyan maaddii? (2 Hanidabaa Odiya 20:17; Mazamure 91:⁠8)

3. Kessaabaa 15:​1-8, 20, 21 nabbaba.

   1. Yihoowa ashkkarati assi saba yettaa yexxana bessiyoy aybissee? (Kessaabaa 15:​1, 2; Mazamure 105:​2, 3; Ajjuutaa 15:​3, 4)

   2. Miiriyaamanne hara maccaasati Zoˈo Abbaa matan oottidoogaadan, Yihoowa sabbiyoogan Kiristtaane maccaasati ha wodiyan oottana bessiyaabi aybee? (Kessaabaa 15:​20, 21; Mazamure 68:⁠11)

Taarikiyaa 34

1. Misiliyan, asay saˈaappe maxiiddi deˈiyoy aybee? Ayba geetettii?

2. Mannaa maxiyo ogiyaa Muusee asaayyo woygidi yootidee?

3. Usuppuntta gallassi asay ay oottana mala Yihooway yootidee? Aybissi hegaadan giidee?

4. Laappuntta gallasaassi mannaa ashshido wode, Yihooway ayba maalaalissiyaabaa oottidee?

5. Yihooway asaa mannaa mizidoy ay keena wodiyaassee?

Gujo oyshata:

1. Kessaabaa 16:​1-​36⁠nne Qoodaabaa 11:​7-9 nabbaba.

   1. Kiristtaane gubaaˈiyan Xoossaa oosuwau aawatettay imettidoogeeta bonchchana bessiyoogaa xeelliiyaagan Kessaabaa 16:8y ay bessii? (Ibraawe 13:⁠17)

   2. Israaˈeeleti bantta deˈoy Yihoowa kushiyaana gidiyoogaa bazzuwan ubba gallassi hassayanaadan oottidabi aybee? (Kessaabaa 16:​14-​16, 35; Zaarettido Wogaa 8:​2, 3)

   3. Mannay malaatiyoobaa Yesuusi waatidi qonccissidee? Nuuni ‘saluwaappe wodhdhida he oyttaappe’ waatidi goˈettana danddayiyoo? (Yohaannisa 6:​31-​35, 40)

2. Yaasa 5:​10-​12 nabbaba.

   Israaˈeeleti aappun layttau mannaa miidonaa? Hegan waanidi paacettidonaa? Qassi nuuni he taarikiyaappe ayba timirttiyaa demmiyoo? (Kessaabaa 16:35; Qoodaabaa 11:​4-6; 1 Qoronttoosa 10:​10, 11)

Taarikiyaa 35

1. Gibxxeppe kiyoosappe naa”u agina gidiya wodeppe guyyiyan, Israaˈeeleti awan dunkkaanidonaa?

2. Yihooway asay oottanaadan i koyiyoobi ayba gidiyoogaa yootidee? Eti woygidi zaaridonaa?

3. Yihooway Muusessi naa”u masettida shuchchata immidoy aybissee?

4. Yihooway Israaˈeeletussi immido higgee Tammu Azazotu xalleeyye?

5. Yesuus Kiristtoosi ubbaappe aadhdhiyaa higgeta giido naa”u higgeti augeetee?

Gujo oyshata:

1. Kessaabaa 19:​1-​25; 20:​1-​21; 24:​12-​18; qassi 31:18 nabbaba.

   Kessaabaa 19:8n xaafettida qaalay, Kiristtaaneti banttana Xoossaassi buzo oottiyoogee gujjiyoobi aybakkonne akeekanaadan nuna waatidi maaddii? (Maatiyoosa 16:24; 1 PHeexiroosa 4:​1-3)

2. Zaarettido Wogaa 6:​4-6; Wogaabaa 19:18; qassi Maatiyoosa 22:​36-​40 nabbaba.

   Kiristtaaneti Xoossaanne bantta shooruwaa siiqiyoogaa aybin bessiyoonaa? (Marqqoosa 6:​34; Oosuwaa 4:​20; Roome 15:⁠2)

Taarikiyaa 36

1. Misiliyan, asay ay oottiiddi deˈii? Ayssi hegaa oottii?

2. Yihooway ayssi yiillotidee? Muusee asay oottiyoobaa beˈidi ay oottidee?

3. Muusee asaappe amaridaageetuyyo ay oottana mala yootidee?

4. Ha taarikee nuna ayba timirtte tamaarissana bessii?

Gujo oyshata:

1. Kessaabaa 32:​1-​35 nabbaba.

   1. Worddo haymaanootiyaa tumu goynuwaara walakkiyoogaa, Yihooway aybidan xeelliyaakko ha taarikee waatidi bessii? (Kessaabaa 32:​4-6, 10; 1 Qoronttoosa 10:​7, 11)

   2. Yettaanne durssaa milatiya allaxxiyobata dooriyoogan, Kiristtaaneti waanidi naagettana bessii? (Kessaabaa 32:​18, 19; Efisoona 5:​15, 16; 1 Yohaannisa 2:​15-​17)

   3. Geeshshatettau eqqiyoogan Leewa zareti lo”o leemiso gidiyaabaa waati oottidonaa? (Kessaabaa 32:​25-​28; Mazamure 18:⁠25)

Taarikiyaa 37

1. Misiliyan deˈiya keettay ayba geetettii? An ay oottanau goˈettidonaa?

2. Muusee dunkkaaniyaa kolanau metennaagaa oottidi keexxanaadan Yihooway yootidoy aybissee?

3. Dunkkaaniyaa gaxan issi guutta kifiliyaa giddon deˈiya saaxinee aybee? He saaxiniyan aybi deˈii?

4. Yihooway qeese halaqa oottidi dooridoy oonee? Qeese halaqay ay oottii?

5. Dunkkaaniyau aakkiyaa kifiliyan deˈiya heezzubata yoota.

6. .Dunkkaaniyaa dirssa giddon deˈiya naa”ubati aybee? Hegeeta goˈettiyoy aybaassee?

Gujo oyshata:

1. Kessaabaa 25:​8-​40; 26:​1-​37; 27:​1-8; qassi 28:1 nabbaba.

   “Maachchaa taabootaa” bolli deˈiya kiruubeti aybaa malaatee? (Kessaabaa 25:​20, 22; Qoodaabaa 7:​89; 2 Kawotu 19:⁠15)

2. Kessaabaa 30:​1-​10, 17-​21; 34:​1, 2; qassi Ibraawe 9:​1-5 nabbaba.

   1. Bollaa geeshshatettaa naagiyoogee keehi koshshiyaabaa gidiyoogaa gayttiyo dunkkaaniyan oottiya qeesetussi Yihooway yootidoy aybissee? Hegee ha wodiyan nunakka xeelliyaabaa gididoy aybiinee? (Kessaabaa 30:​18-​21; 40:​30, 31; Ibraawe 10:⁠22)

   2. Kiitettida PHauloosi Ibraawe Kiristtaanetussi xaafido dabddaabbiyan, gayttiyo dunkkaaneenne Higgiyaa maachchay he wode attiichchidoogaa waatidi bessidee? (Ibraawe 9:​1, 9; 10:⁠1)

Taarikiyaa 38

1. Misiliyan beettiya woiniyaa teeraa wurccuwaabaa ay akeekadii? Hegee auppe yiidee?

2. Muusee 12u xomoosiya asata Kanaane biitti kiittidoy aybissee?

3. Xomoosiyaageetuppe tammati simmi yiidi Muusessi woygi yootidonaa?

4. Xomoosiyaageetuppe naa”ati Yihoowan ammanettiyoogaa waatidi bessidonaa? Eta sunttay oonee?

5. Yihooway aybissi yiillotidee? Muusessi i ay yootidee?

Gujo oyshata:

1. Qoodaabaa 13:​1-​33 nabbaba.

   1. Biittaa xomoosanau doorettidaageeti oonee? Eti ayba gitabaa demmidonaa? (Qoodaabaa 13:​2, 3, 18-​20)

   2. Yaasunne Kaaleeba xeelay hara xomoosiyaageetuugaappe dummatidoy aybiinee? Hegee nuna ay tamaarissii? (Qoodaabaa 13:​28-​30; Maatiyoosa 17:20; 2 Qoronttoosa 5:⁠7)

2. Qoodaabaa 14:​1-​38 nabbaba.

   1. Saˈan Yihoowa kal”atiyaageetu bolli zuuzummennaadan, nuuni siyana bessiya ayba seeri deˈii? (Qoodaabaa 14:​2, 3, 27; Maatiyoosa 25:​40, 45; 1 Qoronttoosa 10:⁠10)

   2. Yihooway ba ashkkarata ubbaa huuphiyan huuphiyan loytti xeelliyoogaa Qoodaabaa 14:24y waatidi bessii? (1 Kawotu 19:18; Leemiso 15:⁠3)

Taarikiyaa 39

1. Muusenne Aaroona aawatettaa bolli makkalidaageeti oonee? Eti Muusessi woygidonaa?

2. Muusee Qoraahassinne a kaalliya 250u asatussi eti ay oottanaadan yootidee?

3. Muusee asaassi woygidee? I haasayaa essosaara aybi hanidee?

4. Qoraahinne a kaalliya 250u asati waanidonaa?

5. Aaroona naˈay El”aazari he asati ixaanaa cuwayiyoobata waatidee? Ayssi hegaadan oottidee?

6. Yihooway Aaroona gatimay ciiyyanaadan oottidoy aybissee? (Misiliyaa xeella.)

Gujo oyshata:

1. Qoodaabaa 16:​1-​49 nabbaba.

   1. Qoraahinne a kaallida asati waatidonaa? Hegee Yihoowa bolli makkalliyoogaa gididoy aybissee? (Qoodaabaa 16:​9, 10, 18; Wogaabaa 10:​1, 2; Leemiso 11:⁠2)

   2. Qoraahinne ‘maabaran doorettidi kaalettiya’ 250u asati ayba bala qofa qoppidonaa? (Qoodaabaa16:​1-3; Leemiso 15:33; Isiyaasa 49:⁠7)

2. Qoodaabaa 17:​1-​11⁠nne 26:10 nabbaba.

   1. Aaroona gatimay ciiyyidoogee ay bessii? He gatimaa maachchaa taabootan wottana mala Yihooway yootidoy aybissee? (Qoodaabaa 17:​5, 8, 10)

   2. Aaroona gatimaa leemisuwaappe ayba go”iya timirtte demmana danddayiyoo? (Qoodaabaa 17:10; Oosuwaa 20:28; Piliphphisiyuusa 2:​14; Ibraawe 13:⁠17)

Taarikiyaa 40

1. Israaˈeeleti bazzuwan deˈishin, Yihooway eta waatidi naagidee?

2. Israaˈeeleti Qaadeesan dunkkaanido wode woygi zuuzummidonaa?

3. Yihooway asaassinne eta mehiyaassi gidiya haattaa waatidi immidee?

4. Misiliyan, baakko malaatiya bitanee oonee? I hegaadan oottiyoy aybissee?

5. Yihooway Muuse bollinne Aaroona bolli ayssi yiillotidee? Eti waani qaxxayettidonaa?

6. Hoora Deriyan hanidabay aybee? Israaˈeeletu qeese halaqa gididay oonee?

Gujo oyshata:

1. Qoodaabaa 20:​1-​13, 22-​29 qassi Zaarettido Wogaa 29:5 nabbaba.

   1. Yihooway bazzuwan Israaˈeeleta naagido ogiyaappe ayba timirtte demmiyoo? (Zaarettido Wogaa 29:5; Maatiyoosa 6:​31; Ibraawe 13:⁠5; Yaaqooba 1:​17)

   2. Muuseenne Aarooni Israaˈeeletu sinttan a bonchchibeenna gishshau, Yihoowassi aybi siyettidee? (Qoodaabaa 20:12; 1 Qoronttoosa 10:12; Ajjuutaa 4:​11)

   3. Muusee Yihoowappe demmido seeraa ekkido ogiyaappe ayba timirtte demmiyoo? (Qoodaabaa 12:3; 20:​12, 27, 28; Zaarettido Wogaa 32:4; Ibraawe 12:​7-​11)

Taarikiyaa 41

1. Misiliyan, mittaa bolli xaaxetti uttidaagee aybee? Muusee hegan a kaqqanaadan Yihooway yootidoy aybissee?

2. Xoossay etassi oottido ubbabaassi asay waanidi galata xayidee?

3. Yihooway eta qaxxayanau marzziyaara deˈiya shooshata yeddi simmin, asay Muusee ay oottanaadan oychchidee?

4. Muusee nahaasiyaa shooshshaa medhdhanaadan, Yihooway yootidoy aybissee?

5. Nuuni ha taarikiyaappe ayba timirtte demmana danddayiyoo?

Gujo oyshata:

1. Qoodaabaa 21:​4-9 nabbaba.

   1. Israaˈeeleti Yihoowappe demmiyoobatun zuuzummidoogaappe nuna seeriyaabaa ay demmiyoo? (Qoodaabaa 21:​5, 6; Roome 2:⁠4)

   2. Hegaappe takkidi, aadhdhida xeetu layttatun Israaˈeeleti nahaasiyaa shooshshaa aybau goˈettidonaa? Kawuwaa Hizqqiyaasi hegaa waatidee? (Qoodaabaa 21:9; 2 Kawotu 18:​1-4)

2. Yohaannisa 3:​14, 15 nabbaba.

   Nahaasiyaa shooshshaa mittaa bolli kaqqidoogee, Yesuus Kiristtoosi kaqettiyoogaassi lo”o malaata gididoy aybiinee? (Galaatiyaa 3:​13; 1 PHeexiroosa 2:​24)

Taarikiyaa 42

1. Balaaqi oone? Balaama ehiissanau i kiittidoy aybissee?

2. Balaama hariyaa ogiyan zin”idoy aybissee?

3. Balaami hariyaa woygishin siyidee?

4. Issi kiitanchchay Balaamassi woygidee?

5. Balaami Israaˈeeleta qangganau maliyo wode aybi hanidee?

Gujo oyshata:

1. Qoodaabaa 21:​21-​35 nabbaba.

   Israaˈeeleti Amoore biittaa Kawuwaa Sihoonanne Baasaane biitta Kawuwaa Ooga xoonidoy aybissee? (Qoodaabaa 21:​21, 23, 33, 34)

2. Qoodaabaa 22:​1-​40 nabbaba.

   Israaˈeeleta qangganau maliyo wode Balaami koyidobay aybee? Nuuni hegaappe ay tamaarana danddayiyoo? (Qoodaabaa 22:​16, 17; Leemiso 6:​16, 18; 2 PHeexiroosa 2:​15; Yihudaa 11)

3. Qoodaabaa 23:​1-​30 nabbaba.

   Balaami Yihoowayyo goynniyaabadan haasayikkonne, i gidennaagaa a oosoy waatidi bessidee? (Qoodaabaa 23:​3, 11-​14; 1 Sameela 15:⁠22)

4. Qoodaabaa 24:​1-​25 nabbaba.

   Yihoowa halchchoy polettiyoogau nuussi deˈiya ammanuwaa ha Geeshsha Maxaafaa taarikee waatidi bessii? (Qoodaabaa 24:10; Isiyaasa 54:⁠17)

Taarikiyaa 43

1. Misiliyan, Muuseera eqqida naa”u attumaasati oonee?

2. Yihooway Yaasussi ay yootidee?

3. Muusee Nabo Deriyaa kiyidoy aybissee? Yihooway ayyo woygidee?

4. Muusee hayqqiyo wode ayyo layttay aappunee?

5. Asay ayssi azzanidee? SHin eti ufayttanau ayba gaasoy deˈii?

Gujo oyshata:

1. Qoodaabaa 27:​12-​23 nabbaba.

   Yihooway Yaasussi ayba keehi gita ooso immidee? Yihooway Ba asaa naagiyoogaa ha wodiyan waatidi bessidee? (Qoodaabaa 27:​15-​19; Oosuwaa 20:28; Ibraawe 13:⁠7)

2. Zaarettido Wogaa 3:​23-​29 nabbaba.

   Muuseenne Aarooni Yihooway qaalaa gelido biitta gelennan attidoy aybissee? Nuuni hegaappe ayba timirtte demmana danddayiyoo? (Zaarettido Wogaa 3:​25-​27; Qoodaabaa 20:​12, 13)

3. Zaarettido Wogaa 31:​1-8, 14-​23 nabbaba.

   Muusee Israaˈeeletussi wurssettan haasayido haasayay, i Yihoowa seeraa ba huuphiyaa kaushshidi ekkidoogaa waatidi bessii? (Zaarettido Wogaa 31:​6-8, 23)

4. Zaarettido Wogaa 32:​45-​52 nabbaba.

   Xoossaa Qaalay nu deˈuwaa waatidi bochchana bessii? (Zaarettido Wogaa 32:47; Wogaabaa 18:5; Ibraawe 4:​12)

5. Zaarettido Wogaa 34:​1-​12 nabbaba.

   Muusee Yihoowa mule beˈi erennabaa gidikkonne, Zaarettido Wogaa 34:10y Yihoowaara deˈiya a dabbotaa waatidi qonccissii? (Kessaabaa 33:​11, 20; Qoodaabaa 12:⁠8)

Taarikiyaa 44

1. Raˈaaba deˈiyoy awaanee?

2. Misiliyan deˈiya naa”u asati oonee? Eti ayssi Yarkko biidonaa?

3. Yarkko kawoy Raˈaaba ay oottana mala azazidee? A woygada zaaradee?

4. Raˈaaba he naa”u asata waatada maaddadee? Eti baassi ayba kehatetta bessana mala oychchadee?

5. He naa”u xomoosiyaageeti Raˈaabissi woygidi qaalaa gelidonaa?

Gujo oyshata:

1. Yaasa 2:​1-​24 nabbaba.

   Israaˈeeleti Yarkko katamaa olanau biyo wode, Kessaabaa 23:27n deˈiya Yihooway gelido qaalay waanidi polettidee? (Yaasa 2:​9-​11)

2. Ibraawe 11:31 nabbaba.

   Raˈaabi leemisoy ammanoy keehi koshshiyaaba gidiyoogaa waatidi bessii? (Roome 1:​17; Ibraawe 10:39; Yaaqooba 2:​25)

Taarikiyaa 45

1. Israaˈeeleti Yorddaanoosa SHaafaa pinnanaadan, Yihooway ay maalaalissiyaaba oottidee?

2. Israaˈeeleti Yorddaanoosa SHaafaa pinnanau, ammanoy deˈiyoogaa bessiya ayba ooso oottana koshshii?

3. SHaafaa giddoppe 12u gita shuchchata ehaanaadan, Yihooway Yaasussi yootidoy aybissee?

4. Qeeseti Yorddaanoosappe kiyosaara aybi hanidee?

Gujo oyshata:

1. Yaasa 3:​1-​17 nabbaba.

   1. Ha taarikee bessiyoogaadan, Yihoowa maaduwaanne anjjuwaa demmanau nuuni ay oottana bessii? (Yaasa 3:​13, 15; Leemiso 3:5; Yaaqooba 2:​22, 26)

   2. Israaˈeeleti Yorddaanoosa SHaafaa pinnidi Xoossay qaalaa gelido biittaa geliyo wode, shaafay ayba mala hanotan deˈii? Hegee Yihoowa sunttaa waatidi xoqqu xoqqu oottidee? (Yaasa 3:​15; 4:​18; Mazamure 66:​5-7)

2. Yaasa 4:​1-​18 nabbaba.

   Yorddaanoosappe kessidi Gelggalan doorido 12u shuchchati aybaassi maaddidonaa? (Yaasa 4:​4-7)

Taarikiyaa 46

1. Yihooway olanchchatinne qeeseti usuppun gallassaassi ay oottana mala yootidee?

2. Asati laappuntta gallassi ay oottanau bessii?

3. Misiliyan neeni beˈiyoogaadan, Yarkko dirssaa gimbbee waaniiddi deˈii?

4. Maskkootiyan zoˈo wodoroy kaqettidoy aybissee?

5. Yaasu katamaanne an deˈiya asata waatanaadan olanchchatussi yootidee? Biraa, worqqaa, nahaasiyaanne birataashin waatanaadan yootidee?

