Geeshsha Maxaafaa Ay Mala Maxaafadan Xeellay?
Ne zaaroy awugee?
-
Asa qofa oyqqida maxaafadan xeellays.
-
Hayse maxaafadan xeellays
-
Xoossaa Qaaladan xeellays.
GEESHSHA MAXAAFAY YOOTIYOOBAA
“Xoossaa maxaafa ubban Xoossaa Ayyaanai de7ees.”—2 Ximootiyoosa 3:16.
HEGAA AMMANIYOOGEE NEENA GOꞌꞌIYO OGIYAA
Neeni oychiyo gita oyshatuyyo aliya zaaruwaa demmaasa.—Leemiso 2:1-5.
Deꞌuwan galla galla ammanttiya kaaletuwaa demmaasa.—Mazamure 119:105.
Sintta wodiyau ammanttiya hidootay deꞌiyoogaa gidaasa.—Roome 15:4.
GEESHSHA MAXAAFAY YOOTIYOOBAA AMMANANA DANDDAYIYOO?
Ee, hegau guuxxiis giishin heezzu gaasoy deꞌees:
-
Maalaalissiya ogiyan maayettees. Geeshsha Maxaafaa 40 gidiya asati, 1,600 laytta giddon xaafidosona. Etappe daroti issoy issuwaara mule gayttibookkona. Gidikkokka, kumetta maxaafaa qofay issi waanna huuphe yohuwaa qonccissiyo gishshau maayettees.
-
Tumu taarikiyaa. Taarikiyaa xaafiyaageeti bantta biittaa asay xoonettidoogaa darotoo qonccissokkona. Hegaappe dumma ogiyan, Geeshsha Maxaafaa xaafidaageeti banttaagaanne bantta biittaa asaa mooruwaa aybanne genttennan xaafidosona.—2 Hanidabaa Odiya 36:15, 16; Mazamure 51:1-4.
-
Ammanttiya hiraagaa. Geeshsha Maxaafay beni Baabiloone katamay xayanaagaa 200 laytta gidiya wodiyaa kasetidi yootiis. (Isiyaasa 13:17-22) Geeshsha Maxaafay Baabiloone katamaa kunddettaa xalla gidennan, he katamaa xoonana bitaniyaa sunttaakka qonccissiis!—Isiyaasa 45:1-3.
Geeshsha Maxaafan odettida hara daro hiraagatikka guuttaba milatiyaabaykka attennan polettidosona. Yaatin hagee Xoossaa Qaalay yootiyoobaara gayttidaagan nuuni naagana bessiyaaba gidennee?—2 PHeexiroosa 1:21.
QOPPANA KOSHSHIYAABAA
Xoossaa Qaalay ne deꞌoy kaseegaappe loꞌꞌanaadan oottana danddayiyoy ayba ogiyaanee?
Geeshsha Maxaafan ISIYAASA 48:17, 18ninne 2 XIMOOTIYOOSA 3:16, 17n ha oyshaa zaaroy deꞌees.
Hageeta Beꞌadii?
GEESHSHA MAXAAFAABAA OYCHCHIYOOBATU ZAARUWAA
Geeshsha Maxaafay Aybee?
Xoossaa Qaalaa geetettiyaagaa ufayssan nabbabiyoogaa doomma.
NUBAA
Geeshsha Maxaafaa Xannaꞌana Koshshiyoy Aybissee?
kumetta saꞌan deꞌiya miilooniyan qoodettiya asay oychchiyo gita oyshatu zaaruwaa Geeshsha Maxaafay yootees. Neenikka etaagaadan zaaruwaa demmana koyay?
NUBAA
Geeshsha Maxaafaa Tamaaranawu Oychcha
Geeshsha Maxaafaabaa woy Yihoowa Markkatubaa loytta erana.
