TIMIRTTE 13
Worddo Haymaanootee Xoossaa Bonchchissenna
Xoossay siiqo. SHin, A sunttan yootaysinne oottays giya haymaanooteti daro iitabaa oottoosona. Waani hegaadan hanii? He haymaanooteti worddo. Eti oottiyoobaynne yootiyoobay asay Xoossaa xeelliyaagan worddobaa ammananaadan oottees. Eti Xoossaa xeelliyaagan waati worddotiyoonaa? Hegee I waananaadan oottii? Qassi I waatanee?
1. Worddo haymaanootee Xoossaa xeelliyaagan waatidi worddobaa tamaarissidee?
Worddo haymaanooteti “Xoossaa tumatettaa wordduwan laammidosona.” (Roome 1:25) Leemisuwawu, daro haymaanooteti bantta asaa Xoossaa sunttaa tamaarissokkona. Gidikkonne, Geeshsha Maxaafay Xoossaa sunttaa xeesana bessiyoogaa yootees. (Roome 10:13, 14) Haymaanootiyaa kaalettiya amaridaageeti iitabay gakkiyo wode, hegee Xoossaa shene yaagoosona. SHin hegee worddo. Iitabay gakkanaadan oottiyay Xoossaa gidenna. (Yaaqooba 1:13 nabbaba.) Haymaanootiyaa worddoy asay Xoossaa siiqanawu metootanaadan oottiis; hegee keehi azzanttees.
2. Worddo haymaanootee waatidi Xoossaa sunttan worddobaa oottii?
Worddo haymaanootee asawu oottiyoobay Yihoowaagaa mala gidenna. Geeshsha Maxaafay worddo haymaanootiyaa “nagarai saluwaa gakkanau dooretti” uttidoogaa yootees. (Ajjuutaa 18:5) Daro xeetu layttawu, haymaanooteti polotikan kelttiyaa gelidosona; olaa wode maaddidosona; yaatiyoogan zawi baynna daro asay hayqqanaadan oottidosona woy eta woranaadan maayettidosona. Haymaanootiyaa kaalettiya amaridaageeti duretanawu koyiyo gishshawu, bantta asaa miishshaa oychchoosona. Hegee eti Xoossaa erennaagaa bessiyo gishshawu, A sunttan tamaarissanawu etawu maati baawa.—1 Yohaannisa 4:8 nabbaba.
3. Xoossay worddo haymaanootiyaa waati xeellii?
Worddo haymaanootee oottiyooban neeninne yiillotana shin, Yihooway waanana gaada qoppay? I asaa siiqees; siiqiyaaba gidikkonne, haymaanootiyaa kaalettiya, abaa worddobaa tamaarissiyaanne bantta asaa naaqqiyaageetuban hanqqettees. I worddo haymaanootee xayanaagaanne ‘sinttanawu mulekka beettennaagaa’ yootiis. (Ajjuutaa 18:21) Xoossay worddo haymaanoote ubbaa matan xayssana.—Ajjuutaa 18:8.
LOYTTA AKEEKA
Xoossay worddo haymaanootiyaa waati xeelliyaakko loytta pilgga. Worddo haymaanootee oottidobaa gujjada era, shin hegee neeni Yihoowa erennaadan diggana koshshennay aybissakkokka akeeka.
4. Xoossaa ufayssiyay ubba haymaanootiyaa gidenna
Daro asay haymaanooteti Xoossaakko efiya dumma dumma oge mala giidi qoppees. SHin hegee tumee? Maatiyoosa 7:13, 14 nabbabite; yaatidi ha oyshaa tobbite:
-
Deꞌuwawu efiya ogiyaabaa Geeshsha Maxaafay woygii?
BIIDUWAA beꞌite, yaatidi kaallidi deꞌiya oyshaa tobbite.
-
Geeshsha Maxaafay Xoossaa ufayssiya haymaanooteti daro gii?
5. Worddo haymaanootee oottiyoobay Xoossaa siiquwaa bessenna
Haymaanooteti Xoossaabaa worddotiyo ogeti daro. Hegeetuppe keehi iitabay eti olaa wode maaddiyoogaa. Hegawu leemiso gidiya issi BIIDUWAA beꞌite. Yaatidi kaallidi deꞌiya oyshata tobbite.