6. Xomoosiya Naa”u asati oottanaadan odettidabi aybee?

Gujo oysha:

1. Yaasa 6:​1-​25 nabbaba.

   1. Israaˈeeleti Yarkko katamaa laappuntta gallassi yuuyido yuushshay, ha wurssetta gallassan Yihoowa Markkati mishiraachchuwaa sabbakiyoogaara milatiyoy aybiinee? (Yaasa 6:​15, 16; Isiyaasa 60:22; Maatiyoosa 24:14; 1 Qoronttoosa 9:​16)

   2. Yaasa 6:26n deˈiya hiraagay 500 gidiya layttaappe guyyiyan waanidi polettidee? Hegee Yihoowa qaalaabaa nuna ay tamaarissii? (1 Kawotu 16:34; Isiyaasa 55:⁠11)

Taarikiyaa 47

1. Misiliyan, Yarkkoppe ehiido al”obaa moogiya bitanee oonee? A maaddiiddi deˈiyaageeti oonee?

2. Akkaaninne a soo asay oottidobay keehippe iitaba gididoy aybissee?

3. Israaˈeeleti Aaya katamaa olan xoonettidoy aybissakko Yaasu oychchin, Yihooway assi woygidi zaaridee?

4. Akkaananne a soo asaa Yaasukko ehin hanidabay aybee?

5. Akkaana gakkida pirdday daro koshshiya ayba timirtte tamaarissii?

Gujo oyshata:

1. Yaasa 7:​1-​26 nabbaba.

   1. Yaasu woosay, bana Medhdhidaagaara ayyo deˈiya dabbotaabaa ay qonccissii? (Yaasa 7:​7-9; Mazamure 119:145; 1 Yohaannisa 5:​14)

   2. Akkaana leemisoy ay bessii? Hegee nuna seeriyaabaa gididoy aybiinee? (Yaasa 7:​11, 14, 15; Leemiso 15:3; 1 Ximootiyoosa 5:​24; Ibraawe 4:​13)

2. Yaasa 8:​1-​29 nabbaba.

   Kiristtaane gubaaˈiyan ha wodiyan nuuppe huuphiyan huuphiyan koyettiyaabi aybee? (Yaasa 7:​13; Wogaabaa 5:1; Leemiso 28:⁠13)

Taarikiyaa 48

1. Heera katamatun deˈiya Kanaanetuppe Gabaaˈoonati dumma gididoy aybiinee?

2. Misiliyan beettiyaagaadan, Gabaaˈoonati ay oottidonaa? Ayssi hegaadan oottidonaa?

3. Yaasunne Israaˈeeleta kaalettiyaageeti Gabaaˈoonatussi ay qaala gelidonaa? SHin heezzu gallassappe guyyiyan ay eridonaa?

4. Gabaaˈoonati Israaˈeeletuura saruwan deˈanau maacettidoogaa hara katamatun deˈiya kawoti siyido wode hanidabi aybee?

Gujo oyshata:

1. Yaasa 9:​1-​27 nabbaba.

   1. Yihooway Israaˈeele asaassi ‘he biittan deˈiya asaa ubbaa xayssanaadan’ yootido gishshau, Gabaaˈoonata ashshidoogee, a eeshshatuppe augeeta xoqqu ootti bessii? (Yaasa 9:​22, 24; Maatiyoosa 9:​13; Oosuwaa 10:​34, 35; 2 PHeexiroosa 3:⁠9)

   2. Yaasu Gabaaˈoonatussi gelido ba qaalaa naagidoogan, ha wodiyan Kiristtaaneti kaallana bessiya ayba lo”o leemiso bessidee? (Yaasa 9:​18, 19; Maatiyoosa 5:​37; Efisoona 4:​25)

2. Yaasa 10:​1-5 nabbaba.

   Ha wodiyan zawi baynna daro asay Gabaaˈoonata milatidoy ayba ogiyaanee? Hegee eta bolli aybi gakkanaadan oottidee? (Yaasa 10:4; Zakkaariyaasa 8:​23; Maatiyoosa 25:​35-​40; Ajjuutaa 12:⁠17)

Taarikiyaa 49

1. Misiliyan, Yaasu woyggiiddi deˈii? Ayssi hegaadan gii?

2. Yihooway Yaasanne a olanchcha asata waatidi maaddidee?

3. Yaasu xoonido morkke kawoti aappunee? Aappun layttan xooni wurssidee?

4. Yaasu Kanaane biittaa aybissi shaakkidee?

5. Yaasu hayqqiyo wode ayyo aappun layttee? Hegaappe guyyiyan asay waanidee?

Gujo oyshata:

1. Yaasa 10:​6-​15 nabbaba.

   Yihooway Israaˈeeletussi awaaynne aginay wullennan takkanaadan oottidoogee, ha wodiyan nuuni aybin ammanettanaadan oottii? (Yaasa 10:​8, 10, 12, 13; Mazamure 18:3; Leemiso 18:⁠10)

2. Yaasa 12:​7-​24 nabbaba.

   Kanaanen deˈiya 31 kawoti xoonettanaadan oottiday tumuppe oonee? Hegaa eriyoogee ha wodiyan nuna keehi maaddiyaaba gididoy aybissee? (Yaasa 12:7; 24:​11-​13; Zaarettido Wogaa 31:8; Luqaasa 21:​9, 25-​28)

3. Yaasa 14:​1-5 nabbaba.

   Israaˈeele zaretuyyo biittay waanidi shaahettidee? Hegee Gannatiyan nuuni demmana laataabaa ay bessii? (Yaasa 14:2; Isiyaasa 65:21; Hizqqeela 47:​21-​23; 1 Qoronttoosa 14:⁠33)

4. Daannata 2:​8-​13 nabbaba.

   Yaasu Israaˈeelen oottidoogaadan, ha wodiyan kaddiyaageeta teqqiiddi deˈiyay oonee? (Daannata 2:​8, 10, 11; Maatiyoosa 24:​45-​47; 2 Tasalonqqe 2:​3-6; Tiitu 1:​7-9; Ajjuutaa 1:1; 2:​1, 2)

Taarikiyaa 50

1. Daannati ay oottiyaageetee? Etappe amaridaageetu sunttay oonee oonee?

2. Deboorissi ayba dumma maatay deˈii? Hegee ay gujjii?

3. Kawuwaa Yaabininne a olanchchatu halaqaa Sisaari Israaˈeeleta yashissido wode, Deboora Daannaa Baaraaqayyo Yihoowappe yiida ayba kiita yootadee? Xoonoy oossa gidana gaadee?

4. Yaaˈeela xala maccaasa gidiyoogaa aybin bessadee?

5. Kawuwaa Yaabini hayqqi simmin aybi hanidee?

Gujo oyshata:

1. Daannata 2:​14-​22 nabbaba.

   Israaˈeeleti Yihoowa hanqquwaa bantta bolli ehiidoy aybiinee? Nuuni hegaappe ayba timirtte demmana danddayiyoo? (Daannata 2:​20; Leemiso 3:​1, 2; Hizqqeela 18:​21-​23)

2. Daannata 4:​1-​24 nabbaba.

   Ha wodiyan deˈiya Kiristtaane maccaasati ammanuwaanne xalatettaa xeelliyaagan, Deboorinne Yaaˈeeli leemisuwaappe ayba timirtte demmana danddayiyoonaa? (Daannata 4:​4, 8, 9, 14, 21, 22; Leemiso 31:30; 1 Qoronttoosa 16:⁠13)

3. Daannata 5:​1-​31 nabbaba.

   Baaraaqanne Deboori xoonuwaa yettay, sinttappe yaanau deˈiya Armmageedoona olaara gayttidaagan woossiyo woosadan waatidi maaddana danddayii? (Daannata 5:​3, 31; 1 Hanidabaa Odiya 16:​8-​10; Ajjuutaa 7:​9, 10; 16:16; 19:​19-​21)

Taarikiyaa 51

1. Naaˈooma ayssi Mooˈaaba biitti baadee?

2. Urutanne Orppa oonee?

3. Naaˈooma eti simmidi bantta asaakko baana mala yootido wode, Urutanne Orppa woygi woygi zaaridonaa?

4. Booˈeezi oonee? Urutonne Naaˈoomo waatidi maaddidee?

5. Booˈeezassi Uruta yelido naˈaa sunttay oonee? Nuuni a ayssi hassayana koshshii?

Gujo oyshata:

1. Uruto 1:​1-​17 nabbaba.

   1. Uruta aggenna siiqoy qonccido ayba lo”obaa haasayadee? (Uruto 1:​16, 17)

   2. Uruti qofay ‘hara dorssati’ ha wodiyan saˈan deˈiya ayyaanan tiyettidaageeta xeelliyo xeelaa loyttidi bessiyoy aybiinee? (Yohaannisa 10:16; Zakkaariyaasa 8:​23)

2. Uruto 2:​1-​23 nabbaba.

   Uruta ha wodiyan deˈiya yelaga macca naatussi lo”o leemiso gididoy aybiinee? (Uruto 2:​17, 18; Leemiso 23:22; 31:⁠15)

3. Uruto 3:​5-​13 nabbaba.

   1. Uruta yelaga attuma asaa aggada a gelanau koyidoogan, Booˈeezassi aybi siyettidee?

   2. Uruti xeelay aggenna siiquwaabaa nuna ay tamaarissii? (Uruto 3:​10; 1 Qoronttoosa 13:​4, 5)

4. Uruto 4:​7-​17 nabbaba.

   Ha wodiyan Kiristtaane attuma asay waanidi Boˈeeza malatana danddayii? (Uruto 4:​9, 10; 1 Ximootiyoosa 3:​1, 12, 13; 5:⁠8)

Taarikiyaa 52

1. Israaˈeeleti aybissi metuwan gelidonaa? Waanidii?

2. Yihooway Geedoonassi a olanchchati keehi daro gidiyoogaa yootidoy aybissee?

3. Geedooni yayyiya asay soo simmanaadan yootin, aappun asay attidee?

4. Misiliyaa xeellada, Yihooway Geedoona olanchchatu qoodaa guuttidi, waati 300u asa xalla oottidaakko qonccissa.

5. Geedooni ba 300u asata waati maarayidee? Israa⁠ˈeeleti olan waatidi xoonidonaa?

Gujo oyshata:

1. Daannata 6:​36-​40 nabbaba.

   1. Geedooni Yihoowa shenee aybakko waatidi shaakki eridee?

   2. Nuuni ha wodiyan Yihoowa shenee aybakko waatidi shaakki erana danddayiyoo? (Leemiso 2:​3-6; Maatiyoosa 7:​7-​11; 2 Ximootiyoosa 3:​16, 17)

2. Daannata 7:​1-​25 nabbaba.

   1. Akeekay paccido asatuppe dummatidi akeekan naagida 300u asatuppe ayba timirtte demmiyoo? (Daannata 7:​3, 6; Roome 13:​11, 12; Efisoona 5:​15-​17)

   2. Geedoona xeellidi 300u asati tamaaridoogaadan, nuunikka waati Geedoonappe Aadhdhiya Yesuus Kiristtoosa xeellidi tamaarana danddayiyoo? (Daannata 7:​17; Maatiyoosa 11:​29, 30; 28:​19, 20; 1 PHeexiroosa 2:​21)

   3. Yihoowa dirijjitiyan nuuni awaaninne oottiyaabaa gidikko, nu oottiyooban ufayttiyaageeta gidanaadan Daannata 7:​21 nuna waatidi maaddii? (1 Qoronttoosa 4:2; 12:​14-​18; Yaaqooba 4:​10)

3. Daannata 8:​1-3 nabbaba.

   Geedooni Efireema asaara merettida palamau zaaruwaa immido ogiyaappe, issi ishaara woy issi michcheera qofan dummatiyo wode waati oyqqanaakko ay tamaarana danddayiyoo? (Leemiso 15:1; Maatiyoosa 5:​23, 24; Luqaasa 9:​48)

Taarikiyaa 53

1. Yofttaahee oonee? I deˈidoy ayba wodiyaanee?

2. WYofttaahee Yihoowassi ayba qaala gelidee?

3. Yofttaahee Amoonata xoonidi soo simmido wode azzanidoy aybissee?

4. Yofttaahe naˈiyaa ba aaway gelido qaalaabaa siyada woygadee?

5. Asay Yofttaahe naˈiyo aybissi siiqii?

Gujo oyshata:

1. Daannata 10:​6-​18 nabbaba.

   Israaˈeeleti Yihoowan ammanettennan deˈido duussaappe ayba seera demmiyoo? (Daannata 10:​6, 15, 16; Roome 15:4; Ajjuutaa 2:​10)

2. Daannata 11:​1-​11, 29-​40 nabbaba.

   1. Yofttaahee ba naˈiyo ‘xuuggiyo yarshshodan oottidi’ shiishshidoogee, o taman xuuggidoogaa bessennaagaa aybin eriyoo? (Daannata 11:31; Wogaabaa 16:24; Zaarettido Wogaa 18:​10, 12)

   2. Yofttaahee ba naˈiyo waatidi yarshsho ootti shiishshidee?

   3. Yihoowayyo gelido qaalaa Yofttaahee xoqqu oottidi xeellido hanotaappe, ay tamaarana danddayiyoo? (Daannata 11:​35, 39; Eranchchaa 5:​4, 5; Maatiyoosa 16:⁠24)

   4. Kumetta wodiyau haggaaziyoogaa ooso oottidi oyqqiyoogan, Yofttaahe naˈiyaa yelaga Kiristtaanetussi lo”o leemiso gididoy aybiinee? (Daannata 11:​36; Maatiyoosa 6:​33; Piliphphisiyuusa 3:⁠8)

Taarikiyaa 54

1. Hanno gakkanaashin deˈida asa ubbaappe mino gidida bitaniyaa sunttay oonee? Assi minotettaa immiday oonee?

2. Neeni misiliyan beˈiyogaadan, issi wode Samssooni issi wogga gaammuwaa waatidee?

3. Misiliyan, Samssooni Daliilissi ayba xuura yootii? Hegee Pilisxxeemati a oyqqanaadan oottidoy aybiinee?

4. Samssooni hayqqido gallassi morkke gidida Pilisxxeematuppe 3,000ti hayqqanaadan waatidi oottidee?

Gujo oyshata:

1. Daannata 13:​1-​14 nabbaba.

   Yelidaageeti bantta naata dichchiyoogan, Maanuheenne a machchiyaa lo”o leemiso gididoy aybiinee? (Daannata 13:8; Mazamure 127:3; Efisoona 6:⁠4)

2. Daannata 14:​5-9⁠nne 15:​9-​16 nabbaba.

   1. Samssooni gaammuwaa woridoogee, bana qachchido ooratta wodoruwaa duuterettidoogee, qassi issi hariyaa gappataa meqettaa oyqqidi 1,000u asaa woridoogee Yihoowa ayyaanay a bolli oottiyoogaa waati qonccissii?

   2. Geeshsha ayyaanay ha wodiyan nuna waati maaddii? (Daannata 14:6; 15:14; Zakkaariyaasa 4:6; Oosuwaa 4:​31)

3. Daannata 16:​18-31 nabbaba.

   Iita laggetettay Samssoona waatidi qohidee? Nuuni hegaappe ay tamaariyoo? (Daannata 16:​18, 19; 1 Qoronttoosa 15:⁠33)

Taarikiyaa 55

1. Misiliyan deˈiya guutta naˈaa sunttay oonee? Hankkootishin oonee?

2. Haanna issi gallassi Yihoowa dunkkaaniyaa biido wode woygada woossadee? Yihooway i woosaa waati zaaridee?

3. Yihoowa dunkkaaniyan oottana mala Sameela efiyo wode, assi layttay aappunee? A aayyiyaa layttan layttan ayyo ay oottay?

4. Eela attuma naatu sunttay oonee? Eti ay mala asee?

5. Yihooway Sameela waatidi xeesidee? Ayyo I ayba kiita yootidee?

6. Sameeli diccidi ayba gididee? I cimido wode hanidabay aybee?

Gujo oyshata:

1. Koyro Sameela 1:​1-​28 nabbaba.

   1. Ba soo asaassi aawatiya uri ba soo asaa tumu haymaanootiyan kaalettiyoogan, Hilqqaani ayba lo”o leemiso gididee? (1 Sameela 1:​3, 21; Maatiyoosa 6:​33; Piliphphisiyuusa 1:​10)

   2. Deexo metoy gakkiyo wode waati aattanaakko, Haanni leemisuwaappe ayba timirtte demmana danddayiyoo? (1 Sameela 1:​10, 11; Mazamure 55:22; Roome 12:⁠12)

2. Koyro Sameela 2:​11-​36 nabbaba.

   Eeli Yihoowappe aattidi ba naata waatidi bonchchidee? Hegee nuna seeriyaabaa gididoy aybiinee? (1 Sameela 2:​22-​24, 27, 29; Zaarettido Wogaa 21:​18-​21; Maatiyoosa 10:​36, 37)

3. Koyro Sameela 4:​16-​18 nabbaba.

   Olaa dembbaappe yiida oyddu macaray deˈiyo azzanttiya kiitay aybee? Hegee Eeli wananaadan oottidee?

