SHAAHO 3
Beni Gannatiyan Deꞌoy Aymalee?
Yihooway Addaameyyoonne Hewaaniyyo darobaa immiis. Doomettaabaa 1:28
Xoossay Hewaano medhidi, Addaameyyo macho oottidi immiis.—Doomettaabaa 2:21, 22.
Yihooway eta polo asatettaynne polo guuggee deꞌiyoogeeta oottidi medhiis.
Eti shaafay, ayfiyaa ayfiya mittati, doꞌaynne mehee deꞌiyo keehippe loꞌꞌiya Edene Gannatiyan deꞌidosona.
Yihooway eta haasayissiisinne tamaarissiis. Eti i yootiyoobaa siyidaba gidiyaakko, saꞌaa bolli Gannatiyan merinau deꞌana.
Xoossay issi mittaa ayfiyaa mooppite giis. Doomettaabaa 2:16, 17
Kiitanchatuppe issoy Xoossaa bolli makkaliis. He iita kiitanchay Seexaanaa Dabloosa.
Yihooway gannatiyaa giddon deꞌiya, ayfiyaa ayfiya issi mittaa Addaamanne Hewaano bessidi, eti he mittaa ayfiyaa miikko hayqqanaagaa yootiis.
Addaameenne Hewaana Yihoowau azazettanaadan Seexaanay koyibeenna. Yaatiyo gishshau, Hewaana he mittaa ayfiyaa miikko hayqqennaagaa, ubba Xoossadan hananaagaa shooshshaa baggaara iyyo yootiis. Hegee worddo gidiyoogee qoncce.—Doomettaabaa 3:1-5.
Hageeta Beꞌadii?
GEESHSHA MAXAAFAN DEꞌIYA WAANNA TIMIRTTETA
Xoossay Saꞌaa Medhdhidoy Aybissee?
Nuuni deꞌiyo alamee loꞌꞌiyaaban kumiis. I saꞌay awa ayfiyaappe haakkidi deꞌiyoosaanne yuuyiyo eesuwaa likkiyaa koshshiyaagaadan oottiis. Xoossay saꞌaa medhdhanawu hegaa keena daafuridoy aybisee?