-
Woosa keettati Naaꞌꞌantto Alamiyaa Olaa wode ay oottidonaa?
-
Eti oottidobaa ne waata xeellay?
Yohaannisa 13:34, 35; 17:16 nabbabite. Yaatidi ha oyshata tobbite:
-
Haymaanooteti olaa wode maaddiyoogaa Yihooway waati xeellees gaada qoppay?
-
Daro iita oosotuyyo gaasoy worddo haymaanootiyaa. Haymaanooteti Xoossaa siiquwaa ayba ogetun bessibeennaagaa akeekadii?
Worddo haymaanootee oottidobay Xoossaa siiquwaa bessenna
6. Asay worddo haymaanootiyaappe kiyanaadan Xoossay maaddanawu koyees
Ajjuutaa 18:4 nabbabite; a yaatidi ha oyshaa tobbite:
-
Xoossay worddo haymaanootee balettidoogeeta maaddanawu koyiyoogaa eriyoogan neeyyo aybi siyettii?
7. Tumu Xoossaabaa aggennan tamaara
Worddo haymaanootee yootiyoonne oottiyo iitabay neeni Xoossaabaa bessennabaa qoppanaadan oottana koshshii? Ba aawawu azazettennan ixxidi, sooppe kiyidanne keehi iitabaa oottida naꞌaabaa qoppa. Aaway ba naꞌay oottidoban ufayttibeenna. He makkalanchcha naꞌaa deꞌuwaa A aawan gaasoyiyoogee bessennaba gidiyoy aybissee?
-
Worddo haymaanootee oottiyoobaa Yihoowan gaasoyidi abaa tamaariyoogaa aggiyoogee bessiyaabee?
ISSI ISSI ASAY HAGAADAN GEES: “Daro metuwawu gaasoy haymaanootiyaa gidiyo gishshawu taani Xoossaabaa siyanawu koyikke.”
-
Neeni hegaadan qoppay?
-
Worddo haymaanootee oottiyoobaa gaasuwan nuuni Yihoowabaa balan qoppana koshshennay aybisee?
AY AKEEKADII?
Worddo haymaanootee ba worddo timirttiyaaninne iita oosuwan Xoossaa sunttaa moorees. Xoossay worddo haymaanootiyaa xayssana.
Zaaretuwaa
-
Worddo haymaanootee tamaarissidobaanne oottidobaa waata xeellay?
-
Worddo haymaanootiyaa Yihooway waati xeellii?
-
Xoossay worddo haymaanootiyaa waatanee?
PILGGA
Daro haymaanooteti Xoossaa azzanttiyo naaꞌꞌu ogeta akeeka.
“Haymaanooteti Ubbay Issi Malee? Eti Ubbay Xoossaakko Gattiyoonaa?” (Nu websaytiyan deꞌiyaaba)
Yihooway nuuni haratuura awu goynnanaadan koyiyoy aybissee?
“Haratuura Issippetettan Goynnana Koshshii?” (Nu websaytiyan deꞌiyaaba)
Issi qeesee ba haymaanootee oottiyooban azzaniis. SHin hegee Xoossaabaa tumaa tamaarennaadan A diggibeenna.
“Issi Qeesee Ba Woosa Keettaa Aybissi Aggidee?” (Beegottite! huuphe yohuwaa)
Asay Xoossay nuussi qoppennanne meqettaa iita giidi ammananaadan oottiya worddobaa haymaanooteti daro layttawu tamaarissidosona. He worddotuppe heezzata xeelliyaagan tumaa akeeka.
“Asay Xoossaa Siiqennaadan Oottiya Wordduwaa” (Wochchiyo Keelaa, Ichchashe 1, 2014)
a Gita Baabiloono giyo maccaasiyaa worddo haymaanootiyaa bessiyoogaa nu aybin eriyaakko akeekanawu Wurssetta Qofaa 1 xeella.
Hageeta Beꞌadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaꞌissiyoy Ayba Ogiyaanee?
Yihoowa Markkati miishsha qanxxissennan xannaꞌissiyo prograamiyan, Geeshsha Maxaafaa birshshettaa awugaakka goꞌettana danddayaasa. Ne so asa ubbaynne ne laggetikka nenaara xannaꞌanaadan shoobbana danddayaasa.
