SHAAHO 1
Xoossay Yootiyoobaa Waatidi Siyana Danddayiyoo?
Xoossay Geeshsha Maxaafaa baggaara ba qofaa nuuyyo yootees. 2 Ximootiyoosa 3:16
Tumu Xoossay issi dumma maxaafan ba qofaa xaafanaadan issi issi asata denttettiis. He maxaafay Geeshsha Maxaafaa. Neeni eranaadan Xoossay koyiyo keehi koshshiya qofay an dees.
Nuuyyo keehi loꞌꞌo gididabaa Xoossay erees; qassi i aadhida eratetta ubbau pultto. I yootiyoobaa siyiyoogan neeni tumuppe aadhida erancha gidaasa.—Leemiso 1:5.
Xoossay saꞌan deꞌiya ubbay Geeshsha Maxaafaa nabbabanaadan koyees. Ha wodiyan Geeshsha Maxaafay daro qaalan dees.
Neeni Xoossay yootiyoobaa siyana koyikko, Geeshsha Maxaafaa nabbabananne akeekana koshshees.
Ubbasan deꞌiya asay siyiiddi deꞌees. Maatiyoosa 28:19
Neeni Geeshsha Maxaafaa akeekanaadan Yihoowa Markkati maaddana danddayoosona.
Saꞌa ubban eti Xoossaabaa tumaa tamaarissoosona.
Neeni he timirttiyau miishsha qanxxana koshshenna. Ne heeran deꞌiya, Yihoowa Markkatu Kawotettaa Addaraashankka Xoossaabaa tamaarana danddayaasa.
Hageeta Beꞌadii?
GEESHSHA MAXAAFAN DEꞌIYA WAANNA TIMIRTTETA
Geeshsha Maxaafaa Xaafissiday Oonee?
Hegaa xaafiday asaa gidikko, Xoossaa Qaalaa gaana danddayiyoo? Geeshsha Maxaafan deꞌiya qofay oogee?
NUBAA
Geeshsha Maxaafaa Waati Xannaꞌiyoo?
Yihoowa Markkati miishsha qanxxissennan kumetta alamiyan hagaadan Geeshsha Maxaafaa xannaꞌissoosona. Waati xannaꞌissiyaakko beꞌa.
MAXAAFATA & BROOSHURETA
Geeshsha Maxaafaa ay Mala Maxaafadan Xeellay?
Geeshsha Maxaafay asa era oyqqida maxaafeeyye Xoossaa Qaalee?