4. Koyro Sameela 8:​4-9 nabbaba.

   Israaˈeeleti Yihoowa waatidi keehippe azzanttidonaa? Nuuni ha wodiyan ammanettidaageeta gididi a Kawotettaa waati kaafana danddayiyoo? (1 Sameela 8:​5, 7; Yohaannisa 17:16; Yaaqooba 4:⁠4)

Taarikiyaa 56

1. Misiliyan, Sameeli ay oottii? Ayssi hegaadan oottii?

2. Yihooway Saaˈoola ayssi dosidee? I ay mala asee?

3. Saaˈoola naˈaa sunttay oonee? I ay oottidee?

4. Saaˈooli, Sameeli yiidi yarshshanaashin naagiyoogaa aggidi, kasetidi yarshshuwaa shiishshidoy aybissee?

5. Saaˈoolabaa yootiya taarikiyaappe ayba timirtte demmiyoo?

Gujo oyshata:

1. Koyro Sameela 9:​15-​21⁠nne 10:​17-​27 nabbaba.

   Amarida asati a karidi haasayido wode, Saaˈoola a ashkketettay yuushshi qoppennan tanggo ekkenna mala waatidi naagidee? (1 Sameela 9:​21; 10:​21, 22, 27; Leemiso 17:⁠27)

2. Koyro Sameela 13:​5-​14 nabbaba.

   Saaˈooli Gelggalan ayba nagaraa oottidee? (1 Sameela 10:8; 13:​8, 9, 13)

3. Koyro Sameela 15:​1-​35 nabbaba.

   1. Amaaleeqatu kawuwaa Agaagaara gayttidaban Saaˈooli ayba gita nagara oottidee? (1 Sameela 15:​2, 3, 8, 9, 22)

   2. Saaˈooli ba oottidabau ayba gaaso shiishshidee? Ba balaa hara asaa bolli waatidi wottidee? (1 Sameela 15:⁠24)

   3. Ha wodiyan nuna asi zoriyo wode, kaallana bessiyaabi aybee? (1 Sameela 15:​19-​21; Mazamure 141:5; Leemiso 9:​8, 9; 11:⁠2)

Taarikiyaa 57

1. Misiliyan deˈiya naˈaa sunttay oonee? I xala gidiyoogaa aybin eriyoo?

2. Daawiti deˈiyoy awaanee? A aawaa sunttaynne a aawaa aawaa sunttay oonee?

3. Sameeli Beeteliheemen deˈiya Isseya soo baanaadan Yihooway assi yootidoy aybissee?

4. Isseyi ba attuma naatuppe laappunata Sameelakko ehiin hanidabay aybee?

5. Daawita ehiin Yihooway Sameelassi woygidee?

Gujo oyshata:

1. Koyro Sameela 17:​34, 35 nabbaba.

   Ha hanotati Daawita xalatettaanne i Yihoowan zemppiyoogaa waatidi bessiyoonaa? (1 Sameela 17:⁠37)

2. Koyro Sameela 16:​1-​14 nabbaba.

   1. Yihooway 1 Sameela 16:7n yootidobay nuuni ubba asaa issi mala ogiyan xeellanaadaaninne asassi deˈiya hanota xallaa xeellidi pirddennaadan maaddiyoy aybiinee? (Oosuwaa 10:​34, 35; 1 Ximootiyoosa 2:⁠4)

   2. Issi urappe Yihooway ba ayyaanaa denttiichikko, he sohuwan iita ayyaanay woykko iitabaa oottiyo koshshay kumiyoogaa Saaˈoola leemisoy waatidi bessii? (1 Sameela 16:14; Maatiyoosa 12:​43-​45; Galaatiyaa 5:​16)

Taarikiyaa 58

1. Pilisxxeematu wogga adussa bitanee, Gooliyaadi Israaˈeeleta woygidi naassidee?

2. Gooliyaadi ay keena adussee? Kawuwaa Saaˈooli Gooliyaada woriya urassi ay immanau qaalaa gelidee?

3. Daawiti guutta naˈa gidiyo gishshau, i Gooliyaadaara olettana danddayennaagaa Saaˈooli assi yootin, Daawiti woygidee?

4. Daawiti Gooliyaadassi zaariiddi, Yihoowan ammanettiyoogaa waatidi bessidee?

5. Misiliyan ne beˈiyoogaadan, Daawiti Gooliyaada woranau ay oyqqidee? Hegaappe simmin Pilisxxeemati waanidonaa?

Gujo oyshata:

1. Koyro Sameela 17:​1-​54 nabbaba.

   1. Daawiti yayyennaadan oottidabi aybee? Nuuni waanidi aagaadan xalana danddayiyoo? (1 Sameela 17:​37, 45; Efisoona 6:​10, 11)

   2. Kiristtaaneeti kaaˈiyo woy allaxxiyo wodiyan, Gooliyaadaagaadan keesettana bessennay aybissee? (1 Sameela 17:8; Galaatiyaa 5:​26; 1 Ximootiyoosa 4:⁠8)

   3. Daawita haasayay i Xoossaa maaduwan ammanettiyoogaa bessiyoy aybiinee? (1 Sameela 17:​45-​47; 2 Hanidabaa Odiya 20:⁠15)

   4. Ha olay naa”u eqettiya olanchchatu giddon denddida ola gidennan, eeqatuuranne tumu Xoossaa Yihoowaara denddida ola gidiyoogaa ha taarikee waatidi bessii? (1 Sameela 17:​43, 46, 47)

   5. Tiyettidaageetuppe attidaageeti Yihoowan ammnettiyoogan, Daawita leemisuwaa kaallidoy aybiinee? (1 Sameela 17:37; Ermmaasa 1:​17-​19; Ajjuutaa 12:​17)

Taarikiyaa 59

1. Saaˈooli Daawita qanaatidoy aybissee? SHin Saa⁠ˈoola naˈay Yonaataani dumma gididoy aybiinee?

2. Issi gallassi Daawiti Saaˈoolassi diittaa diixxishin aybi hanidee?

3. What does Saul say that David must do before he can take Saul’s daughter MiDaawiti Saaˈoola naˈiyo Miikaalo machchanau koyro ay oottana bessiyoogaa Saaˈooli yootidee? Saaˈooli hegaa giidoy aybissee?

4. Misiliyan beettiyaagaadan, Daawiti Saaˈoolassi diittaa diixxishin, heezzantto wodiyau hanidabay aybee?

5. Miikaala Daawita shemppoy attanaadan waata maaddadee? Hegaappe simmin Daawiti laappun layttau waanana koshshidee?

Gujo oyshata:

1. Koyro Sameela 18:​1-​30 nabbaba.

   1. Yonaataani Daawita siiqido duuxxenna siiqoy ‘hara dorssatinne’ ‘amarida dorssa wudee’ issoy issuwaa siiqiyo siiquwaayyo waanidi leemiso gididee? (1 Sameela 18:1; Yohaannisa 10:⁠16; Luqaasa 12:32; Zakkaariyaasa 8:​23)

   2. Saaˈoola laattanay Yonaataana gidiyoogaa qoppiyo wode, 1 Sameela 18:4y Yonaataani kawo gidanau doorettidaagaassi haarettidoogaa waati qoncciyan bessii?

   3. Qanaatee wolqqaama nagaran yeggana danddayiyoogaa Saaˈoola leemisoy waati bessii? Hegee nuussi ayba seera oyqqidee? (1 Sameela 18:​7-9, 25; Yaaqooba 3:​14-​16)

2. Koyro Sameela 19:​1-​17 nabbaba.

   Yonaataani Saaˈoolaara gayttido wode, waanidi bana metuwan yeggana danddayiyaaba hanidee? (1 Sameela 19:⁠1, 4-6; Leemiso 16:14)

Taarikiyaa 60

1. Misiliyan, Daawitakko gayttanau yiya maccaasee sunttay oonee? A ay mala asee?

2. Naabaali oonee?

3. Naabaali baassi kehanaadan Daawiti ba asatuppe amaridaageeta akko kiittidoy aybissee?

4. Naabaali Daawita asatussi woygidee? Daawiti hegau ay zaaro immidee?

5. Abigaala eranchcha asa gidiyoogaa waata bessadee?

Gujo oyshata:

1. Koyro Sameela 22:​1-4 nabbaba.

   Daawitantta so asay Kiristtaane ishatettan issoy issuwaa kaafana bessiyoogau ayba lo”o leemiso gidiyaaba oottidonaa? (Leemiso 17:17; 1 Tasalonqqe 5:​14)

2. Koyro Sameela 25:​1-​43 nabbaba.

   1. Naabaali asa keehi toochchiya asa gididi qonccidoy aybissee? (1 Sameela 25:​2-5, 10, 14, 21, 25)

   2. Ha wodiyan Kiristtaane machchoti Abigaali leemisuwaappe ay tamaarana danddayiyoonaa? (1 Sameela 25:​32, 33; Leemiso 31:26; Efisoona 5:⁠24)

   3. Abigaala, Daawiti ayba naa”u iita oosotuppe naagettanaadan oottadee? (1 Sameela 25:​31, 33; Roome 12:​19; Efisoona 4:⁠26)

   4. Abigaala yootidobau Daawiti zaarido zaaroy ha wodiyan attuma asay macca asaa Yihoowagaadan xeellana mala waatidi maaddii? (Oosuwaa 21:​8, 9; Roome 2:​11; 1 PHeexiroosa 3:⁠7)

Taarikiyaa 61

1. Saaˈooli qammi shemppidosan xiskkidaashin, Daawitinne Abishaayi ay oottidonaa?

2. Daawiti Saaˈoola ay oychchidee?

3. Daawiti Saaˈoolappe shaakettidi au biidee?

4. Daawiti keehi azzanidi issi qarettiya zilaassaa xaafanaadan oottiday aybee?

5. Kebroonan kawotiyo wode Daawitassi layttay aappunee? A naatuppe amaridaageetu sunttay oonee?

6. Takkidi Daawiti awan kawo gididi haaridee?

Gujo oyshata:

1. Koyro Sameela 26:​1-​25 nabbaba.

   1. Daawiti 1 Sameela 26:11n haasayidobay, tiˈokiraase kaaletuwau ayba xeelay deˈana bessiyoogaa qonccissii? (Mazamure 37:7; Roome 13:⁠2)

   2. Kehatetta-siiquwaa bessanau nuuni wozanappe baaxetishin, harati hegaa xaasayiyaabaa gidikko, Daawiti 1 Sameela 26:23n haasayidobay lo”o xeelaa oyqqidi deˈanaadan nuna waatidi maaddana danddayii? (1 Kawotu 8:​32; Mazamure 18:⁠20)

2. Naa”antto Sameela 1:​26 nabbaba.

   Ha wodiyan Kiristtaaneti Daawitanne Yonaataanaagaadan ‘issoy issuwaara wozanappe siiqettiyoogaa’ waatidi dichchana danddayiyoonaa? (1 PHeexiroosa 4:⁠8; Qolaasiyaasa 3:​14; 1 Yohaannisa 4:​12)

3. Naa”antto Sameela 5:​1-​10 nabbaba.

   1. Daawiti aappun layttau kawotidee? I haarido wodee naa”usan waani shaahettidee? (2 Sameela 5:​4, 5)

   2. Daawita minotettaayyo gaasoy aybee? Hegee ha wodiyan nuuni ay hassayanaadan maaddii? (2 Sameela 5:​10; 1 Sameela 16:13; 1 Qoronttoosa 1:​31; Piliphphisiyuusa 4:​13)

Taarikiyaa 62

1. Yihooway maaddin, Kanaane biittay wurssettan waanidee?

2. Issi gallassi omarssan Daawiti ba kawo keettaa bolli dembbayidi oottidosan deˈishin hanidabi aybee?

3. Yihooway Daawita bolli keehippe yiillotidoy aybissee?

4. Ha misiliyan beˈiyoogaadan, Daawitayyo a nagaraa yootana mala Yihooway akko oona kiittidee? He bitanee Daawita bolli aybi gakkanaagaa yootidee?

5. Daawiti ayba metuwaa beˈidee?

6. Daawitappe simmin Israaˈeele kawo gididay oonee?

Gujo oyshata:

1. Naa”antto Sameela 11:​1-​27 nabbaba.

   1. Yihoowa oosuwaa azallennan oottiyoogee nuussi naago gididoy aybiinee?

   2. Daawiti nagaran waani kunddana danddayidee? Hegee ha wodiyan deˈiya Yihoowa ashkkaratussi ayba seera oyqqidee? (2 Sameela 11:2; Maatiyoosa 5:​27-29; 1 Qoronttoosa 10:12; Yaaqooba 1:​14, 15)

2. Naa”antto Sameela 12:​1-​18 nabbaba.

   1. Naataani Daawita zorido ogiyaappe gubaaˈe cimatinne yelidaageeti ayba timirtte demmana danddayiyoonaa? 2 Sameela 12:​1-4; Leemiso 12:18; Maatiyoosa 13:⁠34)

   2. Yihooway Daawita nagaraa atto giidoy aybissee? (2 Sameela 12:13; Mazamure 32:5; 2 Qoronttoosa 7:​9, 10)

Taarikiyaa 63

1. Yihooway Solomona ay oychchidee? I woygidi zaaridee?

2. Yihooway Solomoni oychchidoban ufayttido gishshau, assi ay immanau qaalaa gelidee?

3. Naa”u maccaasati Solomonakko ayba deexo meto ekkidi yiidonaa?

4. Neeni misiliyan beˈiyoogaadan, Solomoni he metuwaa waatidi giigissidee?

5. Solomoni haarido wodee ay malee? Hegaadan hanidoy aybissee?

Gujo oyshata:

1. Koyro Kawotu 3:​3-​28 nabbaba.

   1. Ha wodiyan Xoossaa dirijjitiyan aawatetti imettido attumaasati, Solomoni 1 Kawotu 3:7n wozanappe woossido woosaappe ayba timirtte demmana danddayiyoonaa? (Mazamure 119:105; Leemiso 3:​5, 6)

   2. Woossanau bessiyaabata xeelliyaagan, Solomona oyshay lo”o leemiso gididoy aybiinee? (1 Kawotu 3:​9, 11; Leemiso 30:​8, 9; 1 Yohaannisa 5:⁠14)

   3. Solomoni naa”u maccaasatu giddon merettida palamaa giigissido ogee, Solomonappe Aadhdhiya Yesuus Kiristtoosi sinttappe haariyo wode aybi hananaagaa nuuni ammanettanaadan oottii? (1 Kawotu 3:​28; Isiyaasa 9:​6, 7; 11:​2-4)

2. Koyro Kawotu 4:​29-​34 nabbaba.

   1. Solomoni akeeka wozanaa immanaadan Yihoowa woossin, Yihooway ay zaaridee? (1 Kawotu 4:​29)

   2. Solomona eratettaa siyanau asay daafurido daafuraa beˈiyo wode, Xoossaa Qaalaa xannaˈiyoogaa nuuni aybidan xeellana bessii? (1 Kawotu 4:​29, 34; Yohaannisa 17:3; 2 Ximootiyoosa 3:​16)

Taarikiyaa 64

1. Solomoni Yihoowa beeta maqidasiyaa keexxi polanau aappun laytta ekkidee? Hegee daro miishshaa wurssidoy aybissee?

2. Beeta maqidasiyan deˈiya waanna kifileti aappunee? Giddo kifiliyan ay wottidonaa?

3. Beeta maqidasee keexetti wurido wode Solomoni woygidi woossidee?

4. Yihooway Solomona woosan ufayttidoogaa waatidi bessidee?

5. Solomona machchoti a ay ootissidonaa? Solomoni waanidee?

6. Yihooway Solomona bolli ayssi yiillotidee? Yihooway a woygidee?

Gujo oyshata:

1. Koyro Hanidabaa Odiya 28:​9, 10 nabbaba.

   Daawiti 1 Hanidabaa Odiya 28:​9, 10n haasayidoogaa beˈiyo wode, nuuni galla galla minnidi ay oottana koshshii? (Mazamure 19:14; Piliphphisiyuusa 4:​8, 9)

2. Naa”antto Hanidabaa Odiya 6:​12-​21, 32-​42 nabbaba.

   1. Ubbaappe Xoqqa Xoossaassi asi keexxido keetti gidana danddayennaagaa, Solomoni waati qonccissidee? (2 Hanidabaa Odiya 6:​18; Oosuwaa 17:​24, 25)

   2. Solomoni 2 Hanidabaa Odiya 6:​32, 33n haasayidobay Yihoowabaa ay bessii? (Oosuwaa 10:​34, 35; Galaatiyaa 2:⁠6)

3. Naa”antto Hanidabaa Odiya 7:​1-5 nabbaba.

   Yihoowa bonchchuwaa beˈidoogee Israaˈeele naati a sabbanaadan eta denttettidoogaadan, ha wodiyan Yihooway ba asaa anjjidobata qoppiyo wode nuussi aybi siyettana bessii? (2 Hanidabaa Odiya 7:3; Mazamure 22:22; 34:1; 96:⁠2)

4. Koyro Kawotu 11:​9-​13 nabbaba.

   Wurssettaa gakkanaashin ammanettiyoogee keehi koshshiyoogaa Solomona deˈoy waatidi bessii? (1 Kawotu 11:​4, 9; Maatiyoosa 10:22; Ajjuutaa 2:​10)

Taarikiyaa 65

1. Misiliyan deˈiya naa”u asatu sunttay oonee? Eti ay oottiya asee?

2. Akiiyi ba maayido maayuwaa waatidee? Hegau birshshettay aybee?

3. Solomoni Iyyorbbaama waatanau koyidee?

4. Asay Iyyorbbaama tammu zaretu bolli kawoyidoy aybissee?

5. Iyyorbbaami worqqaappe naa”u marata medhdhidoy aybissee? Hegaappe simmidi gam”ennan Israaˈeele biittay waanidee?

6. Naa”u zaretu kawotettaynne Yerusalaamen deˈiya Yihoowa beeta maqidasee waanidee?

Gujo oyshata:

1. Koyro Kawotu 11:​26-​43 nabbaba.

   Iyyorbbaami ay mala asee? I Xoossaa higgiyaa naagiyaabaa gidikko, Yihooway assi ay oottanau qaalaa gelidee? (1 Kawotu 11:​28, 38)

