TIMIRTTE 21
Mishiraachchuwaa Yootiyaageeti Oonee?
Yihooway nu metuwaa ubbaa ba Kawotettaa baggaara mata wode xayssana. Hegee asay ubbay erana koshshiyo keehi loꞌꞌoba. Yesuusi bana kaalliyaageeti ha loꞌꞌobaa asa ubbawu yootanaadan koyiis! (Maatiyoosa 28:19, 20) Yihoowa Markkati Yesuusi azazidoogaadan waati oottiyoonaa?
1. Maatiyoosa 24:14y ha wodiyan waani polettiiddi deꞌii?
Yesuusi, “Kawotettaa wonggeliyaa mishiraachchoi sa7a ubban odettana” yaagiis. (Maatiyoosa 24:14) Yihoowa Markkati ha keehi koshshiya oosuwaa ufayssan oottoosona. Nuuni kumetta saꞌan 1,000ppe dariya qaalan mishiraachchuwaa yootoos! Ha gita oosoy minnidi issippetettan oottana koshshiyaaba. Hegee Yihooway maaddennan oottana danddayiyooba gidenna.
2. Nuuni asawu markkattanawu oottiyoobati aybee?
Nuuni asaa demmiyo soho ubban markkattoos. Nuuni beni wode Kiristtaanetuugaadan, “asa son” ubban mishiraachchuwaa yootoos. (Oosuwaa 5:42) Yaatiyoogan, layttan layttan daro miiloone asaara haasayoos. Asay issi issitoo son deꞌenna gishshawu, asay kanttiyo daro sohotunkka markkattoos. Haratussi Yihoowabaanne A halchchuwaabaa yootana danddayiyo hanotata ubbatoo koyoos.
3. Mishiraachchuwaa yootana bessiyay oonee?
Tumu Kiristtaaneti ubbay mishiraachchuwaa haratussi yootana bessees. Nuuni nu oosuwaa keehi bonchchoos. Markkattiyoogee asaa shemppuwaa ashshana danddayiyoogaa nuuni eriyo gishshawu, nuussi danddayettida ubban he oosuwaa oottoos. (1 Ximootiyoosa 4:16 nabbaba.) Ha oosuwawu nuussi miishshi imettenna; ayssi giikko, Geeshsha Maxaafay, “Intte coo ekkideta; coo immite” yaagees. (Maatiyoosa 10:7, 8) Nu yootiyoobaa siyay ubba asaa gidenna. SHin nuuni markkattiyo wode Yihoowawu azazettiyo gishshawunne A ufayssiyo gishshawu ubbatoo markkattoos.
LOYTTA AKEEKA
Yihoowa Markkati kumetta saꞌan markkattanawu waatiyaakko, qassi Yihooway nuna waati maaddiyaakko loytta akeeka.
Dumma dumma biittan markkattiyoogaa: (A) Kosta Rika, (B) Amarkkaa, (C) Benine, (D) Taylande, (E) Yape, (F) Siwidine
4. Nuuni asa ubbawu yootanawu minnidi oottoos
Yihoowa Markkati ubbasan deꞌiya asawu mishiraachchuwaa yootanawu keehi baaxetoosona. BIIDUWAA beꞌite; yaatidi kaallidi deꞌiya oyshaa tobbite.
-
Yihoowa Markkati mishiraachchuwaa yootanawu oottiyooban nena maalaaliyaabay aybee?
Maatiyoosa 22:39nne Roome 10:13-15 nabbabite; yaatidi ha oyshata tobbite:
-
Nuuni haggaaziyoogee nu shoorota siiqiyoogaa waati bessii?
-
Mishiraachchuwaa yootiyaageeta Yihooway waati xeellii?—Paydo 15 xeella.
5. Nuuni Xoossaara issippe oottoos
Asaa deꞌuwan gakkida darobay Yihooway nu oosuwan nuna kaalettiyoogaa bessees. Leemisuwawu, Niwu Zilanden deꞌiya Poola giyo ishay issi galla saateppe guyyiyan sooppe soo haggaaziiddi issi maccaaseera gayttiis. He maccaasiyaa issi uri yiidi O oychchana mala, Yihoowa gaada A sunttaa xeegiyoogan he galla guuran Xoossaa woossaasu. Pooli, “Heezzu saateppe guyyiyan, I soo gakkaas” yaagiis.
Koyro Qoronttoosa 3:6, 9 nabbabite; yaatidi ha oyshaa tobbite:
-
Niwu Zilanden hanidabaynne hegaa malabay markkattiyo oosuwaa Yihooway kaalettiyoogaa waati bessii?
Oosuwaa 1:8 nabbabite; yaatidi ha oyshaa tobbite:
-
Haggaazanawu nuussi Yihoowa maadoy koshshiyoy aybissee?
Hagaa eray?
Saaminttawu gidduwan shiiqiyo shiiquwan asawu markkattanawu maaddiyaabaa ubbatoo tamaaroos. Neeni he shiiquwaa issi galla shiiqidaba gidikko, he timirttiyaabaa ay qoppadii?
6. Markkattanaadan Xoossay nuna azazidobaa azazettoos
Koyro xeetu layttan Yesuusa kaalliyaageeta eqettiyaageeti markkattennaadan digganawu malidosona. Beni Kiristtaaneti markkattanawu banttawu deꞌiya maatawu mootettidi ‘wonggelee woy mishiraachchoy higgiyan erettidi minni eqqanaadan’ oottidosona. (Piliphphisiyuusa 1:7) Yihoowa Markkatikka ha wodiyan hegaadan oottoosona. a
Oosuwaa 5:27-42 nabbabite; yaatidi ha oyshaa tobbite:
ISSI URI HAGAADAN OYCHCHANA DANDDAYEES: “Yihoowa Markkati sooppe soo biidi markkattiyoy aybissee?”
-
Woygada zaaruutee?
AY AKEEKADII?
Yesuusi bana kaalliyaageeti asa ubbawu mishiraachchuwaa yootanaadan azaziis. Ha oosuwaa oottanaadan Yihooway ba asaa maaddiiddi deꞌees.
Zaaretuwaa
-
Mishiraachchuwaa kumetta saꞌan yootiyaageeti oonee?
-
Nuuni haggaaziyoogee nu shoorota siiqiyoogaa waati bessii?
-
Markkattiyoogee nuuni ufayttanaadan oottiyaabee? Aybissi?
PILGGA
Yihoowa Markkati gita katamatun asawu waati markkattiyaakko beꞌa.
Yihoowa Markkati beteta maaddanawu waatidonaa?
Ubba wode haggaaziyoogan deꞌoy ay keena ufayssiyaakko siya.
Pirdda keettay kuuyido amaridabati mishiraachchuwaa metootennan yootanawu maaddidoogaa akeeka.
a Xoossay nuuni markkattanaadan azaziis. Yihoowa Markkati mishiraachchuwaa yootanawu kawotettaa sunttatu eenotaa koshshennay hegaassa.
Hageeta Beꞌadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaꞌissiyoy Ayba Ogiyaanee?
Yihoowa Markkati miishsha qanxxissennan xannaꞌissiyo prograamiyan, Geeshsha Maxaafaa birshshettaa awugaakka goꞌettana danddayaasa. Ne so asa ubbaynne ne laggetikka nenaara xannaꞌanaadan shoobbana danddayaasa.
