UBBAA DANDDAYIYA XOOSSAY saluwaanne saꞌaa Godaa. Nu haꞌꞌi deꞌoynne sinttanaa deꞌoy baasettidoy aana. Ayyo woytiyoonne qaxxayiyo wolqqay deꞌees. Deꞌuwaa immiyoonne xayssiyo wolqqay au deꞌees. Nuuni a ufayssiyaaba gidikko, loꞌꞌobaa demmana; a ufayssennaba gidikko, nuna iitabay gakkana. Nu goynoy a ufayssiyaaba gidiyoogee keehippe koshshiyaaba!

Asay daro qommo goynuwaa goynnees. Haymaanootee ogiyan leemisettidaba gidikko, ubba haymaanootee kaalliyo ogee Xoossaa ufayssii? CHii, ubbay ufayssenna. Xoossay kiittin hananabaa yootiya Yesuusi, naaꞌꞌu oge xallay deꞌiyoogaa yootiis. I hagaadan giis: “Un77o penggiyaara gelite. Aissi giikko, bashshau efiya penggee aaho; ogeekka woggaa. Hegaara geliya asaikka daro. Aissi giikko, de7uwau efiya penggee un77o; ogeekka xuntta. Qassi hegaara biya asatikka amaridaageeta.”—Maatiyoosa 7:13, 14.

Haymaanootee naaꞌꞌan shaahettees: issoy deꞌuwau kaalettees; haray qassi bashshau kaalettees. Ha brooshuree giigido halchoy merinaa deꞌuwau kaalettiya ogiyaa neeni demmanaadan maaddanaassa.