2. Koyro Kawotu 12:​1-​33 nabbaba.

   1. Aawatettaa bessenna ogiyan goˈettiyoogaa xeelliyaagan, Yelidaageetinne gubaaˈe cimati Robiˈaama iita leemisuwaappe ay tamaarana danddayiyoonaa? (1 Kawotu 12:13; Eranchchaa 7:7; 1 PHeexiroosa 5:⁠2, 3)

   2. Ha wodiyan deˈiya yelagati bantta deˈuwan deexo kuushshaa kuuyiyo wode, ammanttiya kaaleto demmanau ookko xeellana bessii? (1 Kawotu 12:​6, 7; Leemiso 1:​8, 9; 2 Ximootiyoosa 3:​16, 17; Ibraawe 13:⁠7)

   3. Marassi goynniyo naa”u sohuwaa giigissanaadan Iyyorbbaama denttettiday aybee? Hegee Yihoowa bolli keehi ammano xayidoogaa bessidoy aybiinee? (1 Kawotu 11:​37; 12:​26-​28)

   4. Tammu zaretu kawotettaa asay, tumu goynuwaa bolli makkalanaadan denttettiday oonee? (1 Kawotu 12:​32, 33)

Taarikiyaa 66

1. Elzzaabeela oonee?

2. Kawuwaa Akaabi issi galla aybissi azzanidee?

3. Elzzaabeela Naabute woyniyaa gadiyaa ba azinaa Akaabassi immanau ay oottadee?

4. Yihooway Elzzaabeelo qaxxayanau oona kiittidee?

5. Neeni misiliyan beˈiyoogaadan, Yeehu Elzzaabeeli kawo keettaa gakkiyo wode aybi hanidee?

Gujo oyshata:

1. Koyro Kawotu 16:​29-​33⁠nne 18:​3, 4 nabbaba.

   Kawuwaa Akaaba wode Israaˈeelen ubbabay ay keena iitee? (1 Kawotu 14:⁠9)

2. Koyro Kawotu 21:​1-​16 nabbaba.

   1. Naabutee xalatettaanne Yihoowan ammanettiyoogaa waatidi bessidee? (1 Kawotu 21:​1-3; Wogaabaa 25:​23-​28)

   2. Asi nuna azzanttiyo wode waati dandday aattanaakko Akaabappe ay tamaariyoo? (1 Kawotu 21:4; Roome 5:​3-5)

3. Naa”antto Kawotu 9:​30-​37 nabbaba.

   Yeehu Yihoowa sheniyaa polanau mishettoogaappe ay tamaarana danddayiyoo? (2 Kawotu 9:​4-​10; 2 Qoronttoosa 9:​1, 2; 2 Ximootiyoosa 4:⁠2)

Taarikiyaa 67

1. Yoosaafixi oonee? I deˈidoy audee?

2. Israaˈeeleti ayssi yayyidonaa? Etappe daroti ay oottidonaa?

3. Yoosaafixa woosaa Yihooway woygidi zaaridee?

4. Yihooway olaappe kase aybi hananaadan oottidee?

5. Yoosaafixappe ayba timirtte demmana danddayiyoo?

Gujo oyshata:

1. Naa”antto Hanidabaa Odiya 20:​1-​30 nabbaba.

   1. Xoossaassi ammanettida ashkkarati, yashshiyaabi merettiyo wode oottana bessiyaabaa, Yoosaafixi waatidi bessidee? (2 Hanidabaa Odiya 20:12; Mazamure 25:15; 62:⁠1)

   2. Yihooway ba asaa haasayissiyo wode ubban etaara gayttiyo ogiyaa goˈettido gishshau, ha wodiyan i gayttanau goˈettiyo ogee aybee? (2 Hanidaba Odiya 20:​14, 15; Maatiyoosa 24:​45-​47; Yohaannisa 15:⁠15)

   3. ‘Ubbaappe Wolqqaama Xoossaa gita gallassaa olaa’ Xoossay doommiyo wode, nuuni deˈana hanotay Yoosaafixaagaa mala gidanay aybiinee? (2 Hanidabaa Odiya 20:​15, 17; 32:8; Ajjuutaa 16:​14, 16)

   4. Leewa zaretuugaadan, ha wodiyan aqinynyetinne misoonaaweti saˈa ubban sabbakiyo oosuwan ay maado oottiiddi deˈiyoonaa? (2 Hanidabaa Odiya 20:​19, 21; Roome 10:​13-​15; 2 Ximootiyoosa 4:⁠2)

Taarikiyaa 68

1. Misiliyan deˈiya heezzu asati oonee? Guutta naˈay waanidee?

2. Naˈaa xeelliyaagan Eelaasi woygidi woossidee? Hegaappe aybi hanidee?

3. Eelaasa maaddiya bitaniyaa sunttay oonee?

4. Elssaaˈi SHuneema maccaasee soo xeesettidi biidoy aybissee?

5. Elssaaˈi ay oottidee? Hayqqida naˈay waanidee?

6. Eelaasanne Elssaaˈa goˈettidi oottidoogaadan, Yihoowassi ay oottiyo wolqqay deˈii?

Gujo oyshata:

1. Koyro Kawotu 17:​8-​24 nabbaba.

   1. Eelaasa ammanoynne i azazettiyaagaa gidiyoogee waani paacettidee? (1 Kawotu 17:9; 19:​1-4, 10)

   2. Siraafitan deˈiya am”ee ammanoy wolqqaama gididoy aybiinee? (1 Kawotu 17:​12-​16; Luqaasa 4:​25, 26)

   3. Siraafita am”iyo gakkidabay, Yesuusi Maatiyoosa 10:​41,42n haasayido qaalaa tumatettaa waatidi bessii? (1 Kawotu 17:​10-​12, 17, 23, 24)

2. Naa”antto Kawotu 4:​8-​37 nabbaba.

   1. Imattaa mokkiyoogan, Siraafita maccaaseeppe nuuni ay tamaariyoo? (2 Kawotu 4:8; Luqaasa 6:​38; Roome 12:13; 1 Yohaannisa 3:​17)

   2. Ha wodiyan nuuni Xoossaa ashkkaratussi ayba ogetun kehatettaa bessana danddayiyoo? (Oosuwaa 20:35; 28:​1, 2; Galaatiyaa 6:​9, 10; Ibraawe 6:​10)

Taarikiyaa 69

1. Misiliyan deˈiya guutta naˈiyaa maccaaseessi ay yootaydda deˈay?

2. Misiliyan deˈiya maccaasiyaa oonee? Guutta naˈiyaa maccaasee son ay oottay?

3. Elssaaˈi ba ashkkaray Naaˈimaanassi ay yootanaadan odidee? Naaˈimaani ayssi yiillotidee?

4. Naaˈimaani ba ashkkarati giidoogaa siyido wode aybi hanidee?

5. Elssaaˈi Naaˈimaana imotaa ixxis giidoy aybissee? SHin Gehaazi ay oottidee?

6. Gehaazi waanidee? Nuuni hegaappe ay tamaariyoo?

Gujo oyshata:

1. Naa”antto Kawotu 5:​1-​27 nabbaba.

   1. Israaˈeeleppe biida guutta naˈiyaa oottido leemiso gidiyabi, ha wodiyan yelagata waatidi minttettana danddayii? (2 Kawotu 5:3; Mazamure 8:2; 148:​12, 13)

   2. Geeshsha Maxaafaappe nuussi zoree emettiyo wode, Naaˈimaana leemisuwaa akeekiyoogee lo”o gididoy aybissee? (2 Kawotu 5:​15; Ibraawe 12:​5, 6; Yaaqooba 4:⁠6)

   3. Elssaaˈa leemisuwaa Gehaazaagaara gatti xeelliyo wode, ayba timirtte tamaarana danddayiyoo? (2 Kawotu 5:​9, 10, 14-​16, 20; Maatiyoosa 10:8; Oosuwaa 5:​1-5; 2 Qoronttoosa 2:​17)

Taarikiyaa 70

1. Yoonaasi oonee? I ay oottana mala Yihooway assi yootidee?

2. Yihooway yootido sohuwaa Yoonaasi baanau koyibeenna gishshau ay oottidee?

3. Yoonaasi abbay woppu gaana mala, markkabiyaa laaggiyaageeti ay oottanaadan yootidee?

4. Misiliyan neeni beˈiyoogaadan, Yoonaasi haattan muukettiiddi biishin aybi hanidee?

5. Yoonaasi wogga moliyaa uluwan woqqa wodiyau takkidee? Yan deˈiiddi ay oottidee?

6. Yoonaasi wogga moliyaa uluwaappe kiyi simmidi au biidee? Hegee nuna ay tamaarissii?

Gujo oyshata:

1. Yoonaasa 1:​1-​17 nabbaba.

   Qoncciyan beettiyaagaadan, Nanawe katamaa asatussi sabbakanau kiitettidoogan, Yoonaasassi aybi siyettidee? (Yoonaasa 1:​2, 3; Leemiso 3:7; Eranchchaa 8:​12)

2. Yoonaasa 2:​1, 2, 10 nabbaba.

   Yoonaasa gakkidabay, Yihooway nu woosaa zaaranaagaa nuuni ammananaadan waati oottii? (Mazamure 22:24; 34:6; 1 Yohaannisa 5:​14)

3. Yoonaasa 3:​1-​10 nabbaba.

   1. Yoonaasi ba kiitettido oosuwaa koyro polibeennaba gidikkonne, Yihooway an goˈettiyoogaa aggibeennaagaappe ayba minttetto demmiyoo? (Mazamure 103:14; 1 PHeexiroosa 5:​10)

   2. Nanawe asaa xeelliyaagan Yoonaasa gakkidabay, nuuni haggaaziyoosan deˈiya asay ay malakko kasetidi pirddenna mala nuna ay tamaarissii? (Yoonaasa 3:​6-9; Eranchchaa 11:6; Oosuwaa 13:⁠48)

Taarikiyaa 71

1. Isiyaasi oonee? I deˈidoy audee? Yihooway a ay bessidee?

2. “Gannate” giyo qaalaa birshshettay aybee? Hegee neeni ay hassayanaadan oottii?

3. Isiyaasassi ooratta gannatiyaabaa ay xaafanaadan Yihooway yootidee?

4. Addaameenne Hewaana bantta deˈiyo lo”iya gannatiyaa ayssi digettidonaa?

5. Yihooway bana siiqiyaageetussi ayba qaala gelidee?

Gujo oyshata:

1. Isiyaasa 11:​6-9 nabbaba.

   1. Xoossaa Qaalay ooratta alamiyan asaanne doˈaa giddon deˈana sarotettaa waatidi bessii? (Mazamure 148:​10, 13; Isiyaasa 65:25; Hizqqeela 34:⁠25)

   2. Ha wodiyan Yihoowa asaa giddon ayyaana hanotan Isiyaasa qaalay waanidi polettiiddi deˈii? (Roome 12:2; Efisoona 4:​23, 24)

   3. Ha wodiyan gidin woy ooratta alamiyan asaa asatettay woykko hanotay laamettiyoogan bonchchetana bessiyay oonee? (Isiyaasa 48:​17, 18; Galaatiyaa 5:​22, 23; Piliphphisiyuusa 4:⁠7)

2. Ajjuutaa 21:​3, 4 nabbaba.

   1. Xoossay asaara deˈanaagee leemisoppe attin asaassi i beettennaagaa, Geeshsha Maxaafay waatidi bessii? (Wogaabaa 26:​11, 12; 2 Hanidabaa Odiya 6:​18; Isiyaasa 66:1; Ajjuutaa 21:​2, 3, 22-​24)

   2. Aybau afuxxiyo afuttaynne sahoy xayanee? (Luqaasa 8:​49-​52; Roome 8:​21, 22; Ajjuutaa 21:⁠4)

Taarikiyaa 72

1. Misiliyan deˈiya bitanee oonee? I daro metuwan gelidoy aybiinee?

2. Hizqqiyaasi Xoossaa sinttan miccidoogeeti ayba dabddaabbetee? Hizqqiyaasi woygidi woossidee?

3. Hizqqiyaasi ay mala kawoo? Yihooway hananabaa yootiya Isiyaasa baggaara ayyo woygiya kiita kiittidee?

4. Misiliyan beˈiyoogaadan, Yihoowa kiitanchchay Asooreta waatidee?

5. Naa”u zaretu kawotettay guutta wodiyau saruwan deˈidabaa gidikkonne, Hizqqiyaasi hayqqi simmin aybi hanidee?

Gujo oyshata:

1. Naa”antto Kawotu 18:​1-​36 nabbaba.

   1. Asooretu suntta gidida bitanee Israaˈeeletu ammanuwaa waatidi leppissana koyidee? (2 Kawotu 18:​19, 21; Kessaabaa 5:2; Mazamure 64:⁠3)

   2. Yihoowa Markkati gaaddettiyaageetuura gayttiyo wodiyan Hizqqiyaasa leemisuwaa waatidi kaalliyoonaa? (2 Kawotu 18:36; Mazamure 39:1; Leemiso 26:4; 2 Ximootiyoosa 2:​24)

2. Naa”antto Kawotu 19:​1-​37 nabbaba.

   1. Ha wodiyan deˈiya Yihoowa asay metuwaa wode waanidi Hizqqiyaasa malatiyoonaa? (2 Kawotu 19:​1, 2; Leemiso 3:​5, 6; Ibraawe 10:​24, 25; Yaaqooba 5:​14, 15)

   2. Kawuwaa Sanaakireebi ayba heezzu ogiyan xoonettidee? Abay o hanotaassi malaata gidii? (2 Kawotu 19:​32, 35, 37; Ajjuutaa 20:​2, 3)

3. Naa”antto Kawotu 21:​1-6, 16 nabbaba.

   Minaasee Yerusalaamen kawotida keehi iita kawotuppe issuwaa geetettana danddayiyoy aybissee? (2 Hanidabaa Odiya 33:⁠4-6, 9)

Taarikiyaa 73

1. Yoosiyaasi Kawotiyo wode assi layttay aappunee? Kawotoosappe laappun laytta gidiyo wode i ay oottiyoogaa doommidee?

2. Yoosiyaasi koyro misiliyan ay oottishin beˈay?

3. Asati beeta maqidasiyaa bottokonishin qeese ubbatu halaqay ay demmidee?

4. Yoosiyaasi ba maayuwaa ayssi pooshshidee?

5. Hananabaa yootiya Huldda Yoosiyaasassi Yihoowappe yiida ayba kiita kiittadee?

Gujo oyshata:

1. Naa”antto Hanidabaa Odiya 34:​1-​28 nabbaba.

   1. Geella naatetta layttan iita wodiyaa genccidi aattidaageetussi Yoosiyaasi aybin leemiso gidii? (2 Hanidabaa Odiya 33:​21-​25; 34:​1, 2; Mazamure 27:⁠10)

   2. Yoosiyaasi kawotido 8tta, 12ttanne 18tta layttan tumu goynuwaa dichchiya ayba gita ooso oottidee? (2 Hanidabaa Odiya 34:​3, 8)

   3. Nu goynuwaa sohuwaa tunissana danddayiyaabaappe naagiyoogan Kawuwaa Yoosiyaasappenne Qeese Ubbaa Halaqaa Hilqqiyappe ay timirtte demmiyoo? (2 Hanidabaa Odiya 34:​9-​13; Leemiso 11:14; 1 Qoronttoosa 10:⁠31)

Taarikiyaa 74

1. Misiliyan deˈiya yelaga bitanee oonee?

2. Hananabaa yootiyaagaa gidanaadan Ermaasassi odettin, ayyo aybi siyettidee? SHin Yihooway assi ay yootidee?

3. Ermmaasi asaassi zaari zaaridi yootiido kiitay woygiyaagee?

4. Ermaasi yootiyoogaa esissanau koyidi qeeseti waatidonaa? SHin i yayyennaagaa waati bessidee?

5. Israaˈeeleti bantta iita oosuwaa aggennan ixxin aybi hanidee?

Gujo oyshata:

1. Ermmaasa 1:​1-8 nabbaba.

   1. Ermmaasa leemisoy bessiyoogaadan, issi asi Yihoowayyo oottiyaagaa gidanaadan danddayissiyay aybee? (2 Qoronttoosa 3:​5, 6)

   2. Ha wodiyan deˈiya yelaga Kiristtaaneta Ermmaasa leemisoy waati minttetii? (Eranchchaa 12:1; 1 Ximootiyoosa 4:​12)

2. Ermmaasa 10:​1-5 nabbaba.

   Eeqatun ammanettiyoogee eeyyatetta gidiyoogaa bessanau, Ermmaasi ayba wolqqaama leemisuwaa go⁠ˈettidee? (Ermmaasa 10:5; Isiyaasa 46:7; Imbbaaqooma 2:⁠19)

3. Ermmaasa 26:​1-​16 nabbaba.

   1. Ha wodiyan deˈiya ayyaanan tiyettidaageetuppe attidaageeti seeraa kiitaa sissiiddi, ‘issi qaalanne ashshennan yootanaadan’ Yihooway Ermmaasa azazidoogaa waatidi naagidonaa? (Ermmaasa 26:2; Zaarettido Wogaa 4:2; Oosuwaa 20:27)

   2. Ha wodiyan dere ubbaassi Yihoowa seeraa yootiyoogan, Ermmaasi Yihoowa Markkatussi ayba lo”o leemiso gididee? (Ermmaasa 26:​8, 12, 14, 15; 2 Ximootiyoosa 4:​1-5)

4. Naa”antto Kawotu 24:​1-​17 nabbaba.

   Yihudaa asay Yihoowassi ammanettibeenna gishshau, ayba azzanttiyaabi gakkidee? (2 Kawotu 24:​2-4, 14)

Taarikiyaa 75

1. Misiliyan deˈiya oyddu naati oonee? Eti Baabiloone ayssi biidonaa?

2. Naabukadanaxoori ha oyddu naata waatana koyidee? Ba ashkkarata woygidi azazidee?

3. Daaneeli inne a heezzu laggeti maanabaanne uyanabaa xeelliyaagan ay oychchidee?

4. Tammu gallassaassi ataakilttiyaa mi takkidi, Daaneelinne a heezzu laggeti hara yelaga naatuppe waanidi beettidonaa?

5. Daaneelinne a heezzu laggeti waanidi kawo keetta biidonaa? Eti qeesetuppenne eranchchatuppe aadhdhidoy aybiinee?

Gujo oyshata:

1. Daaneela 1:​1-​21 nabbaba.

   1. Nuuni paacciyaabaappe naagettanaunne guyye giissiyaabaa xoonanau ay mala baaxiya baaxetana koshshii? (Daaneela 1:8; Doomettaa 39:​7, 10; Galaatiyaa 6:⁠9)

