SHAAHO 14
Yihoowayyo Ammanettiyoogaa Waatada Bessana Danddayay?
Xoossaa bagga gida. 1 PHeexiroosa 5:6-9
Geeshsha Maxaafaara moggenna meeziyaappe haakka. Hegaadan oottanau xalatettaa koshshees.
Kawotettatu polotika allaalliyan geloppa; eti Yihoowanne a Kawotettaa kaafokkona.
Maatiyoosa 7:24, 25
Xoossay yootiyoobaa siya; hegee keehippe koshshiyaaba.Yihoowa Markkatuura dabbota; eti neeni Xoossaakko shiiqanaadan maaddana.
Xoossaabaa tamaariyoogaa aggoppa; qassi au azazettanau baaxeta.
Ne ammanoy minniyo wode, ne huuphiyaa Yihoowayyo geppada xammaqettana koshshees.—Maatiyoosa 28:19.
Xoossay yootiyoobaa siya. Geeshsha Maxaafaa nabbaba; neeni nabbabidobaa akeekanau maaddana mala Yihoowa Markkata oycha. Yaatada, tamaaridobaa oosuwan peeshsha. Hegaadan oottikko neeni merinau deˈana.—Mazamure 37:29.