TIMIRTTE 19
Yihoowa Markkati Tumu Kiristtaanee?
Yihoowa Markkati nuuni tumu Kiristtaane gidiyoogaa ammanoos. Aybissi? Nu ammaniyoobawu pulttuwaa, nuna haratuppe dummayiya sunttaanne nuuni issoy issuwaa siiqiyoogaa ane beꞌoos.
1. Yihoowa Markkati ammaniyoobay aybin deꞌii?
Yesuusi ‘Xoossaa qaalay tuma’ yaagiis. (Yohaannisa 17:17) Yesuusaagaadan, Yihoowa Markkati awudekka Xoossaa Qaalan deꞌiyaabaa ammanoosona. Leemisuwawu, Geeshsha Maxaafaa Tamaareta kase geetettiya Yihoowa Markkatu taarikiyaa beꞌa. Geeshsha Maxaafaa tamaareti 1870 heeran Geeshsha Maxaafaa loytti pilggiyoogaa doommidosona. Eti ammaniyoobay woosa keettay tamaarissiyoogaappe dummatikkokka, Geeshsha Maxaafay yootiyoobaa ammanoosona. Yaatidi, eti akeekidobaa haratussi yootiyoogaa doommidosona. a
2. Nuuni Yihoowa Markkata geetettiyoy aybissee?
Yihooway baayyo goynniyaageeta ba markkata yaagees; ayssi giikko, eti abaa tumaa yootoosona. (Ibraawe 11:4–12:1) Leemisuwawu, Xoossay beni wode ba asaa, “Intte ta markkata” yaagiis. (Isiyaasa 43:10 nabbaba.) Yesuusi ‘Ammanettida Markkaa’ geetettiis. (Ajjuutaa 1:5) Yaatiyo gishshawu, 1931n, Yihoowa Markkata geetettanawu kuuyida. Nuuni he sunttan xeesettiyo gishshawu keehi ufayttoos.
3. Yihoowa Markkati Yesuusaagaadan siiqiyoogaa waati bessiyoonaa?
Yesuusi bana kaalliyaageeta keehi siiqiyo gishshawu eti awu so asa mala. (Marqqoosa 3:35 nabbaba.) Hegaadankka, Yihoowa Markkati kumetta saꞌan issi keettaa asa mala. Nuuni issoy issuwaa ishanne michcho giyoy hegaassa. (Pilimoona 1, 2) Qassi nuuni, “Intte ishantta siiqite” giya azazuwaa azazettoos. (1 PHeexiroosa 2:17) Yihoowa Markkati kumetta saꞌan deꞌiya nu ishanttanne michchontta maadoy koshshiyo wode maaddiyoogaa mala daro ogetun hegaadan siiqoos.
LOYTTA AKEEKA
Yihoowa Markkatu taarikiyaa loytta akeeka, qassi nuuni tumu Kiristtaaneta gidiyoogaa qonccissiya naqaashaa beꞌa.
Tumu Kiristtaaneti ammaniyoobay Geeshsha Maxaafan deꞌiyaaba, qassi hegaa haratussi yootoosona
4. Nu ammaniyoobay Geeshsha Maxaafay yootiyooba
Geeshsha Maxaafaa tumay nuussi qoncci qoncci baanaagaa Yihooway kasetidi yootiis. Daaneela 12:4 nabbabite; yaatidi ha oyshaa tobbite:
-
Xoossaa asay Geeshsha Maxaafaa ubbatoo pilggiyo wode ‘daranabay’ aybee?
CHarles Raasila giyo ishaynne hara amarida Geeshsha Maxaafaa tamaareti Xoossaa Qaalaa waati xannaꞌidaakko akeeka. BIIDUWAA beꞌite; yaatidi kaallidi deꞌiya oyshaa tobbite.
-
CHarles Raasilinne aara issippe xannaꞌiyaageeti Geeshsha Maxaafaa waati xannaꞌiyoogaa biiduwaappe akeekadii?
Hagaa eray?
Nu ammaniyo amaridabay issi issitoo yaa geeyiis. Aybissi? Away kiyiyo wode heeran deꞌiyaabay loddan loddan qoncci beettiyoogaadan, Xoossay ba Qaalaa loddan loddan akeekanaadan oottees. (Leemiso 4:18 nabbaba.) Hegaa gishshawu, Geeshsha Maxaafay laamettana xayikkonne, nuuni A loytti akeekiyo wode nu ammaniyoobay kaseegaappe geeyi geeyi bees.
5. Nuuni nu sunttay qonccissiyoobaa oottoos
Nuuni Yihoowa Markkata geetettanawu kuuyidoy aybissee? BIIDUWAA beꞌite; yaatidi kaallidi deꞌiya oyshaa tobbite.