   2. Ha wodiyan deˈiya yelaga naati, harati ishalissiyaaba giidi qoppiyooban oyqettanu ayba ogiyan paacettana woy sugettana danddayiyoonaa? (Daaneela 1:8; Leemisuwaa 20:1; 2 Qoronttoosa 6:⁠17–7:⁠1)

   3. Geeshsha Maxaafan deˈiya oyddu Ibraawe yelaga naatu taarikee, timirttiyaa eratettaa demmiyoogan ay akeekanaadan maaddii? (Daaneela 1:​20; Isiyaasa 54:13; 1 Qoronttoosa 3:​18-​20)

Taarikiyaa 76

1. Misiliyan beˈiyoogaadan, Yerusalaame katamaa bollinne Israaˈeeletu bolli aybi gakkiiddi deˈii?

2. Hizqqeeli oonee? Yihooway a ayba daganttiyaabaa bessidee?

3. Israaˈeeleti Yihoowa bonchchenna gishshau, i waatanaagaa caaqqidee?

4. Israaˈeeleti a bolli makkaloogaappe guyyiyan, Kawuwaa Nabukadanaxoori ay oottidee?

5. Yihooway Israaˈeeletu bolli ha wolqqaama bashshay gakkanaadan oottidoy aybissee?

6. Israaˈeele biittay waanidi asi baynnasaa gididee? Hegaadan hanidoy ay keena wodiyaassee?

Gujo oyshata:

1. Naa”antto Kawotu 25:​1-​26 nabbaba.

   1. Sedeqiyaasi oonee? I waanidee? Hegee Geeshaha Maxaafaa hiraagay polettanaadan oottidoy aybiinee? (2 Kawotu 25:​5-7; Hizqqeela 12:​13-​15)

   2. Israaˈeeleti ammano xayidi oottido ubbabau, Yihooway ooni oyshettanaadan oottiidee? (2 Kawotu 25:​9, 11, 12, 18, 19; 2 Hanidabaa Odiya 36:​14, 17)

2. Hizqqeela 8:​1-​18 nabbaba.

   Banttana Kiristtaane giyaageeti awa ayfiyau goynniya kaddida Israaˈeeleta milatidoy aybiinee? (Hizqqeela 8:​16; Isiyaasa 5:​20, 21; Yohaannisa 3:​19-​21; 2 Ximootiyoosa 4:⁠3)

Taarikiyaa 77

1. Baabiloone kawoy Nabukadanaxoori asaa woygidi azazidee?

2. Daaneela laggeti heezzay worqqa misiliyau goynnibeennay aybissee?

3. Nabukadanaxoori he heezzu Ibraaweti goynnanaadan haranttuwaakka azazin, eti Yihoowan ammanettiyoogaa waati bessidonaa?

4. Nabukadanaxoori Sidiraaqa, Misaaqanne Abddanaaga ba asati waatanaadan oottidee?

5. Nabukadanaxoori itoone tamaa giddo xeellidi ay beˈidee?

6. Kawoy Sidiraaqa, Misaaqanne Abddinaaga Xoossaa sabbidoy aybissee? Eti, nuussi leemiso gidiyaaba ay oottidonaa?

Gujo oyshata:

1. Daaneela 3:​1-​30 nabbaba.

   1. Suuretettaa naagiyoogan paacee gakkiyo wode, Xoossaa ashkkarati heezzu yelaga Ibraawetuugaa mala ayba qofaa oyqqana bessii? (Daaneela 3:​17, 18; Maatiyoosa 10:28; Roome 14:​7, 8)

   2. Xoossaa Yihooway ayba keehi koshshiya timirtte Nabukadanaxoora tamarissidee? (Daaneela 3:​28, 29; 4:​34, 35)

Taarikiyaa 78

1. Baabiloone kawoy wolqqaama gibraa kessidi, Yihoowa beeta maqidasiyaappe yiida wanccatanne sayneta goˈettido wode aybi hanidee?

2. Belshshaaxaari ba eranchcha asata woygidee? SHin eti ay oottana danddayibookkonaa?

3. Kawuwaa aayyiyaa ay oottana mala assi yootadee?

4. Daaneeli kawuwaassi yootidoogaadan, kushee godan xaafanaadan Xoossay kiittidoy aybissee?

5. Godaa bolli xaafettidabaa birshshetta Daaneeli waatidi qonccisidee?

6. Daaneeli yootiiddi deˈishin aybi hanidee?

Gujo oyshata:

1. Daaneela 5:​1-​31 nabbaba.

   1. Xoossaassi yayyiyoogee, Belshshaaxaari godan xaafettidaagaa beˈidi yayyido yashshaappe dummatiyo ogiyaa qonccissa. (Daaneela 5:​6, 7; Mazamure 19:9; Roome 8:​35-​39)

   2. Daaneeli Belshshaaxaarassinne a sunttatussi haasayiiddi, keehippe xala gidiyoogaa waati bessidee? (Daaneela 5:​17, 18, 22, 26-​28; Oosuwaa 4:​29)

   3. Daaneela shemppuwaa 5y ubbaappe bolla gidida Yihoowa maataa waatidi xoqqissidi bessii? (Daaneela 4:​17, 25; 5:​21)

Taarikiyaa 79

1. Daariyoosi oonee? I Daaneela aybidan xeellii?

2. Amarida qanaatiya asati Daariyoosa ay ootissidonaa?

3. Kiyida higgiyaabaa siyido wode Daaneeli waatidee?

4. Daariyoosi xiskko xayana gakkanaashin keehippe un”ettidoy aybissee? Wonttetta gallassi guuran i ay oottidee?

5. Daaneeli Daariyoosassi woygidi zaaridee?

6. Daaneela worana malida iita asati waanidonaa? Daariyoosi ba kawotettan deˈiya ubba asaassi woygidi xaafidee?

Gujo oyshata:

1. Daaneela 6:​1-​28 nabbaba.

   1. Daaneela bolli maqettido maqqoy, morkketi ha wodiyan Yihoowa Markkatu oosuwaa esissanau koyidi oottidobaa ay hassayissii? (Daaneela 6:7; Mazamure 94:20; Isiyaasa 10:1; Roome 8:​31)

   2. Xoossaa ashkkarati ha wodiyan “deriya heemmiyaageetuyyo” haarettiyoogan waanidi Daaneela milatana danddayiyoonaa? (Daaneela 6:​5, 10; Roome 13:1; Oosuwaa 5:​29)

   3. Yihoowayyo ‘ubbatoo goynniyoogan’ Daaneela leemisuwaa waanidi kaallana danddayiyoo? (Daaneela 6:​16, 20; Piliphphisiyuusa 3:​16; Ajjuutaa 7:​15)

Taarikiyaa 80

1. Misiliyan beˈiyoogaadan, Israaˈeeleti ay oottiiddi deˈiyoonaa?

2. Yihooway Isiyaasa baggaara yootido hiraagaa Qiiroosi waatidi polidee?

3. Yerusalaame simmana danddayenna Israaˈeeleti oottanaadan Qiiroosi yootidobay aybee?

4. Qiiroosi asay zaaridi Yerusalaame efaanaadan ay immidee?

5. Israaˈeeleti Yerusalaame gakkanau ay keena wodiyaa wurssidee?

6. Biittay asi baynna bayssa gididi takkidoy aappun layttaassee?

Gujo oyshata:

1. Isiyaasa 44:28⁠nne 45:​1-4 nabbaba.

   1. Qiiroosabaa odiya hiraagay polettiyoogee attennaagaa Yihooway waatidi tishshissi yootidee? (Isiyaasa 55:​10, 11; Roome 4:​17)

   2. Qiiroosa xeelliyaagan Isiyaasi yootido hiraagay sinttanaabaa yootanau Yihoowassi deˈiya abbiyaa waati bessii? (Isiyaasa 42:9; 45:21; 46:​10, 11; 2 PHeexiroosa 1:​20)

2. Izira 1:​1-​11 nabbaba.

   Yerusalaame simmana danddayibeennaageetu leemisuwaa kaallidi, ha wodiyan nuuni kumetta wodiyaa haggaaziyaageeta waatidi ‘maaddana’ danddayiyoo? (Izira 1:​4, 6; Roome 12:13; Qolasiyaasa 4:​12)

Taarikiyaa 81

1. Baabilooneppe Yerusalaame adussa ogiyaa hemettidi yiida asay aappunee? SHin eti gakkiyo wode Yerusalaamee waani uttidee?

2. Israaˈeeleti gakki simmidi, ay oottiyoogaa doommidonaa? SHin eta morkketi ay oottidonaa?

3. Haggeenne Zakkaariyaasi oonee? Eti asaassi ay yootidonaa?

4. Tattanaayi Baabiloone dabddaabbiyaa yeddidoy aybissee? Ayba zaaruwaa demmidee?

5. Xoossaa beeta maqidasiyaa bottokkonana bessiyoogaa erido wode Iziri ay oottidee?

6. Misiliyan, Iziri aybissi woossii? A woosay ay zaaro demmidee? Nuuni hegaappe ay tamaariyoo?

Gujo oyshata:

1. Izira 3:​1-​13 nabbaba.

   Nuuni deˈiyo heeran Xoossaa asaa gubaaˈee deˈennabaa gidikko, nuuni ay oottiyoogaa aggana bessennee? (Izira 3:​3, 6; Oosuwaa 17:​16, 17; Ibraawe 13:⁠15)

2. Izira 4:​1-7 nabbaba.

   Ammanuwaa koxxiyoogaa xeelliyaagan, Zerubaabeeli Yihoowa asaassi ayba leemiso gidiyabaa oottidee? (Kessaabaa 34:12; 1 Qoronttoosaa 15:33; 2 Qoronttoosaa 6:​14-​17)

3. Izira 5:​1-5, 17⁠nne 6:​1-​22 nabbaba.

   1. Beeta maqidasiyaa keexxiyo oosuwaa morkketi esissana danddayibeennay aybissee? (Izira 5:5; Isiyaasa 54:⁠17)

   2. Kiristtaane gubaaˈiyaa cimati gaaddetiya asaara gayttiyo wode, Yihoowa kaaletuwaa koyana mala, Ayhuda cima asati oottidobay waatidi minttettii? (Izira 6:​14; Mazamure 32:⁠8; Roome 8:​31; Yaaqooba 1:⁠5)

4. Izira 8:​21-​23, 28-​36 nabbaba.

   Issibaa oottanau doommanaappe kase, nuuni kaallanau lo”o leemiso gididabaa Iziri oottidoy aybee? (Izira 8:​23; Mazamure 127:1; Leemiso 10:22; Yaaqooba 4:​13-​15)

Taarikiyaa 82

1. Marddikiyoosinne Asttira oonee?

2. Kawuwaa Ahishawiroosi hara machcho aybissi koyidee? I oona dooridee?

3. Hamaani oonee? A keehi yiilloyidabi aybee?

4. Woygiya higgee kiyidee? Asttira Marddikiyoosappe yiida kiitaa siyada waatadee?

5. Hamaani waanidee? Marddikiyoosi waanidee?

6. Israaˈeeleti bantta morkketuppe waanidi attidonaa?

Gujo oyshata:

1. Asttiro 2:​12-​18 nabbaba.

   Asttira “ashkkenne woppu giida ayyaana” dichchiyoogee al”obaa gidi

2. Asttiro 4:​1-​17 nabbaba.

   Asttira tumu goynuwaa maaddiyo miikkiyaa demmidoogaadan, nuunikka ha wodiyan Yihoowayyo ammanettiyoogaanne a xallau aqidoogaa bessiyo ayba miikkiyaa demmidoo? (Asttiro 4:​13, 14; Maatiyoosa 5:​14-​16; 24:⁠14)

3. Asttiro 7:​1-6 nabbaba.

   Ha wodiyan Xoossaa asaappe unddennaageeti, Asttiriigaadan bantta bolli yedeta gattiyaaban waanidi xalidi gelidonaa? (Asttiro 7:4; Maatiyoosa 10:​16-​22; 1 PHeexiroosa 2:​12)

Taarikiyaa 83

1. Eta katamaa Yerusalaamen dirssi baynna gishshau, Israaˈeeletussi aybi siyettidee?

2. Nahimee oonee?

3. Nahimiyaa oosoy aybee? Hegee gita ooso gididoy aybiinee?

4. Nahimee azzananaadan oottiday aybee? I ay oottidee?

5. .Kawuwaa Arxxekssiisi Nahimiyaassi waatidi kehatettaa bessidee?

6. Israaˈeeletu morkketi oosuwaa esissenna mala, Nahimee asay oosuwaa waati oottanaadan azazidee?

Gujo oyshata:

1. Nahimiyaa 1:​4-6⁠nne 2:​1-​20 nabbaba.

   Nahimee Yihoowa kaaletuwaa waati koyidee? (Nahimiyaa 2:​4, 5; Roome 12:12; 1 PHeexiroosa 4:⁠7)

2. Nahimiyaa 3:​3-5 nabbaba.

   Taqoˈa katamaa asatubaynne ‘eta halaqatubay’ dummatiyo ogiyaa akeekidi, gubaaˈiyaa cimatinne gubaa⁠ˈiyan haggaaziyaageeti ay tamaarana danddayiyoonaa? (Nahimiyaa 3:​5, 27; 2 Tasalonqqe 3:​7-​10; 1 PHeexiroosa 5:⁠5)

3. Nahimiyaa 4:​1-​23 nabbaba.

   1. Israaˈeeleti banttana keehippe gaaddetiyaabi deˈishinkka, gimbbiyoogaa aggennaadan denttettidabi aybee? (Nahimiyaa 4:​6, 8, 9; Mazamure 50:15; Isiyaasa 65:​13, 14)

   2. Israaˈeeletu leemisoy ha wodiyan nuna ayba ogiyan minttettii?

4. Nahimiyaa 6:​15 nabbaba.

   Yerusalaame dirssaa gimbbee naa”u agina giddon oosetti wuridoogee ammanuwau deˈiya wolqqaabaa ay bessii? (Mazamure 56:​3, 4; Maatiyoosa 17:20; 19:⁠26)

Taarikiyaa 84

1. Misiliyan deˈiya maccaasiyaa oonee?

2. Gabreeli Mayraamissi ay yootidee?

3. Mayraama attuma asaara gaytta erennaba gidikkonne, a naˈa yelanaagaa Gabreeli issi waatidi qonccissidee?

4. Mayraama ba dabbiyo Elssaabeexo oychchanau biido wode hanidabay aybee?

5. Mayraama shahaaridoogaa Yooseefi eridi ay qoppidee? SHin i ba qofaa ayssi laammidee?

Gujo oyshata:

1. Luqaasa 1:​26-​56 nabbaba.

   1. Xoossaa Naˈaa deˈoy ayyaana alamiyaappe laamettanaadan hanidi Mayraami uluwan diccido wode, Addaame nagaray kaalettana danddayiyoobaa xeelliyaagan Luqaasa 1:​35y ay bessii? (Hagge 2:​11-​13; Yohaannisa 6:​69; Ibraawe 7:​26; 10:⁠5)

   2. Yesuusi yelettanaappe kasekka waanidi bonchchettidee? (Luqaasa 1:​41-​43)

   3. Mayraama ha wodiyan dumma haggaazo maata demmida Kiristtaanetussi ayba lo”o leemiso gidiyaaba oottadee? (Luqaasa 1:​38, 46-​49; 17:10; Leemiso 11:⁠2)

2. Maatiyoosa 1:​18-​25 nabbaba.

   Yesuusi Amaanu⁠ˈeela geetettidi sunttettibeennabaa gidikkonne, i saˈan deˈiyo wode oottidobay he sunttaa birshshettaa polidoogaa waati bessii? (Maatiyoosa 1:​22, 23; Yohaannisa 14:​8-​10; Ibraawe 1:​1-3)

Taarikiyaa 85

1. Misiliyan deˈiya guutta naˈay oonee? Mayraama a awan zin”issadee?

2. Yesuusi mehee aqiyoosan yelettidoy aybissee?

3. Misiliyan, mehee aqiyoosaa geliiddi deˈiya asati oonee? Kiitanchchay etassi ay yootidee?

4. Yesuusi dumma gididoy aybissee?

5. Yesuusi Xoossaa Naˈaa geetettana danddayiyoy aybissee?

Gujo oyshata:

1. Luqaasa 2:​1-​20 nabbaba.

   1. Kawuwaa Augisxxoosi Yesuusa yeletaara gayttida hiraagay polettanaadan ay oottidobi deˈii? (Luqaasa 2:​1-4; Mikiyaasa 5:⁠2)

   2. Issi asi waanidi ‘Xoossaa ufayssiya asata’ geetettiyaageetuppe issuwaa gidana danddayii? (Luqaasa 2:​14; Maatiyoosa 16:24; Yohaannisa 17:3; Oosuwaa 3:​19; Ibraawe 11:⁠6)

   3. Banttana kawushshiya Yihuda biittaa henttanchchati Ashshiyaagee yelettidoogan ufayttiyo gaasoy deˈikko, ha wodiyan deˈiya Xoossaa ashkkarati ufayttiyo hegaappe aadhdhiya ayba gaasoy deˈii? (Luqaasa 2:​10, 11; Efisoona 3:​8, 9; Ajjuutaa 11:15; 14:⁠6)

Taarikiyaa 86

1. Misiliyan deˈiya asati oonee? Etappe issoy issi keehippe pooˈiya xoolinttiyakko malaatiiddi deˈiyoy aybissee?

2. Kawuwaa Heroodisi ayssi dagammidee? I ay oottidee?

3. He keehippe pooˈiya xolinttee asata au kaalettidee? SHin eti hara ogiyaara bantta biitti simmidoy aybissee?

4. Heeroodisi woygidi azazidee? Ayssi azazidee?

5. Yooseefi ay oottanaadan Yihooway yootidee?

6. Ooratta xoolinttiyaa pooˈoy beettanaadan oottiday oonee? Hegaa ayssi oottidee?

Gujo oyshaa:

1. Maatiyoosa 2:​1-​23 nabbaba.

   Xoolinttiyaa qoodiyaageeti a beˈanau yiyo wode Yesuusa layttay aappunee? He wode i awan deˈii? (Maatiyoosa 2:​1, 11, 16)

Taarikiyaa 87

1. Ha misiliyan Yesuusi aappun laytta naˈee? I awan deˈii?

2. Yooseefi ba soo asaara layttan layttan ay oottii?

3. Soo biyoogaa doommido issi gallassappe guyyiyan, Yooseefinne Mayraama Yerusalaame guyye ayssi simmidonaa?

4. Yooseefinne Mayraama Yesuusa awan demmidonaa? Yan deˈiya asay ayssi garamettidee?

5. Yesuusi ba aayee Mayraamissi woygidee?

6. Xoossaabaa tamaariyoogan Yesuusa waani malatana danddayiyoo?

Gujo oyshata:

1. Luqaasa 2:​41-​52 nabbaba.

   1. Layttan layttan bonchchettiya baalan beettanaadan Higgee azaziyoy attuma asaa xalla gidikkonne, yelidaageeti Yooseefappenne Mayraamippe ay lo”o leemisuwaa demmiyoonaa? (Luqaasa 2:​41; Zaarettido Wogaa 16:16; 31:12; Leemiso 22:⁠6)

   2. Ha wodiyan deˈiya yelagati banttana yelidaageetussi azazettanaadan,Yesuusi ay mala lo”o leemiso gididee? (Luqaasa 2:​51; Zaarettido Wogaa 5:​16; Leemiso 23:22; Qolasiyaasa 3:​20)

2. Maatiyoosa 13:​53-​56 nabbaba.

   Geeshsha Maxaafaa giddon eta sunttay xeesettido Yesuusa ishantti oyddati oonee? Etappe naa”ati guyyeppe Kiristtaane gubaaˈiyan oottiyaageeta waanidi gidana danddayidonaa? (Maatiyoosa 13:​55; Oosuwaa 12:17; 15:​6, 13; 21:18; Galaatiyaa 1:​19; Yaaqooba 1:1; Yihudaa 1)

Taarikiyaa 88

1. Misiliyan deˈiya naa”u attuma asati oonee?

2. Issi asi waani xammaqettii?

3. Yohaannisi ay mala asata xammaqii?

4. Yesuusi ayba dumma gaasuwaassi bana xammaqanaadan Yohaannisa oychchidee?

5. Yesuusi xammaqettidoogan ufayttidoogaa Xoossay waati bessidee?

6. Yesuusi 40u gallassau asi baynnasaa biido wode hanidabay aybee?

7. Yesuusa koyro kaallidaageetuppe woykko erissiyo ashkkaratuppe amaridaageeti oonee? I oottido maalaalissiyaabatuppe koyroy aybee?

