Ha Geeshsha Maxaafaa timirttiyan keehi goꞌettanawu waatana danddayay?
Timirttiyaa ubbaa xaaxi waaxiya ha qofaa akeeka; yaatada BIIDUWAA beꞌa.
KOYRO SHAAHUWAA
Timirtteta ubbaa giigettanawu koyro shaahuwaa nabbaba. Borxxu giidi xaafettida oyshata (A) gujjada menttota ubbaanne waanna qofata qonccissiya xiqiseta (B) nabbaba. Amarida xiqiseti “nabbaba” woy “nabbabite” geetettidoogaa akeeka.
GIDDO SHAAHUWAA
Loytta Akeeka giyaagan deꞌiya koyro qofay (C) kaallidi qonccissanabaa yootees. Sima huuphe yohoti (D) waanna qofata erissoosona. Nena tamaarissiya uraara xiqiseta nabbaba, oyshata zaara, qassi biidota beꞌa.
Timirttetun deꞌiya BIIDOTINNE CENGGURSSAN DUUQQETTIDABATI, neeni xannaꞌiyoobaa loytta akeekanaadan maaddoosona. Amarida biidoti nu ishantta tumuppe gakkidabaa bessoosona. harati qassi hanana danddayiyaabaa bessoosona.
Misiletanne misiletu qonccissota (E) loytta akeeka, qassi Issi Issi Asay Hagaadan Gees (F) giyaagaa woyga zaaranaakko qoppa.
WURSSETTA SHAAHUWAA
Ay Akeekadii? qassi Zaaretuwaa (G) giyaageetun timirttee kuuyettees. Timirttiyaa wurssido gallassaa xaafa. Halchchanabaa (H) giyaagee ne oottanabaa yootees. Neeni gujjada nabbabanawu woy beꞌanawu koyiyoobati Pilgga (I) giyaagan deꞌoosona.
Kesuwaa
|
|
|
|
Xiqisiyaa waati koyana danddayiyoo?
Geeshsha Maxaafan 66 maxaafati deꞌoosona. Geeshsha Maxaafan naaꞌꞌu kifileti deꞌoosona: Hegeetikka Doomettaabaa-Milkkiyaasanne (“Galꞌꞌa Maachaa”) Maatiyoosa-Ajjuutaa (“Ooratta Maachaa”).
Ha timirttiyan issi xiqisee odettiyo wode, Geeshsha Maxaafan deꞌiya maxaafaa (A) sunttay, appe kaallidi shemppoy (B), qassi paydoy woy paydoti (C) xaafettoosona.
Leemisuwawu, Yohaannisa 17:3y Yohaannisa maxaafaa, shemppo 17, paydo 3 bessees.
Hageeta Beꞌadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaꞌissiyoy Ayba Ogiyaanee?
Yihoowa Markkati miishsha qanxxissennan xannaꞌissiyo prograamiyan, Geeshsha Maxaafaa birshshettaa awugaakka goꞌettana danddayaasa. Ne so asa ubbaynne ne laggetikka nenaara xannaꞌanaadan shoobbana danddayaasa.