-
Yihoowa Markkata giyo sunttay bessiyaaba gidiyoy aybissee?
Yihooway baayyo asay markkattanaadan dooridoy aybissee? Abaa worddobaa odidobay daro gidiyo gishshawu, I tumu Xoossaa gidiyoogaa eti qonccissanaadaana. Ane he worddotuppe naaꞌꞌaa xallaa beꞌa.
Issi issi haymaanooteti misiliyaa goꞌettidi ayyo goynnanaadan Xoossay koyees giidi bantta asaa tamaarissoosona. Gidoppe attin, Wogaabaa 26:1 nabbabidi, ha oyshata tobbite:
-
Awugee tumee? Eeqata Yihooway waati xeellii?
Haymaanootiyaa kaalettiya amaridaageeti Yesuusi Xoossaa giidi tamaarissoosona. Gidoppe attin, Yohaannisa 20:17 nabbabidi, ha oyshata tobbite:
-
Awugee tumee? Yesuusi Xoossaappe aynne dummatennee?
-
Yihooway ba Markkati babaanne ba Naꞌaabaa tumaa yootanaadan kiittidoogaa erido gishshawu neeyyo aybi siyettii?
6. Nuuni issoy issuwaa siiqoos
Bollaa qommoti issoy issuwaara ohettidoogaadan Kiristtaaneti issuwaa gidana koshshiyoogaa Geeshsha Maxaafay yootees. Koyro Qoronttoosa 12:25, 26 nabbabite; yaatidi ha oyshata tobbite:
-
Tumu Kiristtaaneti issi Kiristtaanee waayettiyo wode waatana koshshii?
-
Yihoowa Markkati siiqettiyo siiquwaabaa neeni ay akeekadii?
Yihoowa Markkati issi biittan waayettiyo wode, kumetta saꞌan deꞌiya Yihoowa Markkati sohuwaara eta maaddanawu baaxetoosona. Hegawu issi leemisuwaa qonccissiya BIIDUWAA beꞌite. Yaatidi kaallidi deꞌiya oyshaa tobbite.
-
Yihoowa Markkati daafaban qohettidaageeta maaddanawu oottiyoobay eti siiqettiyoogawu aybin naqaasha gidii?
Tumu Kiristtaaneti maadoy koshshiyoogeeta siiqiyoogaa bessoosona
ISSI ISSI ASAY HAGAADAN GEES: “Yihoowa Markkatu haymaanootee mati yiidaba.”
-
Yihooway baayyo goynniyaageeta markkata giyoogaa awude doommidee?
AY AKEEKADII?
Yihoowa Markkati tumu Kiristtaaneta. Nuuni Geeshsha Maxaafay yootiyoobaa ammaniya, Yihoowabaa tumaa yootiyaanne awu goynniya kumetta saꞌan deꞌiya issi keettaa asa mala.
Zaaretuwaa
-
Nuuni Yihoowa Markkata geetettanawu kuuyidoy aybissee?
-
Nuuni issoy issuwaara siiqettiyoogaa waati bessiyoo?
-
Yihoowa Markkati tumu Kiristtaanee?
PILGGA
Nu taarikiyaabaa loytta akeeka.
Yihoowa Markkati Oosuwan Bessido Ammanuwaa, SHaaho 1: Xumaappe Kiyiyoogaa 1:00:53
Yihoowa Markkati worddo timirtteta waati qoncciya kessidaakko issi leemisuwaa beꞌa.
Yihoowa Markkatubaa geella ne oychchiyo oyshatussi zaaruwaa demma.
“Yihoowa Markkata Xeelliyaagan Asay Darotoo Oychchiyo Oyshata” (websaytiyaa sinttaa)
Isteveni hara zare asaa keehi ixxiyo gishshawu eta qohiis. I laamettidoy aybissakko akeeka.
“Ta Deꞌoy He Wode Yaa Iiti Iiti Biis” (Wochchiyo Keelaa, Xiqimita 1, 2015)
a Yihoowa asay Geeshsha Maxaafay yootiyoobaa asawu qonccissanawu 1879ppe doommidi Wochchiyo Keelaa attamissidi immoosona.
Hageeta Beꞌadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaꞌissiyoy Ayba Ogiyaanee?
Yihoowa Markkati miishsha qanxxissennan xannaꞌissiyo prograamiyan, Geeshsha Maxaafaa birshshettaa awugaakka goꞌettana danddayaasa. Ne so asa ubbaynne ne laggetikka nenaara xannaꞌanaadan shoobbana danddayaasa.
