TIMIRTTE 14
Xoossaa Ufayssiya Ogiyan Goynnanawu Waatana Danddayiyoo?
Hagaappe kasetiya timirttiyan beˈidoogaadan, Xoossaa ufayssiyaageeti ubba haymaanooteta gidokkona. SHin nuna Medhdhidaagaa ufayssiya ogiyan ayyo goynnana danddayoos. A ufayssiya “ammanoi” awugee? (Yaaqooba 1:27) Geeshsha Maxaafay tamaarissiyoobaa beˈa.
1. Nu goynuwawu kaaleto gidana koshshiyaabay aybee?
Nu goynuwawu kaaletoy Geeshsha Maxaafaa gidana koshshees. Yesuusi Xoossawu, ‘Ne qaalay tuma’ yaagiis. (Yohaannisa 17:17) Xoossaa Qaalan, Geeshsha Maxaafan deˈiya tumaa issi issi haymaanooteti kaallokkona. Eti hegaa asa timirttiyaaninne wogan laammidosona. SHin ‘Xoossaa azazuwaa yeggi bayiyaageetun’ Yihooway ufayttenna. (Marqqoosa 7:9 nabbaba.) Nuuni Geeshsha Maxaafaanne an deˈiya zoriyaa mintti kaalliyo wode Yihoowa ufayssoos.
2. Nuuni Yihoowawu waati goynnana koshshii?
Yihooway nuna Medhdhidaagaa gidiyo gishshawu, nuuni A xalaalawu goynnana bessees. (Ajjuutaa 4:11) Hegaa giyoogee, nuuni A siiqananne ayba eeqa woy ayba misilenne goˈettennan, A xalaalawu goynnana bessees giyoogaa.—Isiyaasa 42:8 nabbaba.
Nu goynoy Yihoowa ‘ufayssiyaagaanne geeshsha’ gidana koshshees. (Roome 12:1) Hegaa giyoogee, nuuni A higgetussi azazettana koshshees giyoogaa. Leemisuwawu, Yihoowa siiqiyaageeti I aqo deˈuwawu kessido maaraa siiqoosonanne azazettoosona. Qassi eti tambbuwaa uyiyoogaa, jallissiyaabaa woy hara xaliyaa bessenna ogiyan goˈettiyoogaa woy ushshaa likkiyaappe aattidi uyiyoogaa mala iitabaa oottokkona. a
3. Nu mala Kiristtaanetuura Yihoowawu goynnana bessiyoy aybissee?
Saaminttan saaminttan shiiqiyo shiiqotun “yaa7an . . . [Yihoowa] galatana” danddayoos. (Mazamure 111:1, 2) Hegaadan oottiyo issi ogee Xoossaa sabbanawu yexxiyoogaa. (Mazamure 104:33 nabbaba.) Yihooway nuna siiqiyo gishshawunne shiiqoti nuuni merinawu ufayttidi deˈanaadan maaddanaagaa eriyo gishshawu, nu shiiqanaadan koyees. SHiiqotun nuuni issoy issuwaa minttettoos.
LOYTTA AKEEKA
Asay misiliyaa goˈettidi awu goynniyoogan Yihooway ufayttennay aybissakko akeeka. Nuuni Xoossaa sabbana koshshiyo ogeta akeeka.
4. Nuuni misileta goˈettidi goynnana bessenna
Yaatiyoogee Xoossaa ufayssennaagaa aybin eriyoo? BIIDUWAA beˈite, yaatidi kaallidi deˈiya oyshaa tobbite.
-
Beni wode Xoossaa asaappe amaridaageeti eeqaa maaduwan awu goynnanawu malido wode aybi hanidee?
Issi issi asay misileta goˈettidi goynniyoogan Xoossaara dabbotiyaabadan qoppees. SHin yaatiyoogee issi ura appe haassana gaada qoppikkii? Kessaabaa 20:4-6nne Mazamure 106:35, 36 nabbabite; yaatidi ha oyshata tobbite:
-
Asay goynuwawu ayba miishshata woy misileta goˈettiyoogaa beˈadii?