Gujo oyshata:

1. Maatiyoosa 3:​13-​17 nabbaba.

   Yesuusi ba erissiyo ashkkaratu ximqqatiyaa xeelliyaagan ayba leemiso gididee? (Mazamure 40:​7, 8; Maatiyoosa 28:​19, 20; Luqaasa 3:​21, 22)

2. Maatiyoosa 4:​1-​11 nabbaba.

   Yesuusi Geeshsha Maxaafaa eratettan goˈettido ogee, nuuni Geeshsha Maxaafaa ubbatoo nabbabanaadan waati minttettii? (Maatiyoosa 4:​5-7; 2 PHeexiroosa 3:​17, 18; 1 Yohaannisa 4:⁠1)

3. Yohaannisa 1:​29-​51 nabbaba.

   Xammaqiya Yohaannisi ba erissiyo ashkkarata ookko baanaadan oottidee? Ha wodiyan nuuni a waani malatanau danddayiyoo? (Yohaannisa 1:​29, 35, 36; 3:​30; Maatiyoosa 23:⁠10)

4. Yohaannisa 2:​1-​12 nabbaba.

   Yesuusi oottido maalaalissiya koyro oosoy, Yihooway Ba ashkkarata lo”obaa diggennaagaa waati bessidee? (Yohaannisa 2:​9, 10; Mazamure 84:11; Yaaqooba 1:​17)

Taarikiyaa 89

1. Meheti beeta maqidase giddon aybissi bayzettiyoonaa?

2. Yesuusa yiilloyidabay aybee?

3. Misiliyan neeni beˈiyoogaadan, Yesuusi ay oottii? Haraphpheta bayzziya asata woygi azazidee?

4. Yesuusa kaalliyaageeti i oottiyoobaa beˈidi ay hassayidonaa?

5. Yesuusi simmidi Galiila biyo wode, awa auraajjaara kanttidi biidee?

Gujo oyshata:

1. Yohaannisa 2:​13-​25 nabbaba.

   Yesuusi beeta maqidasiyan miishshaa laammiyaageetun yiillotidoogaa qoppiyo wode, Kawotettaa Adaraashshaa giddon miishshaara gayttidabaa oottiyoogan nuussi deˈana bessiya xeelay aybee? (Yohaannisa 2:​15, 16; 1 Qoronttoosa 10:​24, 31-​33)

Taarikiyaa 90

1. Yesuusi Samaariyan issi haattaa ollaa matan ayssi shemppidee? Yan deˈiya maccaaseeyyo woygiiddi deˈii?

2. Maccaasiyaa ayssi garamettadee? Yesuusi issi woygidee? Ayssi?

3. Yesuusi ayba haattaabaa yootiyaaba maccaaseessi malatidee? SHin i yootiiddi deˈiyo haattay augee?

4. Yesuusi ibaa eridoogan maccaasiyaa ayssi garamettadee? I hegaa waati erana danddayidee?

5. Haattaa ollaa matan deˈiya maccaaseebaa yootiya taarikiyaappe ay tamaarana danddayiyoo?

Gujo oyshata:

1. Yohaannisa 4:​5-​43 nabbaba.

   1. Yesuusa leemisuwaa kaalliyoogan, nuuppe dumma zare gidida woykko dumma wogan diccida asata nuuni ay mala hanotan xeellana bessii? (Yohaannisa 4:9; 1 Qoronttoosa 9:​22; 1 Ximootiyoosa 2:​3, 4; Tiitu 2:​11)

   2. Yesuusi erissiyo ashkkara gidiya uray ay mala ayyaana go”a demmii? (Yohaannisa 4:​14; Isiyaasa 58:11; 2 Qoronttoosa 4:​16)

   3. Ba eridobaa haratuyyo yootanau eesottida Samaare maccaaseedan, galatiyaageeta gidiyoogaa waati bessana danddayiyoo? (Yohaannisa 4:​7, 28; Maatiyoosa 6:​33; Luqaasa 10:​40-​42)

Taarikiyaa 91

1. Misilee, Yesuusi awan tamaarissiiddi deˈiyoogaa bessii? Akko matattidi uttidaageeti oonee?

2. Yesuusi kiittido 12tu sunttay oonee?

3. Yesuusi abaa sabbakido Kawotettay augee?

4. Asay ay xeelliyaagan woossanaadan Yesuusi tamaarissidee?

5. Yesuusi asay issoy issuwaara waani deˈana bessiyoogaa yootidee?

Gujo oyshata:

1. Maatiyoosa 5:​1-​12 nabbaba.

   Nu ayyaanatettaassi koshshiyaabau akeekiyaageeta gidiyoogaa ayba ogiyan bessana danddayiyoo? (Maatiyoosa 5:3; Roome 10:​13-​15; 1 Ximootiyoosa 4:​13, 15, 16)

2. Maatiyoosa 5:​21-​26 nabbaba.

   Nu ishatuura deˈiya gayttotettay Yihoowaara deˈiya dabbotettaa bochchana danddayiyoogaa Maatiyoosa 5:​23, 24y waati qonccissii? (Maatiyoosa 6:​14, 15; Mazamure 133:​1; Qolasiyaasa 3:​13; 1 Yohaannisa 4:​20)

3. Maatiyoosa 6:​1-8 nabbaba.

   Kiristtaaneti haakkana bessiyo bana xillo ootti xeelliyo issi issi ogeti augeetee? (Luqaasa 18:​11, 12; 1 Qoronttoosa 4:​6, 7; 2 Qoronttoosa 9:⁠7)

4. Maatiyoosa 6:​25-​34 nabbaba.

   Nu ashuwaassi koshshiyaabau Yihoowan ammanettana bessiyoogaa xeelliyaagan, Yesuusi woygi tamaarissidee? (Kessaabaa 16:4; Mazamure 37:25; Piliphphisiyuusa 4:⁠6)

5. Maatiyoosa 7:​1-​11 nabbaba.

   Maatiyoosa 7:5n deˈiya qoncce leemisoy nuna ay tamaarissii? (Leemiso 26:12; Roome 2:1; 14:10; Yaaqooba 4:​11, 12)

Taarikiyaa 92

1. Misiliyan deˈiya naˈee aaway oonee? Inne a keettayiyaa keehippe hirggidoy aybissee?

2. Yaaˈiroosi Yesuusa demmidi waanidee?

3. Yesuusi Yaaˈiroosa soo biyo wode hanettidabay aybee? Ogiyan deˈishin Yaaˈiroosau gakkida kiitay aybee?

4. Yaaˈiroosa son deˈiya asay Yesuusa bolli miiccidoy aybissee?

5. Kiitettidaageetuppe heezzatanne naˈee aawaanne aayyiyo ekkidi, Yesuusi naˈiyaa deˈiyo kifiliyaa gelidi ay oottidee?

6. Yesuusi hara oona hayquwaappe denttidee? Hegee ay bessii?

Gujo oyshata:

1. Luqaasa 8:​40-​56 nabbaba.

   Yesuusi suuttay goggiyo maccaaseessi qarettiyaagaanne yuushshi qoppiyaagaa gidiyoogaa waati bessidee? Ha wodiyan deˈiya Kiristtaane gubaaˈiyaa cimati hegaappe ay tamaarana danddayiyoonaa? (Luqaasa 8:​43, 44, 47, 48; Wogaabaa 15:​25-​27; Maatiyoosa 9:​12, 13; Qolasiyaasa 3:​12-​14)

2. Luqaasa 7:​11-​17 nabbaba.

   Siiqiyo asati etappe hayquwan shaahettidoogeeti, Yesuusi Naynan deˈiya am”eessi zaaridoban keehippe minettana danddayiyoy aybissee? (Luqaasa 7:​13; 2 Qoronttoosa 1:​3, 4; Ibraawe 4:​15)

3. Yohaannisa 11:​17-​44 nabbaba.

   Siiqiyo asi hayqqin azzaniyoogee bessiyaaba gidiyoogaa Yesuusi waati bessidee? (Yohaannisa 11:​33-​36, 38; 2 Sameela 18:33; 19:​1-4)

Taarikiyaa 93

1. Xammaqiya Yohaannisa bolli ayba azzanttiyaabi gakkidee? Hegaa gishshau, Yesuusassi aybi siyettidee?

2. .Yesuusi bana kaallida cora asaa waati mizidee? Ay keena xarzzay attidee?

3. Erissiyo ashkkarati qamman ayssi yayyidonaa? PHeexiroosi waanidee?

4. Yesuusi naa”anttuwaakka shaˈan qoodettiya asaa waati mizidee?

5. Yesuusi Xoossan sunttettida Kawo gididi haariyo wodee, ufayssiya wode gidanay aybissee?

Gujo oyshata:

1. Maatiyoosa 14:​1-​32 nabbaba.

   1. Maatiyoosa 14:​23-​32n deˈiya qonccissoy PHeexiroosabaa ay akeekissii?

   2. Geeshsha Maxaafay PHeexiroosi kayma gididoogaanne ba eesotiyo eeshshaappe laamettidoogaa waati bessii? (Maatiyoosa 14:​27-​30; Yohaannisa 18:10; 21:7; Oosuwaa 2:​14, 37-40; 1 PHeexiroosa 5:​6, 10)

2. Maatiyoosa 15:​29-​38 nabbaba.

   Yesuusi ba Aawaappe demmido, ashuwaassi koshshiyaabau bonchchoy deˈiyoogaa waati bessidee? (Maatiyoosa 15:37; Yohaannisa 6:​12; Qolasiyaasa 3:​15)

3. Yohaannisa 6:​1-​21 nabbaba.

   Ha wodiyan deˈiya Kiristtaaneti saˈaa kawotettaa bonchchiyoogan, waatidi Yesuusa leemisuwaa kaallana danddayiyoonaa? (Yohaannisa 6:​15; Maatiyoosa 22:21; Roome 12:2; 13:​1-4)

Taarikiyaa 94

1. Yesuusi kiittidoogeeti haahosaappe yiiddi ogiyan aybau palamettidonaa?

2. Yesuusi issi guutta naˈaa xeesidi kiitettidaageetu giddon essidoy aybissee?

3. Kiitettidaageeti ayba ogiyan naatu mala gidanau tamaarana bessii?

4. Guutta aginappe guyyiyan, Yesuusi naata siiqiyoogaa waati bessidee?

Gujo oyshata:

1. Maatiyoosa 18:​1-4 nabbaba.

   Yesuusi tamaarissanau leemisota ayssi goˈettidee? (Maatiyoosa 13:​34, 36; Marqqoosa 4:​33, 34)

2. Maatiyoosa 19:​13-​15 nabbaba.

   Kawotettaa anjjuwaa demmana koykko, bessana koshshiya naatu eeshshay augee? (Mazamure 25:9; 138:6; 1 Qoronttoosa 14:⁠20)

3. Marqqoosa 9:​33-​37 nabbaba.

   Yesuusi ba erissiyo ashkkarata erettida asa gidanau koyiyoogaa xeelliyaagan ay tamaarissidee? (Marqqoosa 9:​35; Maatiyoosa 20:​25, 26; Galaatiyaa 6:3; Piliphphisiyuusa 2:​5-8)

4. Marqqoosa 10:​13-​16 nabbaba.

   Yesuusi baakko shiiqana koyiya asau ay keena pashkka asee? A leemisuwaappe Kiristtaane gubaaˈiyaa cimati ay tamaarana danddayiyoonaa? (Marqqoosa 6:​30-​34; Piliphphisiyuusa 2:​1-4; 1 Ximootiyoosa 4:​12)

Taarikiyaa 95

1. Issi bitanee Yesuusa ay oychchidee? Aybissi?

2. Yesuusi tamaarissanau issitoo issitoo ay goˈettii? Ayhudatubaanne Samaaretubaa hagaappe kase ay tamaaridoo?

3. Yesuusi yootido taarikiyan, Yarkko biiddi ogiyan deˈiya Ayhuda bitaniyaa bolli aybi gakkidee?

4. Issi Ayhuda qeeseenne issi Leewa zaree he ogiyaara aadhdhiiddi ay oottidonaa?

5. Misiliyan, qohettida Ayhuda bitaniyaa maaddiiddi deˈiyay oonee?

6. Yesuusi taarikiyaa yooti wurssi simmidi woygidi oychchidee? Bitaneeshin woygidi zaaridee?

Gujo oyshata:

1. Luqaasa 10:​25-​37 nabbaba.

   1. Yesuusi Higgiyaa loytti eriya bitaniyaa oyshaa zaari aggiyoogaappe, akeekan qoppanaadan a waati maaddidee? (Luqaasa 10:26; Maatiyoosa 16:​13-​16)

   2. Yesuusi bana ezggiyaageetussi asa coo ixxiyoogaa agganaadan leemisuwan waati tamaarissidee? (Luqaasa 10:​36, 37; 18:​9-​14; Tiitu 1:⁠9)

Taarikiyaa 96

1. Yesuusi Israaˈeele biitta ubbasaa biiddi ay oottidee?

2. Yesuusi xammaqettido heezzantta laytta heeran, kiitettidaageetussi ay yootidee?

3. Misiliyan deˈiya asati oonee? Yesuusi maccaaseessi ay oottidee?

4. Haymaanootiyaa kaalettiyaageetu hanotaassi, Yesuusi immido zaaroy eta ayssi yeellayidee?

5. Yesuusinne i kiittidoogeeti Yarkko matattido wode, naa”u qooqe woosanchchatussi Yesuusi ay oottidee?

6. Yesuusi maalaalissiyaabaa ayssi oottidee?

Gujo oyshata:

1. Maatiyoosa 15:​30, 31 nabbaba.

   Yesuusa baggaara maalaalissiya Yihoowa wolqqay qonccidoy ayba ogiyaanee? Hegee, Yihooway ooratta alamiyaa ehaanau gelido qaalaa xeelliyaagan, nuuyyo deˈiya akeekaa waati bochchanau bessii? (Mazamure 37:29; Isiyaasa 33:⁠24)

2. Luqaasa 13:​10-​17 nabbaba.

   Yesuusi oottido keehippe maalaalissiya oosotuppe amaridaageeta Sambbatan oottidoogee, a SHaˈu Layttaa Haaruwaa wode, asaa naatussi ay mala woppaa ehaanaagaa qonccissii? (Luqaasa 13:​10-​13; Mazamure 46:9; Maatiyoosa 12:8; Qolasiyaasa 2:​16, 17; Ajjuutaa 21:​1-4)

3. Maatiyoosa 20:​29-​34 nabbaba.

   Yesuusi asaa maaddanau wode mule xayi erennaagaa, hagan deˈiya qofay waati bessii? Hegaappe nuuni ay tamaarana danddayiyoo? (Zaarettido Wogaa 15:7; Yaaqooba 2:​15, 16; 1 Yohaannisa 3:​17)

Taarikiyaa 97

1. Yesuusi Yerusalaame matan deˈiya katamaa yiido wode, i ba erissiyo ashkkarati ay oottanaadan yootidee?

2. Yesuusi Yerusalaame katamaa matido wode, misiliyan beˈiyoogaadan aybi hanidee?

3. Yesuusi qooqetanne wobbeta pattiyoogaa naati be⁠ˈidi, ay oottidonaa?

4. Yesuusi yiillotida qeeseta woygidee?

5. Yesuusa sabbida naata nuuni waani malatana danddayiyoo?

6. Erissiyo ashkkarati ay erana koyidonaa?

Gujo oyshata:

1. Maatiyoosa 21:​1-​17 nabbaba.

   1. Yesuusi Kawodan Yerusalaame geliyo wode oottidobay, Roometu wode olaa gadaawati xoonidi geliyo wode oottiyoogaappe aybin dummatii? (Maatiyoosa 21:​4, 5; Zakkaariyaasa 9:9; Piliphphisiyuusa 2:​5-8; Qolasiyaasa 2:​15)

   2. Yesuusi beeta maqidasiyaa geliyo wode Mazamure 118⁠ppe xaqqasida Israaˈeele biittaa naatuppe, yelaga naati ay tamaarana danddayiyoonaa? (Maatiyoosa 21:​9, 15; Mazamure 118:​25, 26; 2 Ximootiyoosa 3:​15; 2 PHeexiroosa 3:​18)