-
Misileta goˈettiyoogaa Yihooway waati xeellii?
-
Misileta goˈettiyoogaa ne waata xeellay?
5. Nuuni Yihoowa xallawu goynnikko, worddo qofaa muleera aggoos
Nuuni Yihooway koyiyoogaadan awu goynniyo wode worddo qofaa waatidi muleera aggana danddayiyaakko akeeka. BIIDUWAA beˈite.
Mazamure 91:14 nabbabite; yaatidi ha oyshaa tobbite:
-
Nuuni Yihoowa xalaalawu goynniyoogan A siiqiyoogaa bessiyo wode I nuussi ay oottanawu qaalaa gelidee?
6. Galchchaa shiiqotun nuuni Xoossawu goynnoos
Nuuni galchchaa shiiqotun mazamuriyaa yexxiyoogaaninne oyshaa zaariyoogan Yihoowa sabboosinne issoy issuwaa minttettoos. Mazamure 22:22 nabbabite; yaatidi ha oyshata tobbite:
-
SHiiqotun siyido qofan ufaytta eray?
-
Qofaa yootanawu giigettanawu koyay?
7. Nuuni eridobaa haratuyyo yootiyo wode Yihooway ufayttees
Nuuni Geeshsha Maxaafaa tumaa haratuyyo yootana danddayiyo daro ogeti deˈoosona. Mazamure 9:1nne 34:1 nabbabite; yaatidi ha oyshaa tobbite:
-
Neeni haratuyyo yootanawu koyiyoobaa Geeshsha Maxaafaappe ay eradii?
ISSI ISSI ASAY HAGAADAN GEES: “Xoossaa ufayssiyoogee danddayettennaba.”
-
Ne qofay aybee?
AY AKEEKADII?
Nuuni nuna Medhdhidaagaa xallawu goynniyo wode, galchchaa shiiqotun A sabbiyo wodenne nu eridobaa haratuyyo yootiyo wode I ufayttees.
Zaaretuwaa
-
Xoossay nuuni awu waati goynnanaakko aybin qonccissidee?
-
Nuuni Yihoowa xallawu goynnana koshshiyoy aybissee?
-
Xoossaa ufayssanawu koyiyaageetuura nuuni awu goynnana koshshiyoy aybissee?
PILGGA
Issi maccaasee deˈuwan hanidabaa yootiya “Eeqaawu Haarettiyoogaa Aggaas“ giyaagan, A eeqawu goynniyoogaa waata aggidaakko nabbaba.
“Geeshsha Maxaafay Asay Laamettanaadan Oottees” (Wochchiyo Keelaa huuphe yohuwaa)
Galchchan shiiqotun qofaa yootanaadan nena aybi maaddana danddayiyaakko akeeka.
“Gubaaˈiyan Yihoowa Sabba” (Wochchiyo Keelaa, Ichchashe 2019)
Issi yelagay galchchaa shiiqota shiiqanawu metootiyaaba gidikkonne, shiiqiyoogan I waani goˈettidaakko akeeka.
Daro asay masqqalee Kiristtaane haymaanootiyawu malaata giidi ammanees; shin nuuni goynuwawu hegaa goˈettana koshshii?
“Yihoowa Markkati Goynuwawu Masqqaliyaa Goˈettennay Aybissee?” (Nu websaytiyan deˈiyaaba)
a Hegeeta guyyeppe hara timirttetun beˈana.
Hageeta Beˈadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaˈissiyoy Ayba Ogiyaanee?
Yihoowa Markkati miishsha qanxxissennan xannaˈissiyo prograamiyan, Geeshsha Maxaafaa birshshettaa awugaakka goˈettana danddayaasa. Ne so asa ubbaynne ne laggetikka nenaara xannaˈanaadan shoobbana danddayaasa.