2. Yohaannisa 12:​12-​16 nabbaba.

   Yesuusa xoqqu xoqqu oottida asay zambbaa tashshiyaa goˈettidoogee ay malaatii? (Yohaannisa 12:13; Piliphphisiyuusa 2:​10; Ajjuutaa 7:​9, 10)

Taarikiyaa 98

1. Misiliyan deˈiyaageetuppe Yesuusi augee? Aara de⁠ˈiyaageeti shin oonee?

2. Yesuusi beeta maqidasiyan deˈishin qeeseti a bolli ay gattanau koyidonaa? I etau woygidee?

3. Kiitettidaageeti Yesuusa ay oychchidonaa?

4. Yesuusi saluwan Kawo gididi haariyo wode, saˈan hananau deˈiya amaridabata kiitettidaageetussi yootidoy aybissee?

5. Yesuusi iitatetta ubbaa saˈaappe xayssanaappe kase, aybi hananaagaa yootidee?

Gujo oyshata:

1. Maatiyoosa 23:​1-​39 nabbaba.

   1. Oosuwaaranne harabaara gayttidaban asaa bonchcho sunttan xeegana danddayiyoogaa Geeshsha Maxaafay yootiyaaba gidikkonne, Maatiyoosa 23:​8-​11n deˈiya Yesuusa qaalay, Kiristtiyaane gubaaˈiyan bessenna bonchcho sunttan xeegiyoogaa xeelliyaagan ay qonccissii? (Oosuwaa 26:25; Roome 13:7; 1 PHeexiroosa 2:​13, 14)

   2. Parisaaweti asay Kiristtaane gidennaadan teqqanau ay goˈettidonaa? Ha wodiyan deˈiya haymaanootiyaa kaalettiyaageetikka hegaa mala ay hayyuwaa goˈettidonaa? (Maatiyoosa 23:13; Luqaasa 11:52; Yohaannisa 9:​22; 12:42; 1 Tasalonqqe 2:​16)

2. Maatiyoosa 24:​1-​14 nabbaba.

   1. Gencciyoogee koshshiyaaba gidiyoogaa Maatiyoosa 24:13y waati mintti yootii?

   2. Maatiyoosa 24:13n deˈiya “wurssettaa” giya qaalaa birshshettay aybee? (Maatiyoosa 16:27; Roome 14:​10-​12; 2 Qoronttoosa 5:​10)

3. Marqqoosa 13:​3-​10 nabbaba.

   Mishiraachchoy eesuwan sabbakettana bessiyoogaa Marqqoosa 13:10y woygi qonccissii? Yesuusa qaalay nuna waati denttettana bessii? (Roome 13:​11, 12; 1 Qoronttoosa 7:​29-​31; 2 Ximootiyoosa 4:⁠2)

Taarikiyaa 99

1. Misiliyan beˈiyoogaadan, Yesuusinne kiitettida 12ti pooqiyan deˈiya issi gita kifiliyan deˈiyoy aybissee?

2. Kiyiiddi deˈiya bitanee oonee? I ay oottanau bii?

3. Paasikaa kahoy meetetti wuri simmin, Yesuusi ayba dumma quma miziyoogaa doommidee?

4. Aggi Aadhdhiyo (Paasika) baalay Israaˈeeleta ay hanotaa hassayssii? Ha dumma qumay Yesuusa kaalliyaageeta ay hassayssii?

5. Godaa Kahuwaappe simmin, Yesuusi bana kaalliyaageetussi ay yootidee? Eti shin ay oottidonaa?

Gujo oyshata:

1. Maatiyoosa 26:​14-​30 nabbaba.

   1. Yihuday Yesuusa kaddidoy wudidi gidiyoogaa Maatiyoosa 26:15y waati bessii?

   2. Gukkida Yesuusa suuttan polettida naa”u halchchoti augeetee? (Maatiyoosa 26:​27, 28; Ermmaasa 31:​31-​33; Efisoona 1:7; Ibraawe 9:​19, 20)

2. Luqaasa 22:​1-​39 nabbaba.

   Seexaanay Yihudan ayba ogiyaara gelidee? (Luqaasa 22:3; Yohaannisa 13:2; Oosuwaa 1:​24, 25)

3. Yohaannisa 13:​1-​20 nabbaba.

   1. Yohaannisa 13:​2n deˈiya qonccissuwaadan, Yihuday ba oottidobau hara uraa gaasoyana danddayii? Xoossaassi oottiyaageeti hagaappe ay tamaarana danddayiyoonaa? (Doomettaabaa 4:7; 2 Qoronttoosa 2:​11; Galaatiyaa 6:⁠1; Yaaqooba 1:​13, 14)

   2. Yesuusi ayba gita timirttiyaa ootti bessidi tamaarissidee? (Yohaannisa 13:15; Maatiyoosa 23:11; 1 PHeexiroosa 2:​21)

4. Yohaannisa 17:​1-​26 nabbaba.

   Yesuusi bana kaalliyaageeti ayba ogiyan “issuwaa gidana mala” woossidee? (Yohaannisa 17:​11, 21-​23; Roome 13:8; 14:19; Qolasiyaasa 3:​14)

Taarikiyaa 100

1. Pooqiyan deˈiya kifiliyaappe kiyidi, Yesuusinne kiitettidaageeti au biidonaa? I eti ay oottanaadan yootidee?

2. Yesuusi kiitettidaageeti deˈiyoosaa simmidi yiyo wode, eti waanidaageeta demmidee? Hegaattuwaa aapputoo hanidee?

3. Ataakiltte sohuwaa geliday oonee? Misiliyan beˈiyoogaadan, Asqqorootu Yihuday ay oottidee?

4. Yihuday Yesuusa ayssi yeridee? PHeexiroosi ay oottidee?

5. Yesuusi PHeexiroosa woygidee? SHin Yesuusi issi kiitanchchanne Xoossaa oychchiibeennay aybissee?

Gujo oyshata:

1. Maatiyoosa 26:​36-​56 nabbaba.

   1. Yesuusi ba erissiyo ashkkarata zorido ogee, ha wodiyan deˈiya Kiristtaane gubaaˈiyaa cimatussi waanidi lo”o leemiso gidii? (Maatiyoosa 20:​25-​28; 26:​40, 41; Galaatiyaa 5:​17; Efisoona 4:​29, 31, 32)

   2. Asa qohanau bisuwaa goˈettiyoogaa, Yesuusi aybidan xeellidee? (Maatiyoosa 26:52; Luqaasa 6:​27, 28; Yohaannisa 18:⁠36)

2. Luqaasa 22:​39-​53 nabbaba.

   Issi kiitanchchay Yesuusa minttettanu Geetesamaane ataakiltte sohuwan assi beettido gishshau, hegee, Yesuusi ammanuwan leppidoogaa bessii? Qonccissa. (Luqaasa 22:​41-​43; Isiyaasa 49:8; Maatiyoosa 4:​10, 11; Ibraawe 5:⁠7)

3. Yohaannisa 18:​1-​12 nabbaba.

   Yesuusi ba erissiyo ashkkarata banaara eqettiya asatuppe waati naagidee? Nuuni ha leemisuwaappe ay tamaarana danddayiyoo? (Yohaannisa 10:​11, 12; 18:​1, 6-9; Ibraawe 13:6; Yaaqooba 2:​25)

Taarikiyaa 101

1. Yesuusa hayquwan waanna oyshettiyay oonee?

2. Haymaanootiyaa kaalettiyaageeti Yesuusa oyqqido wode, kiitettidaageeti ay oottidonaa?

3. Qeesetu halaqaa Qayaafa son hanettidabay aybee?

4. PHeexiroosi kare kiyidi yeekkidoy aybissee?

5. Yesuusi PHilaaxoosakko guyye simmido wode, qeesetu halaqati bantta qaalaa xoqqu oottidi woygidonaa?

6. Yesuusi Arbba gallassi saateppe guyyiyan waanidee? Baappe miyye baggaara kaqettida, iitabaa oottida bitaniyau woygidi qaalaa gelidee?

7. Yesuusi yootido gannatee deˈanay awaanee?

Gujo oyshata:

1. Maatiyoosa 26:​57-​75 nabbaba.

   Ayhuda xoqqa pirdda keettaa oosanchchati, bantta wozanay iita gidiyoogaa waati qonccissidonaa? (Maatiyoosa 26:​59, 67, 68)

2. Maatiyoosa 27:​1-​50 nabbaba.

   Yihudaassi siyettida azzanoy tumu azzano gidennaagaa nuuni waatidi erana danddayiyoo? (Maatiyoosa 27:​3, 4; Marqqoosa 3:​29; 14:21; 2 Qoronttoosa 7:​10, 11)

3. Luqaasa 22:​54-​71 nabbaba.

   Yesuusa aatti immidonne i oyqettido qammi, PHeexiroosi a kaddido hanotaappe ay tamaarana danddayiyoo? (Luqaasa 22:​60-​62; Maatiyoosa 26:​31-​35; 1 Qoronttoosa 10:⁠12)

4. Luqaasa 23:​1-​49 nabbaba.

   Yesuusi ba bolli gakkida iita oosuwaassi ay zaaruwaa immidee? Hagaappe nuuni ay tamaarana danddayiyoo? (Luqaasa 23:​33, 34; Roome 12:​17-​19; 1 PHeexiroosa 2:​23)

5. Yohaannisa 18:​12-​40 nabbaba.

   PHeexiroosi asaa yayyiyoogan guutta wodiyau xoonettidaba gidikkonne, guyyeppe minnidi kiitettidaageetuppe erettidaagaa gidana danddayido hanotan aybi qonccidee? (Yohaannisa 18:​25-​27; 1 Qoronttoosa 4:2; 1 PHeexiroosa 3:​14, 15; 5:​8, 9)

6. Yohaannisa 19:​1-​30 nabbaba.

   1. Yesuusassi aquwaa xeelliyaagan ay mala bessiya xeelay deˈii? (Yohaannisa 2:​1, 2, 9, 10; 19:​23, 24; Maatiyoosa 6:​31, 32; 8:​20)

   2. Yesuusi hayqqiyo wode haasayido qaalati, ubbaappe bollaara haariyo Yihoowa maatay bonchchettanaadan oottida, minnidi xoonida asa qaala gididoy aybissee? (Yohaannisa 16:33; 19:30; 2 PHeexiroosa 3:​14; 1 Yohaannisa 5:⁠4)

Taarikiyaa 102

1. Misiliyan deˈiya maccaasiyaa oonee? Naa”u attuma asati shin oonee? Eti awan deˈiyoonaa?

2. PHilaaxoosi Qeeseti wotaaddarata kiittidi, Yesuusa duufuwaa naagissanaadan ayssi yootidee?

3. Yesuusi hayqqido heezzantta gallassi wonttaara issi kiitanchchay ay oottidee? SHin qeeseti ay oottidonaa?

4. Amarida maccaasati Yesuusi moogettidosaa yiidi beˈido wode ayssi dagammidonaa?

5. PHeexiroosinne Yohaannisi Yesuusi moogettidosaa woxxi biidoy aybissee? Eti ay demmidonaa?

6. WYesuusa ahay waanidee? SHin i hayquwaappe denddidoogaa erissiyo ashkkarata bessanau ay oottidee?

Gujo oyshata:

1. Maatiyoosa 27:​62-​66⁠nne 28:​1-​15 nabbaba.

   Yesuusi hayquwaappe denddido wode, qeesetu halaqati, Parisaawetinne cima asati geeshsha ayyaanaa bolli ayba nagaraa oottidonaa? (Maatiyoosa 12:​24, 31, 32; 28:​11-​15)

2. Luqaasa 24:​1-​12 nabbaba.

   Yesuusi hayquwaappe denddidoogaa yootiya hanotay, Yihooway maccaasaa ammanettida markkatudan xeelliyoogaa waati bessii? (Luqaasa 24:​4, 9, 10; Maatiyoosa 28:​1-7)

3. Yohaannisa 20:​1-​12 nabbaba.

   Geeshsha Maxaafan deˈiya issi hiraagay polettiyo hanotaa geeshshidi erana xaykko, nuuni co”u giidi naagana koshshiyoogaa akeekanaadan Yohaannisa 20:​8, 9y waati maaddii? (Leemiso 4:​18; Maatiyoosa 17:​22, 23; Luqaasa 24:​5-8; Yohaannisa 16:⁠12)

Taarikiyaa 103

1. Mayraama ataakilttiyaa naagiyaagaa gaada qoppido bitaniyau woygadee? SHin hegee tumuppe Yesuusa gidiyoogaa a eranaadan oottidabay aybee?

2. Naa”u erissiyo ashkkarati Emaahuusa giyo katamaa biiddi deˈishin aybi hanidee?

3. Naa”u erissiyo ashkkarati Yesuusa beˈidoogaa kiitettidaageetussi yootiiddi deˈishin, garamissiyaabi aybi merettidee?

4. Yesuusi ba erissiyo ashkkaratussi aapputoo beettidee?

5. Erissiyo ashkkarati Yesuusa beˈidoogaa Toomaasi siyido wode woygidee? SHin hosppun gallassappe guyyiyan aybi hanidee?

Gujo oyshata:

1. Yohaannisa 20:​11-​29 nabbaba.

   Yesuusi Yohaannisa 20:23n yootidoogee nagaraa atto gaanau asayyo maatay deˈiyoogaa bessiiyye? Qonccissa. (Mazamure 49:​2, 7; Isiyaasa 55:7; 1 Ximootiyoosa 2:​5, 6; 1 Yohaannisa 2:​1, 2)

2. Luqaasa 24:​13-​43 nabbaba.

   Nu wozanay Geeshsha Maxaafaa tumaa ekkiyaagaa gidanaadan waati giigissana danddayiyoo? (Luqaasa 24:​32, 33; Izira 7:​10; Maatiyoosa 5:3; Oosuwaa 16:14; Ibraawe 5:​11-​14)

Taarikiyaa 104

1. Issi wode aappun erissiyo ashkkarati Yesuusa be⁠ˈidonaa? I etassi aybaabaa yootidee?

2. Xoossaa Kawotettay aybee? Yesuusi shaˈu layttau Kawo gididi haariyo wode, saˈan deˈoy ay mala gidanee?

3. Yesuusi ba erissiyo ashkkaratussi aappun gallassaa beettiiddi takkidee? SHin ha”i i ay oottiyo wodee?

4. Erissiyo ashkkaratuppe shaahettidi baanaappe kase, Yesuusi eti ay oottanaadan yootidee?

5. Misiliyan hanettiiddi deˈiyaabay aybee? Yesuusi waanidi eta ayfiyaappe geemmidee?

Gujo oyshata:

1. Koyro Qoronttoosa 15:​3-8 nabbaba.

   Yesuusi hayquwaappe denddidoogaa PHauloosi keehippe ammanettidi yootana danddayidoy aybissee? Ha wodiyan Kiristtaaneti aybaa xeelliyaagan ammanettidi yootana danddayiyoonaa? (1 Qoronttoosa 15:​4, 7, 8; Isiyaasa 2:​2, 3; Maatiyoosa 24:​14; 2 Ximootiyoosa 3:​1-5)

2. Oosuwaa 1:​1-​11 nabbaba.

   Oosuwaa 1:8y yootiyoogaadan, sabbakiyo oosoy ay keenaa aakkidi oosettidee? (Oosuwaa 6:7; 9:​31; 11:​19-​21; Qolasiyaasa 1:​23)

Taarikiyaa 105

1. Misiliyan beˈiyoogaadan, Yerusalaamen naagiiddi takkida, Yesuusa kaalliyaageeti waanidonaa?

2. WYerusalaame yiida hara biittaa asati ay garamissiyaabaa beˈidonaa?

3. PHeexiroosi asau ay qonccissidee?

4. Asay PHeexiroosi yootiyoogaa siyi simmin, etau aybi siyettidee? I, eti ay oottanaadan yootidee?

5. Kiristtoosa Yeletaappe Simmin 33n, PHenxxaqosxxe gallassi, aappun asay xammaqettidee?

Gujo oyshata:

1. Oosuwaa 2:​1-​47 nabbaba.

   1. Oosuwaa 2:​23, 36n deˈiya PHeexiroosa qaalay, Ayhuda asati ubbay Yesuusa hayquwan oyshettiyaageeta gidiyoogaa waati bessii? (1 Tasalonqqe 2:​14, 15)

   2. Geeshsha Maxaafaappe birshshi yootiyoogan PHeexiroosi waanidi lo”o leemiso gidii? (Oosuwaa 2:​16, 17, 29, 31, 36, 39; Qolasiyaasa 4:⁠6)

   3. Yesuusi assi immanau qaalaa gelido ‘saluwaa kawotettaa qulppettuppe’ koyruwaa PHeexiroosi waati goˈettidee? (Oosuwaa 2:​14, 22-​24, 37, 38; Maatiyoosa 16:⁠19)

Taarikiyaa 106

1. Issi gallassi saateppe guyyiyan, PHeexiroosinne Yohaannisi beeta maqidasiyaa biishin aybi hanidee?

2. PHeexiroosi wobbe bitaniyau woygidee? PHeexiroosi he bitaniyau miishshaappe aadhdhiyaabaa ay immidee?

3. Haymaanootiyaa kaalettiyaageeti ayssi yiillotidonaa? Eti PHeexiroosanne Yohaannisa waatidonaa?

4. PHeexiroosi haymaanootiyaa kaalettiyaageetussi woygidee? Yesuusi kiittidoogeeta woygidi manddidonaa?

5. WHaymaanootiyaa kaalettiyaageeti ayssi qanaatidonaa? SHin Yesuusi kiittidoogeeta naa”anttuwaa qachchido wode hanidabay aybee?

6. Yesuusi kiittidoogeeta Sanihediriina adaraashshaa ehin, eti woygidi zaaridonaa?

Gujo oyshata:

1. Oosuwaa 3:​1-​10 nabbaba.

   Ha wodiyan nuussi maalaalissiyaabaa oottiyo maatay imettibeennaba gidikkonne, Oosuwaa 3:6n deˈiya PHeexiroosa qaalay, nuuni Kawotettaa kiitaa nashshanaadan waati maaddii? (Yohaannisa 17:3; 2 Qoronttoosa 5:​18-​20; Piliphphisiyuusa 3:⁠8)

2. Oosuwaa 4:​1-​31 nabbaba.

   Haggaazuwan nu bolli yedetay gakkiyo wode, koyro xeetu layttan deˈida nu Kiristtaane ishata ayba ogiyan milatana koshshii? (Oosuwaa 4:​29, 31; Efisoona 6:​18-​20; 1 Tasalonqqe 2:⁠2)

3. Oosuwaa 5:​17-​42 nabbaba.

   Beni wode gidin ha wodiyan deˈiya issi issi Yihoowa Marakka gidennaageeti, sabbakiyo oosuwaa xeelliyaagan yuushshi qoppiyaageeta gidiyoogaa aybin bessidonaa? (Oosuwaa 5:​34-​39)

Taarikiyaa 107

1. Isxxifaanoosi oonee? I ay oottanaadan Xoossay maaddidee?

2. Isxxifaanoosi haymaanootiyaa kaalettiyaageeta keehippe yiilloyiyaabaa ay yootidee?

3. Asati Isxxifaanoosa katamaappe goochchi kessidi waatidonaa?

4. Misiliyaa bolli deˈiya, maayuwaa lanqqen eqqida wodallay oonee?

5. Asay a woranaappe kase, Isxxifaanoosi Yihoowakko woygi woossidee?

6. Issi uri iitabaa nu bolli oottiyo wode, Isxxifaanoosa leemisuwaa kaallidi waatana koshshii?

Gujo oyshata:

1. Oosuwaa 6:​8-​15 nabbaba.

   Haymaanootiyaa kaalettiyaageeti, Yihoowa Markkati sabbakiyo oosuwaa esissanau ayba worddo ooso go⁠ˈettidonaa? (Oosuwaa 6:​9, 11, 13)

2. Oosuwaa 7:​1-​60 nabbaba.

   1. Isxxifaanoosi mishiraachchuwaassi giidi Sanihediriinan muruta ogiyan palamettanaadan maaddiday aybee? A leemisuwaappe ay tamaarana danddayiyoo? (Oosuwaa 7:​51-​53; Roome 15:4; 2 Ximootiyoosa 3:​14-​17; 1 PHeexiroosa 3:​15)

   2. Nu oosuwaa eqettiyaageeta xeelliyaagan ay eeshshaa dichchana koshshii? (Oosuwaa 7:​58-​60; Maatiyoosa 5:​44; Luqaasa 23:​33, 34)

Taarikiyaa 108

1. Isxxifaanoosa asay wori simmin, Saaˈooli ay oottidee?

2. Saaˈooli Damasqqo biiddi deˈishin, garamissiyabi aybi hanidee?

3. Saaˈooli ay oottanaadan Yesuusi yootidee?

4. Yesuusi Hanaaniyaassi ayba azazuwaa immidee? Saaˈooli zaarettidi xeellanau waani danddayidee?

5. Saaˈooli guyyeppe ayba sunttan xeegettidee? I ayba oosuwan go”idee?

Gujo oyshata:

1. Oosuwaa 8:​1-4 nabbaba.

   Ooratti eqqida Kiristtaane gubaaˈiyaa shabbirssida yedetay, Kiristtaanetu ammanoy darosaa gakkanaadan waati oottidee? Ha wodiyan hanettida hegaara issi mala gidida hanotay augee? (Oosuwaa 8:4; Isiyaasa 54:⁠17)

2. Oosuwaa 9:​1-​20 nabbaba.

   Yesuusi, PHauloosi oottanaadan qoppidi qonccissido heezzu kiitati augeetee? (Oosuwaa 9:​15; 13:⁠5; 26:​1; 27:24; Roome 11:⁠13)

3. Oosuwaa 22:​6-​16 nabbaba.

   Waanidi Hanaaniyaa malatana danddayiyoo? Hegee koshshiyaaba gidoy aybissee? (Oosuwaa 22:12; 1 Ximootiyoosa 3:7; 1 PHeexiroosa 1:​14-​16; 2:​12)

4. Oosuwaa 26:​8-​20 nabbaba.

   PHauloosi laamettido hanotay, ha wodiyan ammanenna aqo laggeetuura deˈiya Kiristtaaneta waatidi minttettii? (Oosuwaa 26:11; 1 Ximootiyoosa 1:​14-​16; 2 Ximootiyoosa 4:2; 1 PHeexiroosa 3:​1-3)

Taarikiyaa 109

1. Misiliyan goynniiddi deˈiya bitanee oonee?

2. Issi kiitanchchay Qornneliyoosassi woygidee?

3. PHeexiroosi Yoophphen Simoona son deˈishin, i ay beˈanaadan Xoossay oottidee?

4. Qornneliyoosi assi goynnanau bessennaagaa PHeexiroosi ayssi yootidee?

5. PHeexiroosaara deˈiya Ayhuda zare gidida erissiyo ashkkarati ayssi garamettidonaa?

6. PHeexiroosi Qornneliyoosakko biido hanotaappe nuuni ay koshshiya timirttiyaa demmana bessii?

Gujo oyshata:

1. Oosuwaa 10:​1-​48 nabbaba.

   Oosuwaa 10:42n deˈiya PHeexiroosa qaalay Kawotettaa mishiraachchuwaa sabbakiyo oosuwaa xeelliyaagan ay qonccissii? (Maatiyoosa 28:19; Marqqoosa 13:10; Oosuwaa 1:⁠8)

2. Oosuwaa 11:​1-​18 nabbaba.

   Ayhuda gidenna asaa xeelliyaagan Yihoowa kaaletoy qonccido wode, PHeexiroosi ay mala eeshshaa bessidee? Nuuni a leemisuwaa waani kaallana danddayiyoo? (Oosuwaa 11:​17, 18; 2 Qoronttoosa 10:5; Efisoona 5:​17)

Taarikiyaa 110

1. Misiliyan deˈiya yelaga naˈaa sunttay oonee? I au biittan deˈii? A aayee sunttaynne a aayee aayee sunttay oonee?

2. PHauloosi Silaaseeranne banaara sabbakanau haaho biitti baana koyiyaakkonne Ximootiyoosa oychchin, Ximootiyoosi woygidee?

3. Yesuusa kaalliyaageeti Kiristtaane geetettidi koyro xeegettido sohoy awee?

4. PHauloosi, Sillaaseenne Ximootiyoosi Lisxxirappe kiyidi, eti biido katamatuppe amaridaageeti augeetee?

5. Ximootiyoosi PHauloosa waati maaddidee? Ha wodiyan deˈiya yelagati ay oyshaa banttana oychchana koshshii?

Gujo oyshata:

1. Oosuwaa 9:​19-​30 nabbaba.

   Kiitettida PHauloosi mishiraachchuwaa gaasuwan yedetay gakkido wode, wozannaama asa gidiyoogaa waati bessidee? (Oosuwaa 9:​22-​25, 29, 30; Maatiyoosa 10:⁠16)

2. Oosuwaa 11:​19-​26 nabbaba.

   Oosuwaa 11:​19-​21, 26n xaafettidi deˈiya qofay, Yihoowa ayyaanay sabbako oosuwan kaalettiyaagaa gidiyoogaa waati bessii?

3. Oosuwaa 13:​13-​16, 42-​52 nabbaba.

   Erissiyo ashkkarata yedetay gakkidaaba gidikkonne, hegee eta guyye giissibeennaagaa Oosuwaa 13:​51, 52y waati bessii? (Maatiyoosa 10:14; Oosuwaa 18:⁠6; 1 PHeexiroosa 4:​14)

4. Oosuwaa 14:​1-6, 19-​28 nabbaba.

   Ooratta Kiristtaaneta maaddishin nuussi siyettiya koshshenna un”uwaappe woppaa demmanau, ‘eta Yihoowassi hadaraa immidosona’ yaagiya qaalay waati maaddii? (Oosuwaa 14:​21-​23; 20:32; Yohaannisa 6:​44)

5. Oosuwaa 16:​1-5 nabbaba.

   Ximootiyoosi qaxxarettanau eeno giido hanotay ‘wonggeliyaa gishshau ubbabaa oottiyoogee’ koshshiyaaba gidiyoogaa waati qonccissii? (Oosuwaa 16:3; 1 Qoronttoosa 9:​23; 1 Tasalonqqe 2:⁠8)

6. Oosuwaa 18:​1-​11, 18-​22 nabbaba.

   Sabbako oosuwaa kaalettiyoogan Yesuusa maadoy de⁠ˈiyoogaa Oosuwaa 18:​9, 10y waati qonccissii? Hegee ha wodiyan nuussi ay minttettuwaa immii? (Maatiyoosa 28:⁠20)

Taarikiyaa 111

1. Misiliyan beˈiyoogaadan, saˈan zin”ida naˈay oonee? I waanidee?

2. Naˈay hayqqidoogaa beˈidi, PHauloosi ay oottidee?

3. PHauloosi, Ximootiyoosinne hara etaara deˈiyaageeti au biiddi deˈiyoonaa? Eti Miliixen shemppidaashin aybi hanidee?

4. Hananabaa yootiya Agaaboosi PHauloosassi ay yootidee? He hananabaa yootiyaagee odidoogaadan aybi hanidee?

Gujo oyshata:

1. Oosuwaa 20:​7-​38 nabbaba.

   1. Oosuwaa 20:​26, 27n deˈiya PHauloosa qaalaadan, nuuni waanidi ubba asaa suuttan achchettennaageeta gididi deˈana danddayiyoo? (Hizqqeela 33:8; Oosuwaa 18:​6, 7)

   2. Gubaaˈe cimati tamaarissiiddi ‘ammanettiya deˈoy beettiyo timirttiyaara giigiya qaalaa mintti oyqqanau’ ayssi koshshidee? (Oosuwaa 20:​17, 29, 30; Tiitu 1:​7-9; 2 Ximootiyoosa 1:​13)

2. Oosuwaa 26:​24-​32 nabbaba.

   PHauloosi Roome biitta asa gidiyo maataa, Yesuusappe imettida sabbakiyo oosuwaa polanau waati goˈettidee? (Oosuwaa 9:​15; 16:​37, 38; 25:​11, 12; 26:32; Luqaasa 21:​12, 13)

Taarikiyaa 112

1. PHauloosi toggido markkabee Qarxxeesa haruuruwaa mataara aadhdhiiddi waanidee?

2. PHauloosi markkabe giddon deˈiyaageeta woygidee?

3. HMarkkabee waanidi meqerettana danddaydee?

4. Naagiya wotaaddaratu halaqay woygi azazidee? Aappun asay haattaappe gaxi saruwan kiyidee?

5. Eti kiyidi shemppido haruuroy ayba geetettii? Carkkoy woppu giido wode PHauloosa waatidonaa?

Gujo oyshata:

1. Oosuwaa 27:​1-​44 nabbaba.

   Geeshsha Maxaafan xaafettidabatu tumatettaassi deˈiya nu ammanoy, PHauloosi Roome biido hanotaa odiya taarikiyaa nabbabiyo wode waani minnii? (Oosuwaa 27:​16-​19, 27-​32; Luqaasa 1:3; 2 Ximootiyoosa 3:​16, 17)

2. Oosuwaa 28:​1-​14 nabbaba.

   Eeqau goynniya Malttan deˈiya asay, PHauloosanne aara issippe, meqqida markkabiyaappe kiyida asaa ‘daro kehaa kehidi’ mokkidaba gidikko, hegee, Kiristtaaneti ay oottanaadan denttettii? (Oosuwaa 28:​1, 2; Ibraawe 13:​1, 2; 1 PHeexiroosa 4:​9)

Taarikiyaa 113

1. PHauloosi Roomen qashuwan takkido wode oossi sabbakidee?

2. Ha misiliyan, Xaraphpheezzaa matan deˈiyaagee oonee? I PHauloosassi ay oottiiddi deˈii?

3. Eppafiroditoosi oonee? I simmidi Piliphphisiyuusa biiddi, ay ekki biidee?

4. PHauloosi ba mata laggiyaa Pilimoonassi dabddaabbiyaa ayssi xaafidee?

5. PHauloosi qashuwaappe birshshettidi ay oottidee? I takkidi waanidee?

6. Yihooway Geeshsha Maxaafan wurssetta maxaafaa ooni xaafanaadan oottidee? Ajjuutaa maxaafay ay yootii?

Gujo oyshata:

1. Oosuwaa 28:​16-​31⁠nne Piliphphisiyuusa 1:​13 nabbaba.

   PHauloosi Roomen qashettidi deˈiyo wode, ba wodiyaa waati goˈettidee? Assi deˈiya mino ammonoy Kiristtaane gubaaˈiyaa aybin maaddidee? (Oosuwaa 28:​23, 30; Piliphphisiyuusa 1:​14)

2. Piliphphisiyuusa 2:​19-​30 nabbaba.

   Ximootiyoosanne Eppafiroditoosa xeelliyaagan PHauloosi woygidi galatidee? PHauloosa leemisuwaa nuuni waati kaallana danddayiyoo? (Piliphphisiyuusa 2:​20, 22, 25, 29, 30; 1 Qoronttoosa 16:18; 1 Tasalonqqe 5:​12, 13)

3. Pilimoona 1-​25 nabbaba.

   1. Pilimooni oottana bessiyoobaa zoranau PHauloosa denttettiday aybee? Hagee, ha wodiyan deˈiya gubaaˈiyaa cimati kallana bessiyaaba gididi waani go”ii? (Pilimoona 9; 2 Qoronttoosa 8:8; Galaatiyaa 5:​13)

   2. PHauloosi Pilimoona 13, 14n giidobay, gubaaˈe giddon deˈiya hara asatussi deˈiya eta zoriya wozanaa i bonchchiyoogaa waati qonccissii? (1 Qoronttoosa 8:​7, 13; 10:​31-​33)

4. Naa”antto Ximootiyoosa 4:​7-9 nabbaba.

   Yesuusi kiittido PHauloosadan nuuni wurssettay gakkanaashin gencciyaaba gidikko, Yihooway nuussi woyttuwaa immanaagaa waani ammanettana danddayiyoo? (Maatiyoosa 24:13; Ibraawe 6:​10)

Taarikiyaa 114

1. Geeshsha Maxaafay saluwan pari deˈiyoogaa ayssi yootii?

2. Saˈan deˈiya iita asaara Xoossay olettiyo olay ayba geetettii? He olay koshshidoy ayba halchchuwaassee?

3. Misiliyan beˈiyoogaadan, olaa kaalettiyoogan sintta xeera Gidanay oonee? I kallachchaa ayssi wottidee? I oyqqido bisoy ay malaatii?

4. Taarikiyaa 10, 15⁠nne 33 beˈiyoogaadan, Xoossay iita asaa xayssanaagan nuuni garamettana bessennay aybissee?

5. Iita asay Xoossaayyo goynniyaabadan haasayiyaaba gidikkonne, Taarikiyaa 36⁠ynne 76y i eta xayssanaagaa waati bessii?

Gujo oyshata:

1. Ajjuutaa 19:​11-​16 nabbaba.

   1. Geeshsha Maxaafay, bootta paraa toggidaagee Yesuusa gidiyoogaa waati qonccissii? (Ajjuutaa 1:5; 3:​14; 19:11; Isiyaasa 11:⁠4)

   2. Yesuusa maayuwaa bolli deˈiya suuttay, i wurssi xoonanaagee sirissennaba gidiyoogaa waati ammanttii? (Ajjuutaa 14:​18-​20; 19:13)

   3. Bootta paraa toggida Yesuusa kaalliya olanchchati, haraati oonee? (Ajjuutaa 12:​7; 19:14; Maatiyoosa 25:​31, 32)

Taarikiyaa 115

1. Nuuni saˈaa bolli Gannatiyan, ayba hanotan ufayttiiddi deˈanaagaa Geeshsha Maxaafay qonccissii?

2. Gannatiyan deˈanaageetussi ayba hidootaa Geeshsha Maxaafay yootii?

3. Yesuusi ha garamissiyaa laamee polettanaadan oottanay audee?

4. Yesuusi saˈan deˈiiddi, Xoossaa Kawotettaa Kawo gidiyo wode i oottanabaa ay bessidee?

5. Yesuusinne aara issippe haariyaageeti, saluwan uttidi saˈaa haariyo wode, aybi deˈanaadan oottanee?

Gujo oyshata:

1. Ajjuutaa 5:​9, 10 nabbaba.

   SHaˈu Layttaa Haaruwaa wode saˈaa haariyaageeti, maariyaanne qarettiya kawotanne qeeseta gidanaagaa waani ammanettana danddayiyoo? (Efisoona 4:​20-​24; 1 PHeexiroosa 1:7; 3:⁠8; 5:​6-​10)

2. Ajjuutaa 14:​1-3 nabbaba.

   Aawaa sunttaynne Dorssaa sunttay 144,000tu som”uwan xaafettidoogee ay malaatii? (1 Qoronttoosa 3:​23; 2 Ximootiyoosa 2:⁠19; Ajjuutaa 3:​12)

Taarikiyaa 116

1. Nuuni merinau deˈanau, ay erana koshshii?

2. Misiliyan deˈiya naˈiyaanne i laggeti oottiyoogaadan, Xoossaa Yihoowabaanne Yesuusabaa waati erana danddayiyoo?

3. Misiliyan hara ay maxaafaa beˈay? Nuuni, a ubbatoo ayssi nabbabana koshshii?

4. Merinaa deˈuwaa demmanau, Yihoowabaanne Yesuusabaa eriyoogaappe haraa ay koshshii?

5. Taarikiyaa 69⁠ppe ayba timirttiyaa demmiyoo?

6. Taarikiyaa 55y, guutta naˈaa Sameelabaa ayba lo”o leemisuwaa bessii?

7. Nuuni Yesuus Kiristtoosa leemisuwaa waani kaallana danddayiyoo? Hegaadan oottiyaaba gidikko, sinttappe ay oottana danddayiyoo?

Gujo oyshata:

1. Yohaannisa 17:3 nabbaba.

   Xoossaa Yihoowanne Yesuus Kiristtoosa xeelliyaagan eraa demmiyoogee, guugge eraappe aadhdhiyaabaa gujjiyoogaa Geeshsha Maxaafay waati bessii? (Maatiyoosa 7:​21; Yaaqooba 2:​18-​20; 1 Yohaannisa 2:​17)

2. Mazamure 145:​1-​21 nabbaba.

   1. Nuuni Yihoowa sabbanaadan oottiya daro gaasotuppe amaridaageeti augeetee? (Mazamure 145:​8-​11; Ajjuutaa 4:​11)

   2. Yihooway “ubbau keha” gididoy aybiinee? Hegee nuuni kaseegaappekka aaruwan akko shiiqanaadan waatidi oottii? (Mazamure 145:9; Maatiyoosa 5:​43-​45)

   3. Yihoowa wozanappe dosiyaaba gidikko, hegee nuna ay oottanau denttettii? (Mazamure 119:​171, 172, 175; 145:​11, 12, 21)